ಎಲೆಕೋಸು- ಇದರ ಎಲೆ ಎಲೆಗಳಲ್ಲೂ ಔಷಧೀಯ ಗುಣಗಳು

ಅಗತ್ಯವಿರುವ ಸಾಮಗ್ರಿಗಳು

*ಸಾವಯವ ವಿಧಾನದಲ್ಲಿ ಬೆಳೆದ ಎಲೆಕೋಸು

*ಅಲ್ಯೂಮಿನಿಯಂ ಫಾಯಿಲ್ ಹಾಳೆ

*ಲಟ್ಟಣಿಗೆ ಅಥವಾ ಬಾಟಲಿ

*ಹತ್ತಿಯ ಬ್ಯಾಂಡೇಜು ಅಥವಾ ತೆಳುವಾದ ಬಟ್ಟೆಯ ಪಟ್ಟಿ

*ಮೈಕ್ರೋವೇವ್ ಓವನ್

ತಯಾರಿಸುವ ವಿಧಾನ

ಎಲೆಕೋಸಿನ ಹೊರಬದಿಯ ಪದರವನ್ನು ಬಿಡಿಸಿ ಚೆನ್ನಾಗಿ ತೊಳೆದುಕೊಳ್ಳಿ. ಬಳಿಕ ಕಾಂಡದ ಭಾಗವನ್ನು ಕತ್ತರಿಸಿ ಎಲೆಗಳನ್ನು ಒಣಗಿಸಿ.

ಎಲೆಯನ್ನು ಲಟ್ಟಿಸಿ!

ಲಟ್ಟಣಿಗೆ ಅಥವಾ ಬಾಟಲಿಯಿಂದ ಎಲೆಯನ್ನು ಲಟ್ಟಿಸಿ ಎಲೆಯ ರಸ ಒಸರುವಂತೆ ಮಾಡಿ.

ಎಲೆಯನ್ನು ಬಿಸಿಮಾಡಿ...

ಈ ಎಲೆಯನ್ನು ಒಂದು ಅಲ್ಯೂಮಿನಿಯಂ ಫಾಯಿಲ್ ಮೇಲೆ ಇರಿಸಿ ಮೈಕ್ರೋವೇವ್ ಓವನ್ ಒಳಗೆ ಕೆಲವು ಸೆಕೆಂಡುಗಳ ಕಾಲ ಬಿಸಿಮಾಡಿ. ಈಗ ಬಿಸಿಯಾಗಿರುವ ಎಲೆಯನ್ನು ಮೂಳೆಸಂಧುಗಳಲ್ಲಿ ನೋವಿರುವ ಭಾಗದ ಮೇಲೆ ಆವರಿಸುವಂತೆ ಹರಡಿ. ಬಳಿಕ ಹತ್ತಿಯ ಬ್ಯಾಂಡೇಜು ಅಥವಾ ಹತ್ತಿಯ ಪಟ್ಟಿಯಿಂದ ಎಲೆ ಅಲ್ಲಾಡದಂತೆ ಕಟ್ಟಿ.

ಒಂದು ಗಂಟೆ ಹಾಗೇ ಬಿಡಿ

ಈಗ ಪಟ್ಟಿಯನ್ನು ಸುಮಾರು ಒಂದು ಗಂಟೆ ಹಾಗೇ ಬಿಡಿ. ಅಷ್ಟೂ ಹೊತ್ತು ನಡೆದಾಡದಿರುವುದೇ ಲೇಸು. ಈ ವಿಧಾನವನ್ನು ದಿನಕ್ಕೆ ಮೂರು ಬಾರಿ ಅನುಸರಿಸಬೇಕು. ಮರುದಿನದಿಂದಲೇ ನಿಮ್ಮ ಸಂಧುನೋವು ಕಡಿಮೆಯಾಗಿರುವುದನ್ನು ಗಮನಿಸಬಹುದು.

ಬಿಸಿಯಾಗಿಸುವ ಬದಲಿಗೆ ತಣ್ಣಗೆ ಮಾಡಿಯೂ ಅನುಸರಿಸಬಹುದು

ಬಿಸಿಯಾಗಿಸುವ ಬದಲಿಗೆ ತಣ್ಣಗೆ ಮಾಡಿಯೂ ಅನುಸರಿಸಬಹುದು. ಈ ವಿಧಾನದಲ್ಲಿ ಬಿಸಿ ಮಾಡುವ ಬದಲು ಎಲೆಯನ್ನು ಫ್ರಿಜ್ಜಿನಲ್ಲಿಟ್ಟು ತಣ್ಣಗಿದ್ದಂತಿದ್ದಾಗಲೇ ಹಚ್ಚಿ.

ಎಲೆಕೋಸಿನ ಎಲೆಯ ಪವರ್...

ಎಲೆಕೋಸಿನಲ್ಲಿರುವ ಆಂಥೋಸೈಯಾನಿನ್ ನೋವನ್ನು ಕಡಿಮೆಗೊಳಿಸಲು ಹಾಗೂ ಉರಿಯೂತವನ್ನು ಕಡಿಮೆ ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಅದರಲ್ಲೂ ಕೆಂಪು ಎಲೆಕೋಸಿನಲ್ಲಿ ಇದರ ಪ್ರಮಾಣ ಅತಿ ಹೆಚ್ಚಾಗಿರುತ್ತದೆ. ಸಂಧಿವಾತದ ಆರೈಕೆಯಲ್ಲಿ ಎಲೆಕೋಸಿನ ಈ ಗುಣ ಪ್ರಮುಖ ಪಾತ್ರ ವಹಿಸುತ್ತದೆ.

ಹಸಿರು ಮತ್ತು ಕೆಂಪು ಎಲೆಕೋಸುಗಳು

ಹಸಿರು ಮತ್ತು ಕೆಂಪು ಎಲೆಕೋಸುಗಳು ಅಲ್ಸರ್ ಅನ್ನೂ ಗುಣಪಡಿಸುವ ಕ್ಷಮತೆ ಹೊಂದಿದೆ.

ಎಚ್ಚರಿಕೆ

ಕೆಲವರಿಗೆ ಎಲೆಕೋಸು ಅಲರ್ಜಿಕರವಾಗಿದ್ದು ಈ ವ್ಯಕ್ತಿಗಳು ಎಲೆಕೋಸನ್ನು ಬಳಸಬಾರದು. ಇದರಿಂದ ಇವರ ಚರ್ಮದಲ್ಲಿ ತುರಿಕೆ ಮತ್ತು ಊತವನ್ನು ಉಂಟುಮಾಡಬಹುದು. ಒಂದು ವೇಳೆ ಹಚ್ಚಿದ ಕೆಲವೇ ಕ್ಷಣಗಳಲ್ಲಿ ತುರಿಕೆ ಕಂಡುಬಂದರೆ ತಕ್ಷಣವೇ ನಿವಾರಿಸಿ ತಣ್ಣೀರಿನಿಂದ ತೊಳೆದುಕೊಳ್ಳಿ.