ಟಾಯ್ಲೆಟ್ ನಲ್ಲಿ ಮಾಡುವ ಈ ತಪ್ಪುಗಳು ನಿಮ್ಮ ಆರೋಗ್ಯಕ್ಕೆ ಮಾರಕವಾಗುತ್ತದೆ

ಶೌಚಾಲಯದಲ್ಲಿ ಮೊಬೈಲ್ ಬಳಕೆ:

ಶೌಚಾಲಯದಲ್ಲಿ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ವಾಟ್ಸಾಪ್‌ನಲ್ಲಿ ಚಾಟ್ ಮಾಡಲು ಅನೇಕ ಜನರು ತಮ್ಮ ಸ್ಮಾರ್ಟ್‌ಫೋನ್ ಅನ್ನು ಟಾಯ್ಲೆಟ್ಗೆ ಕರೆದೊಯ್ಯುತ್ತಾರೆ. ನಿಮ್ಮ ಈ ಅಭ್ಯಾಸವು ನಿಮಗೆ ಸೋಂಕು ತರುತ್ತದೆ ಮತ್ತು ಇತರ ಆರೋಗ್ಯ ಸಮಸ್ಯೆಗಳಿಗೂ ಕಾರಣವಾಗಬಹುದು. ತಜ್ಞರ ಪ್ರಕಾರ, ಶೌಚದ ವೇಳೆ ಫೋನ್ ಅನ್ನು ತಪ್ಪಿಸಬೇಕು. ಏಕೆಂದರೆ, ಮನೆಯ ಉಳಿದ ಭಾಗಗಳಿಗೆ ಹೋಲಿಸಿದರೆ, ಸ್ನಾನಗೃಹದಲ್ಲಿ ಹೆಚ್ಚಿನ ರೋಗಾಣುಗಳು ಕಂಡುಬರುತ್ತವೆ. ನೀವು ಫೋನ್ ಅನ್ನು ನಿಮ್ಮೊಂದಿಗೆ ತೆಗೆದುಕೊಂಡಾಗ, ಮಲದಲ್ಲಿನ ಬ್ಯಾಕ್ಟೀರಿಯಾ ಫೋನ್ ಸಂಪರ್ಕಕ್ಕೆ ಬರುತ್ತದೆ. ಅನ್ನಲ್ಸ್ ಆಫ್ ಕ್ಲಿನಿಕಲ್ ಮೈಕ್ರೋಬಯಾಲಜಿ ಮತ್ತು ಆಂಟಿಮೈಕ್ರೊಬಿಯಲ್ಸ್ ಜರ್ನಲ್ನಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ, ಜನರ ಮೊಬೈಲ್ ಫೋನ್‌ಗಳಲ್ಲಿ ಶೇ .95 ರಷ್ಟು ಸಾಲ್ಮೊನೆಲ್ಲಾ, ಇ-ಕೋಲಿ ಮತ್ತು ಸಿ-ಡಿಫಿಸಿಲ್ ಎಂಬ ಬ್ಯಾಕ್ಟೀರಿಯಾ ಇರುತ್ತವೆ.

ಅರಿಝೋನಾ ವಿಶ್ವವಿದ್ಯಾಲಯದ ಅಧ್ಯಯನವು ಟಾಯ್ಲೆಟ್ ಸೀಟ್ ಗಿಂತ ಸ್ಮಾರ್ಟ್‌ಫೋನ್‌ನಲ್ಲಿ 10 ಪಟ್ಟು ಹೆಚ್ಚು ಬ್ಯಾಕ್ಟೀರಿಯಾಗಳು ಬೆಳೆಯುತ್ತವೆ ಎಂದು ತೋರಿಸಿದೆ. ಶೌಚದ ನಂತರ ನಾವು ಕೈ ತೊಳೆಯುತ್ತೇವೆ, ಆದರೆ ಸ್ಮಾರ್ಟ್ಫೋನ್ ಅನ್ನು ಸ್ವಚ್ಛಗೊಳಿಸಲು ಮರೆಯುತ್ತೇವೆ. ಪರಿಣಾಮವಾಗಿ ರೋಗ ಉಂಟುಮಾಡುವ ಸೂಕ್ಷ್ಮಜೀವಿಗಳು ಮತ್ತು ಬ್ಯಾಕ್ಟೀರಿಯಾಗಳು ಅವುಗಳಿಗೆ ಅಂಟಿಕೊಳ್ಳುತ್ತವೆ, ಇದು ಸುಲಭವಾಗಿ ಸೋಂಕನ್ನು ಉಂಟುಮಾಡುತ್ತದೆ.

