ಶಿವೈಕ್ಯಕ್ಕಾಗಿ ಶಿವರಾತ್ರಿ ಆಚರಣೆಗಳು

ಪ್ರಾತಃ ಕಾಲದ ಸ್ನಾನ:

ಸಾಂಪ್ರದಾಯಿಕವಾಗಿ ವೃತವನ್ನು ಆಚರಿಸುವ ವ್ಯಕ್ತಿ ಮುಂಜಾನೆದ್ದು ಬೆಚ್ಚಗಿನ ನೀರಿನಲ್ಲಿ ಕಪ್ಪು ಎಳ್ಳು ಬೀಜಗಳೊಂದಿಗೆ ಸ್ನಾನ ಮಾಡಬೇಕು. ವೃತವನ್ನು ಆರಂಭಿಸುವ ಮುನ್ನ ದೇಹದಲ್ಲಿನ ಕಲ್ಮಶಗಳು ದೂರಾಗಲು ಪ್ರಾತಃ ಸ್ನಾನ ಸಹಕಾರಿ.

ಲಿಂಗಕ್ಕೆ ಅಭಿಷೇಕ:

ವೃತಾಧಾರಿಯು ಹತ್ತಿರವಿರುವ ಶಿವ ದೇವಸ್ಥಾನಕ್ಕೆ ಹೋಗಬೇಕು ಅಥವಾ ಮನೆಯಲ್ಲೇ "ಲಿಂಗವನ್ನು" ನೀರು, ಜೇನು ಹಾಲಿನೊಂದಿಗೆ ಅಭಿಷೇಕ ಮಾಡಿಸಿ ಸ್ವಚ್ಛಗೊಳಿಸಬೇಕು.

ಅರ್ಪಣೆಗಳು:

"ಲಿಂಗ" ವನ್ನು ತೊಳೆದ ನಂತರ, ಬಿಲ್ವ ಎಲೆಗಳು ಅಥವಾ ಬಿಲ್ವ ಪತ್ರೆಯನ್ನು, ದತ್ತೂರಿ ಹಣ್ಣು, ಅಖಂಡ ಹೂವುಗಳು, ಅರಶಿನ, ಕುಂಕುಮ ಮತ್ತು ಶ್ರೀ ಗಂಧವನ್ನು "ಲಿಂಗಕ್ಕೆ" ಸಮರ್ಪಿಸಬೇಕು.

ಪ್ರಸಾದ ಅರ್ಪಣೆಗಳು:

ಶಿವ ದೇವರಿಗೆ ಹಾಲಿನ ಪ್ರಸಾದಗಳೆಂದರೆ ತುಂಬಾ ಪ್ರಿಯವಾದುದು. ಹಾಲಿನಿಂದ ಮಾಡಿದ ಪಾಯಸ, ಅಥವಾ ಇತರೆ ಹಾಲ ಉತ್ಪನ್ನಗಳನ್ನು ಶಿವ ದೇವರಿಗೆ ಅರ್ಪಿಸಲಾಗುತ್ತದೆ. ಕೆಲವು ಭಕ್ತರು ದೇವರಿಗೆ "ಭಾಂಗ್" ಅನ್ನು ಅರ್ಪಿಸುತ್ತಾರೆ.

ಪ್ರಾರ್ಥನೆಗಳು:

ಭಕ್ತರು "ಓಂ ನಮಃಶಿವಾಯ" ಮಂತ್ರವನ್ನು ಪಠಿಸುತ್ತಾ "ಲಿಂಗಕ್ಕೆ" ಪ್ರಾರ್ಥನೆಯನ್ನು ಸಲ್ಲಿಸಬೇಕು. ಲಿಂಗದ ಎದುರು ದೀಪ ಹಚ್ಚಿ ಭಕ್ತರು ಶಿವನ ಭಜನೆಗಳನ್ನು ಹಾಡಬೇಕು.

ಹಗಲು ರಾತ್ರಿ ಉಪವಾಸ:

ಶಿವರಾತ್ರಿ ಉಪವಾಸವು ಹಗಲಿನಿಂದ ಪ್ರಾರಂಭಗೊಂಡು ರಾತ್ರಿ ಪೂರ್ತಿ ನಡೆದು ಮರುದಿನ ಪ್ರಾತಃ ಕಾಲಕ್ಕೆ ಕೊನೆಗೊಳ್ಳುತ್ತದೆ.

ಉಪವಾಸ ನಿಯಮಗಳು:

ವೃತದ ಸಮಯದಲ್ಲಿ ಆಹಾರವಿಲ್ಲದೆ ಕಟ್ಟುನಿಟ್ಟಾಗಿ ದೇವರಲ್ಲಿ ಐಕ್ಯಗೊಳ್ಳಬೇಕು. ವೃತಾಧಾರಿಯು ಹಣ್ಣಿನ ರಸ, ಹಣ್ಣುಗಳು ಮತ್ತು ವಿಶೇಷ ವೃತ ಆಹಾರಗಳಾದ ಕುಟ್ಟು ಚಪಾತಿ, ವೃತದ ಅನ್ನ, ಬೀಜಗಳು, ಈರುಳ್ಳಿ ಬೆಳ್ಳುಳ್ಳಿ ಇಲ್ಲದ ಪದಾರ್ಥಗಳನ್ನು ಸೇವಿಸಬಹುದು. ಸೂರ್ಯಾಸ್ತದ ನಂತರವಷ್ಟೇ ಊಟವನ್ನು ಸೇವಿಸಬೇಕು.

ಜಾಗರಣೆ:

ವೃತಾಧಾರಿಗಳು ರಾತ್ರಿಯೆಲ್ಲಾ ಶಿವನ ಕಥೆಗಳನ್ನು ಕೇಳುತ್ತಾ ಮಂತ್ರಗಳನ್ನು ಪಠಿಸುತ್ತಾ ಜಾಗರಣೆ ಮಾಡಬೇಕು.

ವೃತವನ್ನು ಸಂಪನ್ನಗೊಳಿಸುವುದು:

ಮರುದಿನ ಮುಂಜಾನೆ ಲಿಂಗಕ್ಕೆ ಅಭಿಷೇಕವನ್ನು ಪೂರೈಸಿ ಪ್ರಾರ್ಥನೆಗಳನ್ನು ಸಲ್ಲಿಸಿದ ನಂತರವಷ್ಟೇ ವೃತವನ್ನು ಸಂಪನ್ನಗೊಳಿಸಬೇಕು. ವೃತ ಸಂಪನ್ನಗೊಳಿಸುವಾಗ ಪ್ರಸಾದ ಇಲ್ಲವೇ, ಶಿವನಿಗೆ ಅರ್ಪಿಸಿದ ಆಹಾರವನ್ನು ಮೊದಲು ತೆಗೆದುಕೊಳ್ಳಬೇಕು.