ಅಕ್ವೇರಿಯಂಗೆ ಫಿಲ್ಟರ್ ಅಳವಡಿಸಬೇಕೆ?

Pet Care

oi-Staff

By Super

Updated: Monday, October 12, 2015, 10:47 [IST]

ಮನೆ ಅಲಂಕಾರಿಕ ಸಾಧನವಾಗಿ ಬಣ್ಣ-ಬಣ್ಣದ ಮೀನುಗಳನ್ನು ಸಾಕುತ್ತೇವೆ. ಹೀಗೆ ಸಾಕುವ ಮೀನುಗಳನ್ನು ಉತ್ತಮವಾದ ರೀತಿಯಲ್ಲಿ ಆರೈಕೆ ಮಾಡದಿದ್ದರೆ ಅವುಗಳು ಬದುಕುವುದಿಲ್ಲ. ಅವುಗಳ ಆಹಾರ ಪದ್ಧತಿ ಮಾತ್ರ ತಿಳಿದುಕೊಂಡಿದ್ದರೆ ಸಾಲದು, ಅವುಗಳಿರುವ ಅಕ್ವೇರಿಯಂನಲ್ಲಿ ಫಿಲ್ಟರ್ ಸೌಲಭ್ಯ ಉತ್ತವಾಗಿದೆಯೆ ಎಂದು ನೋಡಿಕೊಳ್ಳಬೇಕು.

ಅಕ್ವೇರಿಯಂಗೆ ಉತ್ತಮವಾದ ಫಿಲ್ಟರ್ ಆಯ್ಕೆ ಮಾಡುವುದು ಹೇಗೆ ಎಂದು ತಿಳಿಯಲು ಮುಂದೆ ಓದಿ.

1. ಅಕ್ವೇರಿಯಂನಲ್ಲಿ ಗುಳ್ಳೆಗಳು: 3-4 ಮೀನಿರುವ ಸಣ್ಣ ಅಕ್ವೇರಿಯಂನಲ್ಲಿ ಎಲೆಕ್ಟ್ರಾನಿಕ್ ವಿಧಾನದಿಂದ ಆಮ್ಲಜನಕ ಪೂರೈಕೆ ಮಾಡುವ ಅವಶ್ಯಕತೆ ಇಲ್ಲ. ಅಕ್ವೇರಿಯಂನ ತಳಭಾಗದಲ್ಲಿ ನೀರಿನ ಗುಳ್ಳೆಗಳು ಬರುತ್ತಿದ್ದರೆ ಮೀನುಗಳಿಗೆ ಆಮ್ಲಜನಕದ ಪೂರೈಕೆಯಾಗುತ್ತದೆ.

2. ಪಂಪ್ ಮಾಡುವ ಫಿಲ್ಟರ್: ತುಂಬಾ ಮೀನು ಇರುವ ದೊಡ್ಡ ಅಕ್ವೇರಿಯಂನಲ್ಲಿ ಉತ್ತಮವಾದ ಅಕ್ವೇರಿಯಂ ಫಿಲ್ಟರ್ ಬೇಕಾಗುತ್ತದೆ. ಅಕ್ವೇರಿಯಂಯನ್ನು ಆಗಾಗ ತೊಳೆಯಲು ಇಷ್ಟಪಡದವರು ನೀರು ಪಂಪ್ ಮಾಡುವ ಫಿಲ್ಟರ್ ಜೋಡಿಸಿದರೆ ಮೀನುಗಳಿರುವ ನೀರು ಶುದ್ಧವಾಗಿದ್ದು ಅವುಗಳಿಗೆ ಉತ್ತಮವಾದ ಆಮ್ಲಜನಕ ಕೂಡ ಪೂರೈಕೆಯಾಗುತ್ತದೆ.

3. ನೀರಿನ ಉಷ್ಣತೆ: ಫಿಲ್ಟರ್ ಅಳವಡಿಸುವುದರಿಂದ ನೀರಿಗೆ ಆಮ್ಲಜನಕ ಪೂರೈಕೆ ಮಾಡುವುದಷ್ಟೆ ಅಲ್ಲ ನೀರಿನ ಉಷ್ಣತೆಯನ್ನು ಕಾಪಾಡುತ್ತದೆ. ಟ್ರೋಪಿಕಲ್‌ನಂತಹ ಮೀನುಗಳು ತುಂಬಾ ತಣ್ಣನೆಯ ನೀರಿನಲ್ಲಿ ಬದುಕುವುದಿಲ್ಲ. ಅಂತಹ ಮೀನನ್ನು ಸಾಕುವುದಾದರೆ ಫಿಲ್ಟರ್ ಅವಶ್ಯಕ.
ಈ ರೀತಿ ನೀರಿನ ಪಂಪ್ ಅನ್ನು ಸಾಧಾರಣ ವೇಗದಲ್ಲಿ ಇಡಬೇಕು. ತುಂಬಾ ವೇಗವಾಗಿ ಪಂಪ್ ಮಾಡಿದರೆ ಮೀನುಗಳಿಗೆ ಓಡಾಡಲು ಕಷ್ಟವಾಗುತ್ತದೆ.

4. ಉಸಿರಾಟ: ಅಕ್ವೇರಿಯಂನಲ್ಲಿ ಮೀನು ಮೇಲ್ಭಾಗದಲ್ಲಿ ಈಜಾಡುತ್ತಿದ್ದರೆ ನಿರ್ಲಕ್ಷ್ಯ ಮಾಡಬೇಡಿ. ಏಕೆಂದರೆ ಅವುಗಳಿಗೆ ಆಮ್ಲನಜನಕದ ಪೂರೈಕೆ ಸರಿಯಾಗಿ ಆಗದಿದ್ದಾಗ ಉಸಿರಾಟಕ್ಕಾಗಿ ಅವು ಅಕ್ವೇರಿಯಂನ ಮೇಲ್ಭಾಗಕ್ಕೆ ಬಂದಿರುತ್ತವೆ. ಈ ರೀತಿ ಕಂಡು ಬಂದರೆ ಅವುಗಳಿಗೆ ಆಮ್ಲಜನಕ ಸುಲಭವಾಗಿ ಸಿಗುವಂತೆ ಸೌಕರ್ಯ ಒದಗಿಸಿ ಕೊಡಬೇಕು.