ಟೂತ್ ಬ್ರಷ್ಗಳನ್ನು ಶೌಚಾಲಯದ ಹತ್ತಿರ ಇಡುವುದು:

ಜನರು ಸಾಮಾನ್ಯವಾಗಿ ಟೂತ್ ಬ್ರಷ್ ಬಳಸಿದ ನಂತರ ಅದನ್ನುಬಾತ್ ರೂಮ್ ನಲ್ಲಿ ಇಡುತ್ತಾರೆ. ಈ ಅಭ್ಯಾಸದಿಂದಾಗಿ, ಸೂಕ್ಷ್ಮಜೀವಿಗಳು ನಿಮ್ಮ ಬ್ರಷ್ ಮೇಲೆ ಸಂಗ್ರಹವಾಗುತ್ತವೆ ಮತ್ತು ಮರುದಿನ ಬೆಳಿಗ್ಗೆ ನೀವು ಅದೇ ಬ್ರಷ್ ನಿಂದ ಹಲ್ಲುಗಳನ್ನು ಸ್ವಚ್ಛಗೊಳಿಸಿದಾಗ, ನೀವು ರೋಗಾಣುಗಳಿಗೆ ಒಡ್ಡಿಕೊಳ್ಳಬಹುದು.ಟಾಯ್ಲೆಟ್ ಸೀಟ್ ನಿಂದ ಸ್ವಲ್ಪ ದೂರದಲ್ಲಿರುವ ಸ್ನಾನಗೃಹದಲ್ಲಿ ನಿಮ್ಮ ಕುಂಚವನ್ನು ಇರಿಸಲು ಸುರಕ್ಷಿತ ಸ್ಥಳವನ್ನು ಆರಿಸಿ. ಅಲ್ಲದೆ, ಪ್ರತಿ 3 ತಿಂಗಳಿಗೊಮ್ಮೆ ನಿಮ್ಮ ಬ್ರಷ್ ಬದಲಾಯಿಸಿ.

ಟಾಯ್ಲೆಟ್ ಮುಚ್ಚಳವನ್ನು ತೆರೆದಿಡುವುದು:

ನೀವು ಟಾಯ್ಲೆಟ್ ಮುಚ್ಚಳವನ್ನು ತೆರೆದಿಟ್ಟರೆ, ಅನೇಕ ಬ್ಯಾಕ್ಟೀರಿಯಾಗಳು ಮತ್ತು ವೈರಸ್‌ಗಳು ಟಾಯ್ಲೆಟ್ ಬೌಲ್‌ನಿಂದ ಹೊರಬರಬಹುದು ಎಂದು ಅನೇಕ ಸಂಶೋಧನೆಗಳು ಬಹಿರಂಗಪಡಿಸಿವೆ. ಈ ಕಾರಣದಿಂದಾಗಿ, ಮುಂದಿನ ಬಾರಿ ವ್ಯಕ್ತಿಯು ಆ ಶೌಚಾಲಯದ ಸೀಟ್ ನ್ನು ಬಳಸಿದಾಗ, ವ್ಯಕ್ತಿಯು ಅನೇಕ ರೋಗಗಳಿಗೆ ಒಳಗಾಗಬಹುದು, ಕೋವಿಡ್ -19 ಸಹ ಅವುಗಳಲ್ಲಿ ಒಂದು. ನೀವು ಫ್ಲಶ್ ಮಾಡಿದಾಗಲೆಲ್ಲಾ ಮೊದಲು ಮುಚ್ಚಳವನ್ನು ಮುಚ್ಚಿ.

ಅದೇ ಲೂಫಾವನ್ನು ತಿಂಗಳುಗಳವರೆಗೆ ಬಳಸುವುದು:

ನಿಮ್ಮನ್ನು ಸ್ವಚ್ಛವಾಗಿ ಮತ್ತು ಆರೋಗ್ಯವಾಗಿಡಲು ಲೂಫಾ ಅಥವಾ ಮೈತೊಳೆಯುವ ಬ್ರಷ್ ಬಳಸಿದರೆ, ನೀವು ಸಹ ಸ್ವಲ್ಪ ಜಾಗರೂಕರಾಗಿರಬೇಕು. ಹೊಸ ಅಥವಾ ಸಂಪೂರ್ಣವಾಗಿ ಬ್ಯಾಕ್ಟೀರಿಯಾ ಮುಕ್ತವಾಗಿದ್ದಾಗ ಮಾತ್ರ ಅದನ್ನು ಬಳಸಿ. ಸಾಮಾನ್ಯವಾಗಿ ಜನರು ಸ್ನಾನ ಮಾಡಿದ ನಂತರ ಈ ಬ್ರಷ್ ಅನ್ನು ಬಾತ್ರೂಮ್ನಲ್ಲಿ ಬಿಡುತ್ತಾರೆ. ಆಗ ಬ್ಯಾಕ್ಟೀರಿಯಾಗಳು ಇದರಲ್ಲಿ ಉತ್ಪತ್ತಿಯಾಗುತ್ತವೆ. ಸ್ನಾನ ಮಾಡುವಾಗ ನೀವು ಮತ್ತೆ ಅದೇ ಲೂಫಾವನ್ನು ಬಳಸಿದಾಗ, ಅದರಲ್ಲಿರುವ ಕೊಳಕು ನಿಮ್ಮ ದೇಹಕ್ಕೆ ಮತ್ತೆ ಅಂಟಿಕೊಳ್ಳುತ್ತದೆ. ಉತ್ತಮ ಆರೋಗ್ಯವನ್ನು ಕಾಪಾಡಿಕೊಳ್ಳಲು, ಬಳಸಿದ ನಂತರ ಅದನ್ನು ಎಂದಿಗೂ ಅಲ್ಲಿಯೇ ಬಿಡಬೇಡಿ, ಆದ್ದರಿಂದ ಅದನ್ನು ಬಿಸಿಲಿನಲ್ಲಿ ಒಣಗಿಸಿ.

