18-45 ವರ್ಷದವರಿಗೆ ಕೋವಿಡ್ ಲಸಿಕೆ: ಲಸಿಕೆ ಪಡೆಯುವ ಮುನ್ನವೇ ರಕ್ತದಾನ ಮಾಡಿ

ಲಸಿಕೆ ಪಡೆಯುವ ಮುನ್ನವೇ ರಕ್ತದಾನ ಮಾಡಿ

ರಕ್ತದಾನ ಎಷ್ಟೊ ವ್ಯಕ್ತಿಗೆ ಜೀವದಾನ ಮಾಡುತ್ತದೆ. ಆದ್ದರಿಂದ ರಕ್ತದಾನ ಮಾಡುವವರು ರಕ್ತ ಅವಶ್ಯಕತೆ ಇರುವವರಿಗೆ ದೇವರ ಸಮಾನ. ಈ ರಕ್ತದಾನ ಮಾಡುವವರಲ್ಲಿ ಯುವ ಜನಾಂಗದವರ ಪಾಲು ತುಂಬಾನೇ ಇರುತ್ತದೆ. ಆದರೆ ಲಸಿಕೆ ಪಡೆದ ಮೇಲೆ ಕೆಲವು ದಿನಗಳವರೆಗೆ ರಕ್ತದಾನ ಮಾಡಲಾಗುವುದಿಲ್ಲ, ಆಗ ಅವಶ್ಯಕ ಇರುವ ವ್ಯಕ್ತಿಗಳಿಗೆ ರಕ್ತಕ್ಕೆ ಕೊರತೆ ಉಂಟಾಗದಿರಲು ಲಸಿಕೆ ಪಡೆದುಕೊಳ್ಳುವ ಮುನ್ನ ರಕ್ತದಾನ ಪಡೆಯುವಂತೆ ತಜ್ಞರು ಸೂಚಿಸಿದ್ದಾರೆ.

ಡಾ. ಸುಮನ್ ಹೆಗಡೆ, ಪ್ಯಾತೋಲಾಜಿಸ್ಟ್ ಹಾಗೂ ಬ್ಲಡ್ ಬ್ಯಾಂಕ್‌ ಆಫೀಸರ್, ಪಿಜಿ ಹಾಸ್ಪಿಟಲ್, ಐಎಂಎ ಲೈಫ್‌ ಲೈನ್‌ ಬ್ಲಡ್‌ ಬ್ಯಾಂಕ್ , ಶಿರಸಿ, ಉತ್ತರ ಕನ್ನಡ ಇವರು ವೀಡಿಯೋ ಮಾಡಿ ರಕ್ತದಾನ ಮಾಡುವವರಿಗೆ ಈ ಕುರಿತು ಅರಿವು ಮೂಡಿಸುವ ಪ್ರಯತ್ನ ಮಾಡಿದ್ದಾರೆ.

ಕೋವಿಡ್‌ 19 ಲಸಿಕೆ ಎರಡನೇ ಡೋಸ್‌ ಪಡೆದ ಬಳಿಕ ಆ ವ್ಯಕ್ತಿ 4 ವಾರ ರಕ್ತದಾನ ಮಾಡಬಾರದು

ಅಂದರೆ ಕೊರೊನಾ ಲಸಿಕೆಯ ಮೊದಲನೇ ಡೋಸ್‌ ಪಡೆದು 4 ವಾರಗಳು ಬಳಿಕ ಎರಡನೇ ಡೋಸ್‌ ಪಡೆಯಬೇಕೆಂಬುವುದು ಎಲ್ಲರಿಗೆ ತಿಳಿದಿರುವ ವಿಷಯ. ಎರಡನೇ ಡೋಸ್‌ ಪಡೆದ ಬಳಿಕ 4 ವಾರ ರಕ್ತದಾನ ನೀಡುವಂತಿಲ್ಲ ಅಂದರೆ ಎರಡರಿಂದ ಎರಡೂವರೆ ತಿಂಗಳು ವ್ಯಕ್ತಿಯೂ ರಕ್ತದಾನ ಮಾಡುವಂತಿಲ್ಲ.

