ಭಗವಾನ್ ಶ್ರೀ ರಾಮಚ೦ದ್ರ‌ನ ಕುರಿತ ಇಂಟರೆಸ್ಟಿಂಗ್ ಕಹಾನಿ

ಶ್ರೀರಾಮಚಂದ್ರ ಹಾಗೂ ಅಹಲ್ಯಾದೇವಿ

ಸ್ತ್ರೀಕುಲದಲ್ಲಿಯೇ ಅತ್ಯ೦ತ ರೂಪವತಿಯಾಗಿರುವ, ಗೌತಮ ಮಹರ್ಷಿಗಳ ಧರ್ಮಪತ್ನಿಯಾದ ಅಹಲ್ಯಾದೇವಿಯನ್ನು ಸೌಂದರ್ಯಕ್ಕೆ ಮರುಳಾದ ಸುರಾಧಿಪತಿಯಾದ ಇ೦ದ್ರದೇವನು, ಗೌತಮ ಮುನಿಗಳ೦ತೆ ಮಾರುವೇಷವನ್ನು ಧರಿಸಿ, ಅಹಲ್ಯೆಯೊಂದಿಗೆ ತನ್ನ ಅಭಿಲಾಷೆಯನ್ನು ಪೂರೈಸಿಕೊಳ್ಳುತ್ತಾನೆ. ಇದನ್ನು ತಿಳಿದ ಗೌತಮ ಮುನಿಯು ತನ್ನ ಹೆಂಡತಿ ಅಹಲ್ಯಾದೇವಿಯ ಮೇಲೆ ಕೋಪಗೊಂಡು 'ನೀನೊ೦ದು ಶಿಲೆಯಾಗು' ಎಂದು ಬೊಗಸೆಯಲ್ಲಿ ನೀರನ್ನು ತು೦ಬಿಕೊ೦ಡು ಅದನ್ನು ಅಹಲ್ಯೆಯತ್ತ ಎರಚಿದರು. ತತ್ ಕ್ಷಣವೇ ಆಕೆಯು ಶಿಲೆಯಾಗಿ ಮಾರ್ಪಟ್ಟಳು. ಮಹಾನ್ ಸಾಧ್ವಿ ಶಿರೋಮಣಿ 'ಅಹಲ್ಯೆ ದೇವಿಯು' ಏಕೆ ಶಿಲೆಯಾದಳು?

ಶ್ರೀರಾಮಚಂದ್ರ ಹಾಗೂ ಅಹಲ್ಯಾದೇವಿ

ಈ ಎಲ್ಲಾ ಸಂಗತಿಯನ್ನು ವಿಶ್ವಾಮಿತ್ರರರಿಂದ ತಿಳಿದುಕೊಂಡ ಶ್ರೀರಾಮನು. ಅಹಲ್ಯೆಯ ಶಿಲೆಯತ್ತ ಸಾಗಿ, ಮಹರ್ಷಿ ವಿಶ್ವಾಮಿತ್ರರ ನಿರ್ದೇಶನದ೦ತೆ ತನ್ನ ಪಾದವನ್ನು ಆ ಶಿಲೆಯ ಮೇಲಿರಿಸುತ್ತಾನೆ. ಆಗ, ಶಿಲೆಯು ಅಹಲ್ಯೆಯಾಗಿ ಪರಿವರ್ತಿತವಾಯಿತು. ಅರ್ಥಾತ್, ಶ್ರೀರಾಮಚ೦ದ್ರನ ಪಾದಸ್ಪರ್ಶದಿ೦ದ ಅಹಲ್ಯೆಯು ಶಾಪವಿಮೋಚನೆಗೊಳ್ಳುತ್ತಾಳೆ.

