ಹಿಂದೂ ದೇವರುಗಳ ನೆಚ್ಚಿನ ಆಹಾರಗಳು

ಹಾಲು

ಶಿವ ಮತ್ತು ಗಣಪತಿ ಇಬ್ಬರಿಗು ಹಾಲನ್ನು ಸಮರ್ಪಿಸಲಾಗುತ್ತದೆ. ನಂಬಿಕೆಗಳ ಪ್ರಕಾರ ಶಿವ ಮತ್ತು ಗಣಪತಿ ಇಬ್ಬರೂ ಹಾಲನ್ನು ಇಷ್ಟಪಡುತ್ತಾರೆ.

ಲಾಡು

ಗಣಪತಿಗೆ ಲಾಡುಗಳೆಂದರೆ ಪಂಚ ಪ್ರಾಣ, ಹಾಗಾಗಿಯೇ ಈ ಲಾಡು ಗಣಪತಿಯ ಪರಮಾಪ್ತ ತಿನಿಸುಗಳಲ್ಲಿ ಸ್ಥಾನ ಪಡೆದಿದೆ. ಇದೊಂದು ಬಹುಮುಖಿ ಸಿಹಿ ತಿನಿಸಾಗಿರುವ ಕಾರಣದಿಂದ ಹಲವಾರು ದೇವರುಗಳಿಗು ಸಹ ಇದನ್ನೆ ಅರ್ಪಿಸಲಾಗುತ್ತದೆ.

ಕೆಂಪು ಹೆಸರು ಬೇಳೆ

ಕೆಂಪು ಹೆಸರು ಅಥವಾ ಮೈಸೂರು, ಮಸೂರ್ ಬೇಳೆ ಎಂದು ಸಹ ಕರೆಯಲ್ಪಡುವ ಇದು ಹನುಮಾನ್ ಮತ್ತು ಸೂರ್ಯ ದೇವರು ಇಬ್ಬರಿಗು ನೆಚ್ಚಿನ ಆಹಾರ ಪದಾರ್ಥವಾಗಿದೆ. ಇದನ್ನು ಬೆಲ್ಲ ಮತ್ತು ನೀರಿನೊಂದಿಗೆ ಸೇರಿಸಿ ಸಮರ್ಪಿಸಲಾಗುತ್ತದೆ.

ಹಳದಿ ಹೆಸರು ಬೇಳೆ

ಹಳದಿಯ ಅಂಶಗಳನ್ನು ವಿಷ್ಣುವಿಗೆ ಸಮರ್ಪಿಸುವುದು ವಾಡಿಕೆ. ಏಕೆಂದರೆ ಭಗವಾನ್ ವಿಷ್ಣುವಿಗೆ ಹಳದಿ ಬಣ್ಣವೆಂದರೆ ಪ್ರೀತಿ. ಹೆಸರು ಬೇಳೆ, ಬೆಲ್ಲ, ಹಳದಿ ಲಾಡು ಇತ್ಯಾದಿಗಳು ವಿಷ್ಣುವಿನ ಅನುಗ್ರಹವನ್ನು ನಿಮಗೆ ದೊರಕಿಸಿಕೊಡುತ್ತವೆ.

ಭಾಂಗ್

ಭಾಂಗ್ ಅಥವ ಭಂಗಿ ( ಸೆಣಬಿನ ಎಲೆಗಳಿಂದ ಮಾಡಲಾದ ಒಂದು ಪಾನೀಯ) ಎಂಬ ಪಾನೀಯವು ಶಿವನ ಜೊತೆಗೆ ತಳಕು ಹಾಕಿಕೊಂಡಿದೆ. ಈ ದೇವರಿಗೆ ಸೆಣಬಿನ ಎಲೆಗಳನ್ನು ನೈವೇದ್ಯವಾಗಿ ಅರ್ಪಿಸುವ ವಾಡಿಕೆ ಕೆಲವೆಡೆ ಇದೆ. ನೀವು ಶಿವನ ಅನುಗ್ರಹಕ್ಕೆ ಪಾತ್ರವಾಗಬೇಕು ಎಂದಲ್ಲಿ ಸಕ್ಕರೆ, ಮೊಸರು ಮತ್ತು ಧಾತುರವನ್ನು ನೈವೇದ್ಯವಾಗಿ ಅರ್ಪಿಸಿ.

ಬೆಲ್ಲ

ಇದು ಹಲವು ಹಿಂದೂ ದೇವರುಗಳ ನೆಚ್ಚಿನ ಆಹಾರವಾಗಿದೆ. ಈ ಬೆಲ್ಲವನ್ನು ಹಾಲಿನೊಂದಿಗೆ ಅಥವಾ ಹೆಸರುಬೇಳೆಯೊಂದಿಗೆ ಬೆರೆಸಿ ಅಥವಾ ಸಿಹಿಯ ರೂಪದಲ್ಲಿ ದೇವರಿಗೆ ಸಮರ್ಪಿಸಲಾಗುತ್ತದೆ.

