Krishna Janmashtami 2022: ಜನ್ಮಾಷ್ಟಮಿಯಂದು ಕೃಷ್ಣನ ನೆಚ್ಚಿನ ಈ ತಿಂಡಿಗಳನ್ನು ಅರ್ಪಿಸಿ

ಮುರುಕು

ಮುರುಕು ಒಂದು ಕರಿದ ತಿಂಡಿಯಾಗಿದ್ದು, ಇದನ್ನು ಕೃಷ್ಣ ಜನ್ಮಾಷ್ಟಮಿಗಾಗಿ ತಯಾರಿಸಲಾಗುತ್ತದೆ. ದಕ್ಷಿಣ ಭಾರತದಲ್ಲಿ ಮುರುಕುವನ್ನು ಕಡ್ಡಾಯವಾಗಿ ಕೃಷ್ಣನಿಗೆ ಅರ್ಪಿಸಲಾಗುತ್ತದೆ ಏಕೆಂದರೆ ಇದು ಅವನ ನೆಚ್ಚಿನ ಭಕ್ಷ್ಯಗಳಲ್ಲಿ ಒಂದಾಗಿದೆ.

ಬೇಸನ್ ಲಡ್ಡು

ಬಹುತೇಕ ಎಲ್ಲಾ ಹಬ್ಬಗಳಲ್ಲಿ ಸಹ ಲಡ್ಡು ಇಡುವುದು ವಾಡಿಕೆ. ಹಬ್ಬಕ್ಕಾಗಿ ವಿವಿಧ ರೀತಿಯ ಲಾಡೂಗಳನ್ನು ತಯಾರಿಸಲಾಗುತ್ತದೆ; ಆದರೆ ಕೃಷ್ಣ ಜನ್ಮಾಷ್ಟಮಿಯಂದು ಮಾತ್ರ ಬೇಸನ್ ಲಾಡೂ ಇಡಲೇಬೇಕಾದ ಸಿಹಿಂಖಾದ್ಯವಾಗಿದೆ. ತುಂಬಾ ಸುಲಭವಾಗಿ ಮಾಡಬಹುದಾದ, ಬಹಳ ರುಚಿ ಇರುವ ಬೇಸನ್‌ ಲಾಡೂ ಶ್ರೀಕೃಷ್ಣನ ನೆಚ್ಚಿನ ಸಿಹಿಯಾಗಿದೆ.

ಕೋಡುಬಳೆ

ಕೋಡುಬಳೆ ಒಂದು ವಿಶಿಷ್ಟವಾದ ದಕ್ಷಿಣ ಭಾರತದ ಪಾಕವಿಧಾನವಾಗಿದೆ ಮತ್ತು ಜನ್ಮಾಷ್ಟಮಿಗೆ ಇದ್ದನ್ನು ತಪ್ಪದೇ ತಯಾರಿಸಲಾಗುತ್ತದೆ. ಇದು ಕೃಷ್ಣ ಜನ್ಮಾಷ್ಟಮಿಗಾಗಿ ತಯಾರಿಸಲಾದ ಗರಿಗರಿಯಾದ ಮಸಾಲೆಯುಕ್ತ ತಿಂಡಿಯಾಗಿದೆ.

ಸೋರೆಕಾಯಿ ತುಪ್ಪದ ಹಲ್ವಾ

ಭಗವಾನ್ ಕೃಷ್ಣನ ಅಚ್ಚುಮೆಚ್ಚಿನ ಭಕ್ಷ್ಯಗಳಲ್ಲಿ ಒಂದು ಸೋರೆಕಾಯಿ ತುಪ್ಪದ ಹಲ್ವಾ. ನೀವು ಸೋರೆಕಾಯಿ ತುಪ್ಪದ ಹಲ್ವಾವನ್ನು ಜನ್ಮಾಷ್ಟಮಿಗೆ ಎಂದಿಗೂ ತಪ್ಪಿಸಬಾರದು. ಜನ್ಮಾಷ್ಟಮಿಗೆ ನೀವು ತಯಾರಿಸಬೇಕಾದ ಅತ್ಯಂತ ರುಚಿಕರವಾದ ಪಾಕವಿಧಾನ ಇದು. ಈ ಪಾಕವಿಧಾನದ ಮುಖ್ಯ ಘಟಕಾಂಶವೆಂದರೆ ಸೋರೆಕಾಯಿ ಜೊತೆಗೆ ತುಪ್ಪ ಮತ್ತು ಒಣ ಹಣ್ಣುಗಳು.