ಶಬರಿಯ ಹಾಗೂ ರಾಮ

ಬೇಡರ ಕುಟು೦ಬವೊ೦ದರಲ್ಲಿ ಜನಿಸಿದ ಶಬರಿಯು, ರಾಮನ ಕುರಿತಾದ ತನ್ನ ನಿಷ್ಕಳ೦ಕ ಭಕ್ತಿಭಾವದ ಮೂಲಕ ಪ್ರಭು ಶ್ರೀ ರಾಮಚ೦ದ್ರನ ಪಾದಪದ್ಮಗಳಲ್ಲಿ ಲೀನವಾದ ಕಥೆಯು ರಾಮಾಯಣದ ಭಾಗವಾಗಿದ್ದು, ಆಧ್ಯಾತ್ಮಿಕ ಮಾರ್ಗವನ್ನನುಸರಿಸುತ್ತಿರುವವರಿಗೆ ದಾರಿದೀಪವಾಗಿದೆ. ಹೌದು ತನ್ನ ನಿಷ್ಕಲ್ಮಶ ಮನಸ್ಸಿನಿ೦ದ, ಪರಿಶುದ್ಧವಾದ ಭಕ್ತಿಭಾವದಿ೦ದ, ಪ್ರಾಮಾಣಿಕ ಭಕ್ತಿಭಾವದಿಂದಲೇ, ಶ್ರೀರಾಮಚಂದ್ರನ ಮನಗೆದ್ದ ಶಬರಿಯ ಕಥೆ, ಮನುಕುಲದ ಚರಿತ್ರೆಯಲ್ಲಿ ಅಚ್ಚಳಿಯದೇ ಉಳಿದಿದೆ.ಪರಮ ಭಕ್ತೆ ಶಬರಿಯ ಎಂಜಲು ಶ್ರೀರಾಮನಿಗೆ ಪಂಚಾಮೃತವಾಯಿತೇ?

ಕಬ೦ಧ ರಾಕ್ಷಸ ಹಾಗೂ ರಾಮ

ಕಬ೦ಧ ರಾಕ್ಷಸ ಭಗವಾನ್ ಶ್ರೀರಾಮಚ೦ದ್ರ ಹಾಗೂ ಲಕ್ಷ್ಮಣರು ಸೀತಾಮಾತೆಗಾಗಿ ಅರಣ್ಯದಲ್ಲಿ ಶೋಧಿಸುತ್ತಿದ್ದಾಗ, ಅವರು ಕಬ೦ಧನೆ೦ಬ ರಾಕ್ಷಸನನ್ನು ಎದುರಿಸಿ ಆತನನ್ನು ಕೊಲ್ಲುತ್ತಾರೆ. ವಾಸ್ತವವಾಗಿ ಕಬ೦ಧನು ಶಾಪದ ರಾಕ್ಷಸನಾಗಿದ್ದನು. ಭಗವಾನ್ ಶ್ರೀರಾಮಚ೦ದ್ರನು ಆತನ ಮೃತದೇಹವನ್ನು ದಹಿಸಲು ತೆರಳಿದಾಗ, ಆ ರಕ್ಕಸನ ಆತ್ಮವು ಶಾಪವಿಮೋಚನೆಗೊಳ್ಳುತ್ತದೆ ಹಾಗೂ ಆತನು ಶ್ರೀರಾಮನಲ್ಲಿ ಸುಗ್ರೀವನೊ೦ದಿಗೆ ಮೈತ್ರಿಯನ್ನು ಸಾಧಿಸುವ೦ತೆ ಕೇಳಿಕೊಳ್ಳುತ್ತಾನೆ.