ಕೇಸರಿ

ಈ ಸುಗಂಧಿತ ಮಸಾಲೆ ಪದಾರ್ಥವನ್ನು ಶಿವ ಮತ್ತು ಸೂರ್ಯದೇವರಿಗೆ ಸಮರ್ಪಿಸಲಾಗುತ್ತದೆ. ಇದನ್ನು ಎಸಳುಗಳ ರೂಪದಲ್ಲಿ ಅಥವಾ ಹಾಲಿನ ಜೊತೆಗೆ ಬೆರೆಸಿ ಸಮರ್ಪಿಸಲಾಗುತ್ತದೆ.

ಕಪ್ಪು ಎಳ್ಳು

ಕಪ್ಪು ಎಳ್ಳು ಶನಿ ದೇವರ ಮತ್ತು ರಾಹು,ಕೇತುಗಳ ನೆಚ್ಚಿನ ಆಹಾರ ಪದಾರ್ಥವಾಗಿದೆ. ಈ ಮೂವರಿಗೆ ಇದರಿಂದ ತಯಾರಿಸಿದ ಆಹಾರವನ್ನು ಸಮರ್ಪಿಸುತ್ತಾರೆ.

ಸಾಸಿವೆ ಎಣ್ಣೆ

ಶನಿದೇವರಿಗೆ ಸಾಸಿವೆ ಎಣ್ಣೆಯಲ್ಲಿ ದೀಪಗಳನ್ನು ಹಚ್ಚುವುದರ ಜೊತೆಗೆ ಈ ಎಣ್ಣೆಯನ್ನು ಹಾಗೆಯೇ ಸಮರ್ಪಿಸುವ ವಾಡಿಕೆ ಇದೆ. ಇದರಿಂದ ಶನಿ ಸಾಡೇ ಸಾತಿ ಪ್ರಭಾವ ಕಡಿಮೆಯಾಗಿ, ಶನಿ ಭಗವಾನರ ಅನುಗ್ರಹ ನಿಮಗೆ ದೊರೆಯುತ್ತದೆ.

ಅನ್ನ

ಅನ್ನ ಮತ್ತು ದಾಲ್( ಸಾರು) ಎರಡೂ ಆಹಾರ ಪದಾರ್ಥಗಳು ಪೂಜೆಯ ಸಂದರ್ಭದಲ್ಲಿ ಬಹುವಾಗಿ ಬಳಕೆಯಾಗುವ ನೈವೇದ್ಯಗಳು. ಅನ್ನ ಮತ್ತು ದಾಲ್ ಅನ್ನು ಗಣಪತಿಗೆ, ಲಕ್ಷ್ಮೀಗೆ, ಕೃಷ್ಣನಿಗೆ ಮತ್ತು ಶಿವನಿಗೆ ಸಮರ್ಪಿಸಲಾಗುತ್ತದೆ. ಇದಲ್ಲದೆ ಕಚ್ಛಾ ಅಕ್ಕಿಯನು ಸಕ್ಕರೆಯ ಜೊತೆಗೆ ಬೆರೆಸಿ ಈಶ್ವರ ಮತ್ತು ಸೋಮದೇವ( ಚಂದ್ರ) ನಿಗೆ ಸಮರ್ಪಿಸಲಾಗುತ್ತದೆ.

ಬೆಣ್ಣೆ

ಬೆಣ್ಣೆ ಕಳ್ಳ ಎಂದೇ ಕರೆಯಲ್ಪಡುವ ಶ್ರೀ ಕೃಷ್ಣನಿಗೆ ಬೆಣ್ಣೆಯನ್ನು ಅರ್ಪಿಸುವುದು ಪದ್ಧತಿ. ಇದರ ಜೊತೆಗೆ ಮೊಸರು, ಕೆನೆ ಮತ್ತಿತರ ಹೈನು ಉತ್ಪನ್ನಗಳನ್ನು ಅರ್ಪಿಸುವುದರಿಂದ ಶ್ರೀ ಕೃಷ್ಣನ ಅನುಗ್ರಹ ನಿಮಗೆ ದೊರೆಯುತ್ತದೆ.

ಮೋದಕ

ಗಣಪತಿಯು ಮೋದಕ ಪ್ರಿಯ. ಅದಕ್ಕಾಗಿಯೇ ನಾವು ಗಣಪತಿಯ ಹುಟ್ಟು ಹಬ್ಬದ ಸಲುವಾಗಿ ಆಚರಿಸುವ ಗಣೇಶ ಚತುರ್ಥಿ ಹಬ್ಬದಂದು ತಪ್ಪದೆ ಈ ಮೋದಕಗಳನ್ನು ( ಕಡುಬು) ತಯಾರಿಸಿ ನೈವೇದ್ಯವಾಗಿ ಸಮರ್ಪಿಸುತ್ತೇವೆ.