ರಕ್ತ ದಾನಿಗಳಲ್ಲಿ18-45 ವರ್ಷ ಪ್ರಾಯದವರ ಕೊಡುಗೆಯೇ ಮಹತ್ವದ್ದು

ಸಾಮಾನ್ಯವಾಗಿ ರಕ್ತದಾನಿಗಳನ್ನು ನೋಡಿದರೆ ಅವರೆಲ್ಲಾ ಬಹುತೇಕ ಈ ಪ್ರಾಯದವರಾಗಿರುತ್ತಾರೆ. ಇವರೆಲ್ಲಾ ಮೊದಲನೇ ಲಸಿಕೆ ಪಡೆದ ಬಳಿಕ ಎರಡೂವರೆ ತಿಂಗಳಿನವರೆಗೆ ರಕ್ತದಾನ ಮಾಡುವಂತಿಲ್ಲ, ಈ ಸಮಯದಲ್ಲಿ ರಕ್ತದ ಅವಶ್ಯಕತೆ ಇರುವವರಿಗೆ ರಕ್ತ ದೊರೆಯದೇ ಹೋಗಬಹುದು.

ರಕ್ತದ ಕೊರತೆ ಉಂಟಾಗದಿರಲು ಏನು ಮಾಡಬೇಕು?

ಕೊರೊನಾ ತುಂಬಾ ವೇಗವಾಗಿ ಹರಡುತ್ತಿರುವ ಈ ಸಂದರ್ಭದಲ್ಲಿ ಎಲ್ಲರೂ ಆದಷ್ಟು ಬೇಗ ಲಸಿಕೆಯನ್ನು ಪಡೆದುಕೊಳ್ಳಬೇಕು, ಅದಕ್ಕಿಂತ ಮೊದಲು ರಕ್ತದಾನ ಮಾಡಿದರೆ ಆ ರಕ್ತ ಬ್ಲಡ್‌ಬ್ಯಾಂಕ್‌ನಲ್ಲಿರುತ್ತದೆ, ಅವಶ್ಯಕವಿರುವವರಿಗೂ ರಕ್ತವೂ ಸಿಗುವಂತಾಗುವುದು.

ರಕ್ತವೂ ಯಾರಿಗೆಲ್ಲಾ ಅವಶ್ಯಕವಾಗಿ ಬೇಕಾಗಿರುತ್ತದೆ?

ಕೆಲ ಗರ್ಭಿಣಿಯರಿಗೆ, ರಕ್ತ ಹೀನತೆ ಸಮಸ್ಯೆ ಇರುವವರಿಗೆ , ಕ್ಯಾನ್ಸರ್ ರೋಗಿಗಳಿಗೆ, ಅಪಘಾತದಲ್ಲಿ ಗಂಭೀರ ಗಾಯವಾದವರಿಗೆ ಇಂಥವರಿಗೆಲ್ಲಾ ರಕ್ತ ಅವಶ್ಯಕವಾಗಿರುತ್ತದೆ. ನೀವು ಕೊರೊನಾ ಲಸಿಕೆ ಪಡೆಯುವ ಮುನ್ನ ರಕ್ತದಾನ ಮಾಡಿದರೆ ಇಂಥ ಜೀವಗಳ ರಕ್ಷಣೆ ಮಾಡುವುದರ ಜೊತೆಗೆ ಕೊರೊನಾ ಲಸಿಕೆ ಪಡೆದು ನಿಮ್ಮ ಜೀವವನ್ನು ರಕ್ಷನಣೆ ಮಾಡಬಹುದು.

ಎಲ್ಲಾ ರಕ್ತದಾನಿಗಳಿಗೆ ನಮ್ಮದೊಂದು ಸಲಾಂ.