ಸುಂದರ ತೋಟಕ್ಕೆ ಸಿಂಪಲ್ ವೆಜಿಟೆಬಲ್ಸ್

Gardening

oi-Sumalatha N

By Sumalatha N

Published: Saturday, August 27, 2011, 18:20 [IST]

ಮನೆಯ ಕೈತೋಟದಲ್ಲೇ ಚಿಕ್ಕ ಪುಟ್ಟ ತರಕಾರಿ ಗಿಡಗಳನ್ನು ಬೆಳೆದರೆ ತೋಟವೂ ಸುಂದರವಾಗಿರುತ್ತೆ, ತಿಂದರೆ ಆರೋಗ್ಯವೂ ಚೆನ್ನಾಗಿರುತ್ತೆ. ಗಗನದೆತ್ತರಕ್ಕೆ ಏರಿರುವ ತರಕಾರಿ ಬೆಲೆ ನೋಡಿದರೆ ತಮ್ಮ ಪುಟ್ಟ ತೋಟದಲ್ಲೇ ತರಕಾರಿ ಬೆಳೆಯುವ ಮನಸ್ಸನ್ನು ಎಷ್ಟೋ ಮಂದಿ ಮಾಡಿರುತ್ತಾರೆ. ಆದರೆ ಹೇಗೆ ಬೆಳೆಯಬೇಕು ಎಂಬುದರ ಬಗ್ಗೆ ಮಾಹಿತಿ ಇರೋದಿಲ್ಲ. ಅಂತಹವರು ಟೊಮೊಟೊ ಮತ್ತು ಸಿಹಿ ಕುಂಬಳಕಾಯಿಯನ್ನು ಮೊದಲು ತಮ್ಮ ತೋಟದಲ್ಲಿ ಬೆಳೆಯಬಹುದು.

ಟೊಮೊಟೊ ಮತ್ತು ಕುಂಬಳಕಾಯಿ ಪೋಷಣೆ ಹೇಗೆ ತಿಳಿದುಕೊಳ್ಳಿ:

1. ಟೊಮೊಟೊ: ತರಕಾರಿ ತೋಟ ಎಂದ ಮೇಲೆ ಅಲ್ಲಿ ಟೊಮೊಟೊ ಗಿಡ ಇರಲೇ ಬೇಕು. ತುಂಬಾ ಸುಲಭವಾಗಿ ಬೆಳೆಯಬಲ್ಲ ಇದರ ಸಾಮರ್ಥ್ಯವೇ ಇದಕ್ಕೆ ಕಾರಣ. ಆದರೆ ಟೊಮೊಟೊ ಗಿಡ ಬೆಳೆಸುವವರು ಒಂದಿಷ್ಟು ಮಾಹಿತಿಯನ್ನು ಹೊಂದಿರಬೇಕು.
* ತುಂಬಾ ಬೀಜಗಳು ಒಂದೆಡೆಯೇ ಇರುವಂತೆ ಹಾಕಬೇಡಿ. ಜಾಗದ ಕೊರತೆಯಿಂದ ಚಿಗುರೊಡೆಯದೆ ಇರಬಹುದು.
* 4-5 ಮಿ.ಮೀ ಒಳಗೆ ಮಾತ್ರ ಬೀಜಗಳನ್ನು ಹಾಕಬೇಕು. ತುಂಬಾ ಆಳದಲ್ಲಿದ್ದರೆ ಅದು ಮೊಳಕೆ ಒಡೆಯುವುದಿಲ್ಲ.
* ಬೀಜ ಹಾಕಿದ ನಂತರ ತುಂಬಾ ನೀರನ್ನು ಸುರಿಯಬಾರದು. ಚಿಗುರೊಡೆದ ನಂತರವೂ ಕೆಲ ದಿನಗಳ ಕಾಲ ಸ್ವಲ್ಪ ನೀರು ಮಾತ್ರ ಸಿಂಪಡಿಸಬೇಕು.

2. ಸಿಹಿ ಕುಂಬಳಕಾಯಿ: ಸಿಹಿ ಕುಂಬಳಕಾಯಿ ಅತಿ ಹೆಚ್ಚು ಶ್ರಮವಿಲ್ಲದೆ ಬೆಳೆಸಬಹುದಾದ ಕೈತೋಟದ ತರಕಾರಿ. ವಾತಾವರಣಕ್ಕೆ ಹೊಂದಿಕೊಳ್ಳುವ ಈ ಕುಂಬಳಕಾಯಿ ಬೆಳೆದರೆ ತೋಟಕ್ಕೆ ಕಳೆ. ಆದರೆ ಅದನ್ನು ಬೆಳೆಯುವ ರೀತಿ ತಿಳಿದುಕೊಂಡಿರಬೇಕಷ್ಟೆ.
* ಕುಂಬಳಕಾಯಿ ಬೀಜಗಳನ್ನು ಎಸೆದು ಅದನ್ನು ಸುಮ್ಮನೆ ಮಣ್ಣಿನಲ್ಲಿ ಸ್ವಲ್ಪ ಒಳಗೆ ಹೋಗುವಂತೆ ಅಗೆಯಬೇಕು.
* ಕುಂಬಳಕಾಯಿ ಸಿಹಿ ಇರುವುದರಿಂದ ಫಂಗಸ್ ಮತ್ತು ಹಾರುವ ಚಿಟ್ಟೆಗಳು ಬಂದು ಸೇರಿಕೊಳ್ಳಬಹುದು. ಆದ್ದರಿಂದ ಕೈತೋಟವನ್ನು ಸ್ವಲ್ಪ ಒಣಗಿದಂತೆ ಪೋಷಿಸಬೇಕು.
* ಬಳ್ಳಿಯ ಕೆಳಗೆ ಆಗಾಗ್ಗೆ ತುಂಬಿಕೊಂಡಿರುವ ಕಸ ಕಡ್ಡಿಯನ್ನು ಶುದ್ಧಗೊಳಿಸಬೇಕು. ಇಲ್ಲವೆಂದರೆ ಕ್ರಿಮಿ ಕೀಟ, ಸೊಳ್ಳೆಗಳು ಹೆಚ್ಚ ಸೇರಿಕೊಳ್ಳಬಹುದು.