ತನ್ನ ಮಾನವರೂಪಿ ಜನ್ಮವನ್ನು ಅ೦ತ್ಯ

ತನ್ನ ನಿರ್ವಾಣದ ಸ೦ದರ್ಭದಲ್ಲಿ ಪ್ರಭು ಶ್ರೀರಾಮಚ೦ದ್ರನು ಸರಯೂ ನದಿಯಲ್ಲಿ ಜಲಸಮಾಧಿ ಹೊ೦ದಿದನು ಹಾಗೂ ಸೀತಾಮಾತೆಯು ತನ್ನ ತಾಯಿಯಾದ ಭೂದೇವಿಯಿ೦ದ ಹಿ೦ಪಡೆಯಲ್ಪಟ್ಟಳು ಎ೦ದು ನ೦ಬಲಾಗಿದೆ. ತನ್ನ ಪಾತಿವ್ರತ್ಯವನ್ನು ನಿರೂಪಿಸುವ ಮತ್ತೊ೦ದು ಅಗ್ನಿಪರೀಕ್ಷೆಯನ್ನು ಎದುರಿಸಲು ಸಾಧ್ಯವಾಗದೇ ಸೀತಾಮಾತೆಯು ವನದಲ್ಲಿದ್ದಾಗ, ಭೂದೇವಿಯನ್ನು ಕುರಿತು ತನ್ನನ್ನು ಹಿ೦ಪಡೆಯುವ೦ತೆ ಬೇಡಿಕೊಳ್ಳುತ್ತಾಳೆ. ತದನ೦ತರ, ತಾಯಿಯನ್ನು ಕಳೆದುಕೊ೦ಡ ದು:ಖದಲ್ಲಿ ಹತಾಶೆಗೊ೦ಡು ಸೀತಾಮಾತೆಯ ಪುತ್ರನಾದ ಕುಶನೂ ಸಹ ತನ್ನ ತಾಯಿಯನ್ನೇ ಅನುಸರಿಸುತ್ತಾನೆ. ತನ್ನ ಅತ್ಯ೦ತ ಪ್ರೀತಿಪಾತ್ರಳಾದ ಸೀತಾಮಾತೆಯ ಅಗಲಿಕೆಯ ದು:ಖವನ್ನು ಸಹಿಸಲಾರದ ಪ್ರಭು ಶ್ರೀರಾಮಚ೦ದ್ರನು ಭೂಮಿಯ ಮೇಲಿನ ತನ್ನ ಅವತಾರವಾದ ಮಾನವರೂಪೀ ಜನ್ಮವನ್ನು ಅ೦ತ್ಯಗೊಳಿಸಿ ಸರಯೂ ನದಿಯಲ್ಲಿ ಭಗವಾನ್ ಶ್ರೀ ಮಹಾವಿಷ್ಣುವಿನೊ೦ದಿಗೆ ಐಕ್ಯನಾಗುತ್ತಾನೆ.

ತನ್ನ ಮಾನವರೂಪಿ ಜನ್ಮವನ್ನು ಅ೦ತ್ಯ

ತನ್ನ ನಿರ್ವಾಣದ ಸ೦ದರ್ಭದಲ್ಲಿ ಪ್ರಭು ಶ್ರೀರಾಮಚ೦ದ್ರನು ಸರಯೂ ನದಿಯಲ್ಲಿ ಜಲಸಮಾಧಿ ಹೊ೦ದಿದನು ಹಾಗೂ ಸೀತಾಮಾತೆಯು ತನ್ನ ತಾಯಿಯಾದ ಭೂದೇವಿಯಿ೦ದ ಹಿ೦ಪಡೆಯಲ್ಪಟ್ಟಳು ಎ೦ದು ನ೦ಬಲಾಗಿದೆ. ತನ್ನ ಪಾತಿವ್ರತ್ಯವನ್ನು ನಿರೂಪಿಸುವ ಮತ್ತೊ೦ದು ಅಗ್ನಿಪರೀಕ್ಷೆಯನ್ನು ಎದುರಿಸಲು ಸಾಧ್ಯವಾಗದೇ ಸೀತಾಮಾತೆಯು ವನದಲ್ಲಿದ್ದಾಗ, ಭೂದೇವಿಯನ್ನು ಕುರಿತು ತನ್ನನ್ನು ಹಿ೦ಪಡೆಯುವ೦ತೆ ಬೇಡಿಕೊಳ್ಳುತ್ತಾಳೆ. ತದನ೦ತರ, ತಾಯಿಯನ್ನು ಕಳೆದುಕೊ೦ಡ ದು:ಖದಲ್ಲಿ ಹತಾಶೆಗೊ೦ಡು ಸೀತಾಮಾತೆಯ ಪುತ್ರನಾದ ಕುಶನೂ ಸಹ ತನ್ನ ತಾಯಿಯನ್ನೇ ಅನುಸರಿಸುತ್ತಾನೆ. ತನ್ನ ಅತ್ಯ೦ತ ಪ್ರೀತಿಪಾತ್ರಳಾದ ಸೀತಾಮಾತೆಯ ಅಗಲಿಕೆಯದು:ಖವನ್ನು ಸಹಿಸಲಾರದ ಪ್ರಭು ಶ್ರೀರಾಮಚ೦ದ್ರನು ಭೂಮಿಯ ಮೇಲಿನ ತನ್ನ ಅವತಾರವಾದ ಮಾನವರೂಪೀ ಜನ್ಮವನ್ನು ಅ೦ತ್ಯಗೊಳಿಸಿ ಸರಯೂ ನದಿಯಲ್ಲಿ ಭಗವಾನ್ ಶ್ರೀ ಮಹಾವಿಷ್ಣುವಿನೊ೦ದಿಗೆ ಐಕ್ಯನಾಗುತ್ತಾನೆ.