ಆಲೂ ಪೋಹಾ

ಯಾರೇ ಅದರೂ ನಮಗೆ ಪೋಹ/ಅವಲಕ್ಕಿಯನ್ನು ನೀಡಿದಾಗ ನಾವು ಅದನ್ನು ನಿರಾಕರಿಸಬಾರದು ಎಂದು ನಂಬಲಾಗಿದೆ. ಕೃಷ್ಣನಿಗೆ ಅವಲಕ್ಕಿ ಎಂದರೆ ಅತ್ಯಂತ ಇಷ್ಟದ ತಿಂಡಿ ಆಗುವುದರಿಂದ ಅದನ್ನು ಭಗವಂತನಿಗೆ ಅರ್ಪಿಸಿ ನಂತರ ಸೇವಿಸುವುದು ಶುಭ.

ತೆಂಗಿನಕಾಯಿ ಬರ್ಫಿ

ತೆಂಗಿನಕಾಯಿ ಬರ್ಫಿ ಕೂಡ ಶ್ರೀಕೃಷ್ಣನ ನೆಚ್ಚಿನ ಭಕ್ಷ್ಯವಾಗಿದೆ. ಸಿಹಿ ಪಾಕವಿಧಾನಗಳಲ್ಲಿ, ನೀವು ತಯಾರಿಸಬಹುದಾದ ಸುಲಭವಾದ ಪಾಕವಿಧಾನವಾಗಿದೆ. ಸಕ್ಕರೆಯ ಮಾಧುರ್ಯ, ತುಪ್ಪ ಮತ್ತು ತೆಂಗಿನಕಾಯಿಯ ರುಚಿ ಅದ್ಭುತವನ್ನು ಮಾಡುತ್ತದೆ. ತೆಂಗಿನಕಾಯಿ ಬರ್ಫಿಯನ್ನು ನೈವೇದ್ಯವಾಗಿ ಬಡಿಸಿ ನಂತರ ಪ್ರಸಾದವಾಗಿ ವಿತರಿಸಬಹುದು.

ತಂಬಿಟ್ಟು

ತಂಬಿಟ್ಟು ದಕ್ಷಿಣ ಭಾರತದಲ್ಲಿ ಬಹಳ ಪ್ರಸಿದ್ಧವಾದ ಸಿಹಿ ತಿಂಡಿಯಾಗಿದೆ ಮತ್ತು ಜನ್ಮಾಷ್ಟಮಿಗೆ ತಯಾರಿಸಬೇಕಾದ ಭಕ್ಷ್ಯವಾಗಿದೆ. ತಂಬಿಟ್ಟು ತಯಾರಿಸಲು, ಅಕ್ಕಿ ಹಿಟ್ಟು ಅಥವಾ ಗೋಧಿ ಹಿಟ್ಟನ್ನು ಬೆಲ್ಲ ಮತ್ತು ತುಪ್ಪದೊಂದಿಗೆ ಸೇರಿಸಲಾಗುತ್ತದೆ. ಇದು ಸಹ ಕೃಷ್ಣನ ನೆಚ್ಚಿನ ತಿಂಡಿಯಾಗಿದೆ.

ಸಾಬುದಾನ ಖೀರ್

ಸಾಬುದಾನ ಖೀರ್ ಒಂದು ಸವಿಯಾದ ಸಿಹಿಯಾಗಿದ್ದು ಇದನ್ನು ಸಾಮಾನ್ಯವಾಗಿ ಯಾವುದೇ ಉಪವಾಸದ ಹಬ್ಬದಲ್ಲಿ ತಯಾರಿಸಲಾಗುತ್ತದೆ.