ಬಾತ್ರೂಮ್ ಚಪ್ಪಲಿಗಳನ್ನು ಧರಿಸದೇ ಇರುವುದು:

ನೀವು ಬಾತ್ರೂಮ್ಗೆ ಹೋದಾಗಲೆಲ್ಲಾ, ಬಾತ್ರೂಮ್ ಚಪ್ಪಲಿಗಳನ್ನು ಧರಿಸಿದಾಗ, ನಿಮ್ಮ ಪಾದಗಳು ಸೋಂಕಿನಿಂದ ದೂರವಾಗುತ್ತದೆ. ಬಾತ್ ರೂಮ್ ಚಪ್ಪಲಿಗಳು ನಿಮ್ಮನ್ನು ಜಾರಿ ಬೀಳದಂತೆ ತಡೆಯುವುದಲ್ಲದೇ, ವಿವಿಧ ಸೋಂಕುಗಳನ್ನು ತಡೆಯಲು ಸಹಾಯ ಮಾಡುತ್ತದೆ.

ಟವೆಲ್ ಅನ್ನು ಒಣಗಿಸುವುದು:

ಬಾತ್ರೂಮ್ನಂತಹ ತೇವಾಂಶವುಳ್ಳ ಮತ್ತು ಕಡಿಮೆ ಬೆಳಕಿನ ಪ್ರದೇಶದಲ್ಲಿ ಒದ್ದೆಯಾದ ಟವೆಲ್ಗಳನ್ನು ನೇತುಹಾಕುವುದರಿಂದ ಬ್ಯಾಕ್ಟೀರಿಯಾ ಮತ್ತು ಶಿಲೀಂಧ್ರಗಳು ಬೆಳೆಯುವಂತಹ ಸೂಕ್ಷ್ಮಜೀವಿಗಳ ಸಾಧ್ಯತೆಗಳು ಹೆಚ್ಚಾಗುತ್ತವೆ. ಆದ್ದರಿಂದ ನಿಮ್ಮ ಟವೆಲ್ ನ್ನು ಬಿಸಿಲಿಗೆ ಹಾಕಿ. ಮೂರರಿಂದ ಐದು ಬಾರಿ ಬಳಸಿದ ನಂತರ ನಿಮ್ಮ ಟವೆಲ್ ಅನ್ನು ತೊಳೆಯಬೇಕು.

ಶೌಚಾಲಯದಲ್ಲಿ ಎಷ್ಟು ಸಮಯ ಕಳೆಯಬಹುದು?

ಟಾಯ್ಲೆಟ್ ಹೋದಾಗ ಫೋನ್ ಅನ್ನು ಹೊರಗೆ ಬಿಡಿ. ಅಗತ್ಯವಿದ್ದು ಕೊಂಡೊಯ್ದಿದ್ದರೆ ನಂತರ ಅದನ್ನು ಆಲ್ಕೋಹಾಲ್ ಆಧಾರಿತ ಸ್ಯಾನಿಟೈಜರ್ನೊಂದಿಗೆ ಚೆನ್ನಾಗಿ ಸ್ವಚ್ಛಗೊಳಿಸಿ. ಶೌಚಾಲಯದಲ್ಲಿ ಹೆಚ್ಚು ಸಮಯ ಕಳೆಯದಿರಲು ಪ್ರಯತ್ನಿಸಿ. ತಜ್ಞರ ಪ್ರಕಾರ, ಶೌಚದ ವೇಲೆ ಒಬ್ಬರು 10 ನಿಮಿಷಗಳಿಗಿಂತ ಹೆಚ್ಚು ಕಾಲ ಕುಳಿತುಕೊಳ್ಳಬಾರದು.