ಮನುಷ್ಯನಲ್ಲಿ ಇರುವಂತಹ ನಾಲ್ಕು ಗುಣಗಳಿಂದ ಆತ ಸ್ವರ್ಗದಿಂದ ಬಂದಿರುವವನು ಎಂದು ಹೇಳಬಹುದಂತೆ!

ಶ್ಲೋಕ

ಸ್ವರ್ಗವಾಸಿ ಜನ್ ಕೆ ಸಾದಾ, ಚಾರ್

ಚಿನ್ಹಾ ಲೇಖಿ ಯಹಿ

ದೇವ ವಿಪ್ರ ಪೂಜಾ ಮಧುರ್, ವಕ ದಾನ

ಕರಿ ದೇಹಿ

ಸಮಾಜಕ್ಕಾಗಿ ದಾನ ಮಾಡುವಾತ

ಮುಗ್ದ ಹೃದಯವನ್ನು ಹೊಂದಿರುವಂತಹ ವ್ಯಕ್ತಿ ಇತರ ಜನರ ನೋವನ್ನು ತಿಳಿಯಬಲ್ಲ. ಇಂತಹ ವ್ಯಕ್ತಿಗಳು ಜನರು ತೊಂದರೆಗೀಡಾಗುವುದನ್ನು ನೋಡಲಾರರು. ಇಂತಹ ವ್ಯಕ್ತಿಗಳು ಬಡವರಿಗೆ, ದುರ್ಬಲರಿಗೆ ಮತ್ತು ಅಗತ್ಯವಿರುವವರಿಗೆ ನೆರವು ನೀಡುವರು. ಪ್ರತಿಯೊಬ್ಬರಿಗೂ ತಮ್ಮ ಲಾಭವನ್ನು ಅಪರಿಚಿತ ವ್ಯಕ್ತಿಗಳೊಂದಿಗೆ ಹಂಚಿಕೊಳ್ಳಲು ಆಗದು. ಅಗತ್ಯವಿರುವವರಿಗೆ ದಾನ ಮಾಡುವಂತಹ ಮಹತ್ವ ತಿಳಿದುಕೊಂಡಿರುವವರಿಗೆ ಮಾತ್ರ ಇದು ಸಾಧ್ಯವಿರುವುದು. ಇಂತಹವರು ಸ್ವರ್ಗದಿಂದ ಬಂದಿರುವವರು.

ತುಂಬಾ ವಿನಯಶೀಲ ಮತ್ತು ಸಹೃದಯಿ

ಕೆಲವು ಜನರು ತುಂಬಾ ಶಾಂತ ಹಾಗೂ ಸಂಯಮದಿಂದ ಇರುವರು. ಇವರಿಗೆ ಯಾವುದೇ ರೀತಿಯ ಏರಿಳಿತದಿಂದ ಪರಿಣಾಮವಾಗದು. ಕೃಷ್ಣ ದೇವರು ಕೂಡ ಹೀಗೆ ಹೇಳುತ್ತಾರೆ... ಯಾರೂ ಅತಿಯಾಗಿ ಸಂತೋಷದಿಂದ ಇರಬಾರದು ಮತ್ತು ಅತೀ ದುಃಖಿತರಾಗಬಾರದು ಎಂದು. ಮಾತನಾಡುವ ವಿಧಾನದಿಂದಾಗಿ ಅವರು ತುಂಬಾ ಶಾಂತವಾಗಿರುವರು ಎಂದು ತಿಳಿಯುವುದು. ಇವರು ತಮ್ಮ ನಡತೆಯಲ್ಲಿ ತುಂಬಾ ಮೃಧು ಹಾಗೂ ಮಧುರವಾಗಿರುವರು. ಈ ಜನರು ತಮ್ಮ ಹಿಂದಿನ ಜನ್ಮದಲ್ಲಿ ಸ್ವರ್ಗದಲ್ಲಿದ್ದರು ಎಂದು ಹೇಳಲಾಗುತ್ತದೆ.

ಆಧ್ಯಾತ್ಮದೆಡೆಗೆ ಹೆಚ್ಚು ವಾಲಿರುವಂತವರು

ಯಾವುದೇ ರೀತಿಯ ಪೂಜೆ ಮಾಡುವುದಿದ್ದರೂ ಆಗ ಮನೆ ದೇವರಿಗೆ ಪೂಜೆ ಮೊದಲು ಮಾಡಬೇಕು ಎಂದು ಹೇಳಲಾಗುತ್ತದೆ. ಆಧ್ಯಾತ್ಮಿಕವಾಗಿ ನಂಬಿಕೆ ಉಳ್ಳವರು ಮತ್ತು ಧಾರ್ಮಿಕ ಆಚರಣೆಗಳ ಮೇಲೆ ನಂಬಿಕೆ ಇರುವಂತಹ ವ್ಯಕ್ತಿಗಳು ಹಿಂದಿನ ಜನ್ಮದಲ್ಲಿ ಸ್ವರ್ಗದಲ್ಲಿ ಇದ್ದವರು ಎಂದು ಚಾಣಕ್ಯನ ನೀತಿ ಹೇಳುತ್ತದೆ.

ಹಸಿದವರಿಗೆ ಆಹಾರ ನೀಡುವವರು

ಭೂಮಿ ಮೇಲೆ ಪ್ರತಿಯೊಬ್ಬರು ಬದುಕಬೇಕು ಎನ್ನುವುದು ಮೊದಲ ತತ್ವವಾಗಿದೆ. ಆದರೆ ಪಕ್ಷಿಗಳು, ಪ್ರಾಣಿಗಳು ಅಥವಾ ಮನುಷ್ಯನಿಗೆ ಹಸಿದಿರುವಾಗ ಆಹಾರ ನೀಡುವುದು ತುಂಬಾ ಪುಣ್ಯದ ಕೆಲಸ ಎಂದು ಹೇಳಲಾಗುತ್ತದೆ. ಇದರಿಂದ ಅವರ ಆತ್ಮವು ಸ್ವರ್ಗದಲ್ಲಿ ನೆಲೆಸುವುದು ಮತ್ತು ಅವರು ಸ್ವರ್ಗದಿಂದ ಬಂದವರು ಎಂದು ಹೇಳಬಹುದು. ಸ್ವಾರ್ಥಿಗಳು ಮಾತ್ರ ತಮ್ಮ ಹೊಟ್ಟೆಯನ್ನು ಮಾತ್ರ ತುಂಬಿಸುವಲ್ಲಿ ತಲ್ಲೀನರಾಗಿರುವರು. ಬೇರೆಯವರ ಹಸಿವು ತಿಳಿದವರು ಮಾತ್ರ ಇಂತಹ ಕೆಲಸ ಮಾಡಲು ಸಾಧ್ಯ ಎಂದು ಚಾಣಕ್ಯ ನೀತಿಯು ಹೇಳುತ್ತದೆ. ಇಂತಹ ಜನರು ಸ್ವರ್ಗದಿಂದ ಬಂದವರು ಎಂದು ಹೇಳಲಾಗುತ್ತದೆ.