ನಿಮಗೆ ಗೊತ್ತಾ? ಕೆಲವು ಸಂದರ್ಭದಲ್ಲಿ ನೀವು ಹೆಚ್ಚು ಉಪ್ಪನ್ನು ಬೇಕಾಗುವುದು

ಮ್ಯಾರಥಾನ್ ಅಥವಾ ತೀವ್ರತೆಯ ವ್ಯಾಯಾಮ ಮಾಡಿದಾಗ

ಉಪ್ಪಿನಲ್ಲಿರುವ ಸೋಡಿಯಂ ಗುಣವು ಉತ್ತಮ ವರ್ಧಕ ಶಕ್ತಿಯನ್ನು ನೀಡುತ್ತದೆ. ದೇಹವು ತೀವ್ರತೆಯ ವ್ಯಾಯಾಮಕ್ಕೆ ಒಳಗಾದಾಗ ಉಪ್ಪನ್ನು ಸೇವಿಸಬೇಕು. ಇದು ರಕ್ತದಲ್ಲಿ ಸೇರಿಕೊಳ್ಳುವುದರಿಂದ ತಲೆ ತಿರುಗುವಿಕೆ, ದುರ್ಬಲತೆ ಹಾಗೂ ಆಯಾಸವನ್ನು ಕಡಿಮೆ ಮಾಡುತ್ತದೆ. ಉಪ್ಪಿನ ಸೇವನೆ ಕಡಿಮೆ ಆದಾಗ ದೇಹವು ಬಳಲುವಿಕೆಗೆ ಒಳಗಾಗುತ್ತದೆ.

ತೀವ್ರವಾದ ಉರಿ ವಾತಾವರಣ

ತೀವ್ರವಾದ ಉಷ್ಣಾಂಶ ಹೆಚ್ಚಾದಾಗ ದೇಹವು ಬೆವರುವಿಕೆಗೆ ಒಳಗಾಗುತ್ತದೆ. ಆಗ ದೇಹದಲ್ಲಿ ಸೋಡಿಯಂ ಮಟ್ಟ ಕಡಿಮೆಯಾಗುತ್ತದೆ. ಅತಿಯಾದ ಬೆವರುವಿಕೆಯಿಂದ ಹೈಪೋನೆಟ್ರೇಮಿಯಕ್ಕೆ ಒಳಗಾಗುವ ಸಾಧ್ಯತೆ ಇರುತ್ತದೆ. ಈ ಸಂದರ್ಭದಲ್ಲಿ ಉಪ್ಪನ್ನು ಹೆಚ್ಚು ಸೇವಿಸಬೇಕು.

ವೈದ್ಯಕೀಯ ಚಿಕಿತ್ಸೆಗೆ ಒಳಗಾದಾಗ

ಸಾಲ್ಟ್-ಲೂಸಿಂಗ್ ನೆಪ್ರೋಪತಿ ಎಂಬುದು ಮೂತ್ರಪಿಂಡಕ್ಕೆ ಸಂಬಂಧಿಸಿದ ಕಾಯಿಲೆ. ಈ ರೀತಿಯ ಮೂತ್ರ ಪಿಂಡಕ್ಕೆ ಸಂಬಂಧಿಸಿ ಕಾಯಿಲೆಗಳು ಬಂದಾಗ ಮೂತ್ರದ ಮೂಲಕ ಹೆಚ್ಚಿನ ಸೋಡಿಯಂ ಪ್ರಮಾಣ ಹೊರ ಹೋಗುತ್ತದೆ. ಅಂತಹವರು ಕೆಲವು ಮೂಲಗಳಿಂದ ತಮ್ಮ ದೇಹಕ್ಕೆ ಬೇಕಾದಷ್ಟು ಸೋಡಿಯಂ ಪ್ರಮಾಣ ಹೆಚ್ಚಿಸಿಕೊಳ್ಳಲು ಪ್ರಯತ್ನಿಸಬೇಕು.

ಮೂತ್ರ ವರ್ಧಕ ಔಷಧಿ ಸೇವಿಸುವಾಗ

ಡಯಾರೆಟಿಕ್ಸ್ ಎನ್ನುವುದು ದೇಹದಲ್ಲಿರುವ ಖನಿಜಗಳ ಅಸಮತೋಲನಕ್ಕೆ ಕಾರಣವಾಗುವುದು. ಇದು ಮೂತ್ರದ ಉತ್ಪತ್ತಿಯನ್ನು ಹೆಚ್ಚಿಸುತ್ತದೆ. ಜೊತೆಗೆ ಮೂತ್ರ ಹೊರಹಾಕುವಿಕೆಯಿಂದ ಸೋಡಿಯಂ ನಷ್ಟವು ಉಂಟಾಗುವುದು. ಇಂತಹ ಸ್ಥಿತಿಯಲ್ಲಿರುವಾಗ ಉಪ್ಪಿನ ಸೇವನೆ ಹೆಚ್ಚಿಸಬೇಕು.

ವಯಸ್ಸಾದಾಗ

80 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸಿನವರು ಹೆಚ್ಚು ಉಪ್ಪನ್ನು ಸೇವಿಸಬೇಕು. ಉಪ್ಪಿನಿಂದ ಮೆದುಳಿನ ವರ್ಧನೆಯನ್ನು ಹೆಚ್ಚಿಸಬಹುದು. ಕಡಿಮೆ ಸೋಡಿಯಂ ಆಹಾರ ಸೇವನೆ ಮಾಡುವವರಿಗಿಂತ ಮಧ್ಯಮ ಸೋಡಿಯಂ ಸೇವನೆ ಮಾಡುವ ವಯಸ್ಕರಲ್ಲಿ ಆರೋಗ್ಯವು ಉತ್ತಮ ಸ್ಥಿತಿಯಲ್ಲಿರುವುದು ಅಧ್ಯಯನದ ಮೂಲಕ ಸಾಬೀತಾಗಿದೆ.

ಅಪರೂಪದ ಕಾಯಿಲೆಗಳಿಗೆ ಒಳಗಾದರೆ

ಬಾರ್ಟ್‍ರ್ ಸಿಂಡ್ರೋಮ್ ಎನ್ನುವ ಅಪರೂಪದ ಆರೋಗ್ಯದ ಸಮಸ್ಯೆ ಉಂಟಾದಾಗ ಉಪ್ಪನ್ನು ಸಂಸ್ಕರಿಸುವ ಮೂತ್ರಪಿಂಡದ ಸಾಮರ್ಥ್ಯದ ಮೇಲೆ ಪರಿಣಾಮ ಬೀರುತ್ತದೆ. ಈ ರೋಗದ ಲಕ್ಷಣವು ಅತಿಯಾದ ಬಾಯಾರಿಕೆ ಮತ್ತು ವಾಂತಿಯನ್ನು ಹೆಚ್ಚಿಸುತ್ತದೆ. ಹಾಗಾಗಿ ಉಪ್ಪಿನ ಸೇವನೆಯನ್ನು ಹೆಚ್ಚಿಸಬೇಕು ಎಂದು ಹೇಳಲಾಗುತ್ತದೆ.