ನೆನಪಿಡಿ, ಯಾವತ್ತೂ ಖಾಲಿ ಹೊಟ್ಟೆಗೆ ಇದನ್ನೆಲ್ಲಾ ಮಾತ್ರ ಸೇವಿಸಬೇಡಿ!

ಖಾಲಿ ಹೊಟ್ಟೆಯಲ್ಲಿ ಔಷಧಿ ಸೇವನೆ...

ಖಾಲಿ ಹೊಟ್ಟೆಯಲ್ಲಿ ಉರಿಯೂತ ಶಮನಕಾರಿ ಔಷಧಿ ಸೇವಿಸಲೇಬಾರದು. ಇದರಿಂದ ಗಂಭೀರ ಆರೋಗ್ಯ ಸಮಸ್ಯೆಯಾಗಬಹುದು. ಇದರಿಂದ ಗ್ಯಾಸ್ಟ್ರಿಕ್ ರಕ್ತಸ್ರಾವವಾಗಬಹುದು ಮತ್ತು ಔಷಧಿಯ ಪರಿಣಾಮವು ಕಡಿಮೆಯಾಗುವುದು.

ಕಾಫಿ ಸೇವನೆ

ಖಾಲಿ ಹೊಟ್ಟೆಯಲ್ಲಿ ಕಾಫಿ ಸೇವನೆ ಮಾಡುವುದರಿಂದ ಆಮ್ಲದ ಉತ್ಪಾದನೆಯು ಹೆಚ್ಚುವುದು. ಇದರಿಂದ ಎದೆಯುರಿ ಮತ್ತು ಇತರ ಕೆಲವೊಂದು ಜೀರ್ಣಕ್ರಿಯೆ ಸಮಸ್ಯೆ ಕಾಡಬಹುದು. ಖಾಲಿ ಹೊಟ್ಟೆಯಲ್ಲಿ ಕಾಫಿ ಸೇವಿಸಲೇಬಾರದು.

ಮೊಸರು

ಖಾಲಿಹೊಟ್ಟೆಯಲ್ಲಿ ಬರೆಯ ಮೊಸರನ್ನೂ ಸೇವಿಸಬಾರದು. ಏಕೆಂದರೆ ಇದರಲ್ಲಿರುವ ಬ್ಯಾಕ್ಟೀರಿಯಾಗಳು ಖಾಲಿ ಹೊಟ್ಟೆಯಲ್ಲಿ ಜಠರದಲ್ಲಿರುವ ಜೀರ್ಣರಸದೊಂದಿಗೆ ಬೆರೆತು ಇನ್ನಷ್ಟು ಆಮ್ಲೀಯವಾಗಿಸುತ್ತವೆ. ಇದು ಹೊಟ್ಟೆಯ ಪದರವನ್ನು ಇನ್ನಷ್ಟು ಸುಡಲು ಕಾರಣವಾಗುತ್ತದೆ.

ಬಾಳೆಹಣ್ಣು

ಇದೊಂದು ಉತ್ತಮ ಆಹಾರವಾದರೂ ಖಾಲಿಹೊಟ್ಟೆಯಲ್ಲಿ ಸೇವಿಸಲು ತಕ್ಕುದಲ್ಲ. ಏಕೆಂದರೆ ಇದರಲ್ಲಿರುವ ಮೆಗ್ನೀಶಿಯಂ ತಕ್ಷಣವೇ ರಕ್ತದಲ್ಲಿರುವ ಕ್ಯಾಲ್ಸಿಯಂ ನೊಂದಿಗೆ ಬೆರೆತು ಸಮತೋಲನವನ್ನು ಏರುಪೇರಾಗಿಸುತ್ತದೆ.

ಖಾರವಾದ ಆಹಾರಗಳು

ಖಾಲಿಹೊಟ್ಟೆಯಲ್ಲಿ ನಮ್ಮ ಜೀರ್ಣರಸಗಳು ಹೊಟ್ಟೆಯ ಒಳಪದರವನ್ನು ಸುಡುತ್ತಿರುತ್ತವೆ. ಈ ಆಹಾರದ ಸೇವನೆಯ ಮೂಲಕ ಸುಡುವುದು ಇನ್ನಷ್ಟು ಹೆಚ್ಚುತ್ತದೆ. ಪರಿಣಾಮ, ಹೊಟ್ಟೆನೋವು, ಹೊಟ್ಟೆಯಲ್ಲಿ ಉರಿ ಪ್ರಾರಂಭವಾಗುತ್ತದೆ.

ಚೂಯಿಂಗ್ ಗಮ್

ಖಾಲಿ ಹೊಟ್ಟೆಯಲ್ಲಿ ಚೂಯಿಂಗ್ ಗಮ್ ಸೇವನೆ ಮಾಡಿದರೆ ಅದರಿಂದ ಉತ್ಪತ್ತಿಯಾಗುವ ಜೀರ್ಣಕ್ರಿಯೆ ಆಮ್ಲವು ಹೊಟ್ಟೆಯಲ್ಲಿನ ಪದರ ಧ್ವಂಸ ಮಾಡುವುದು. ಇದರಿಂದ ಜಠರದಲ್ಲಿ ಉರಿ ಕಾಣಿಸಬಹುದು. ಖಾಲಿ ಹೊಟ್ಟೆಯಲ್ಲಿ ಇದನ್ನು ಮಾಡಲೇಬಾರದು.

ಆಲ್ಕೋಹಾಲ್ ಸೇವನೆ

ಖಾಲಿ ಹೊಟ್ಟೆಯಲ್ಲಿ ಆಲ್ಕೋಹಾಲ್ ಸೇವನೆ ಮಾಡಿದರೆ ಆಲ್ಕೋಹಾಲ್ ಹೀರಿಕೊಳ್ಳುವುದು ಶೇ.2ರಷ್ಟು ಹೆಚ್ಚಾಗುವುದು. ಆಲ್ಕೋಹಾಲ್ ವಿಭಜನೆಗೊಳ್ಳುವುದು ನಿಧಾನವಾಗಬಹುದು ಮತ್ತು ಇದರಿಂದ ಗಂಭೀರ ನಶೆ ಏರಬಹುದು. ಇದು ಖಾಲಿ ಹೊಟ್ಟೆಯಲ್ಲಿ ಮಾಡಲೇಬಾರದ ಕೆಲಸಗಳು.

ನಿದ್ರಿಸಲು ಹೋಗುವುದು

ಹಸಿವು ಮತ್ತು ಗ್ಲೂಕೋಸ್ ಮಟ್ಟವು ಕಡಿಮೆಯಾಗುವ ಕಾರಣದಿಂದ ನಿದ್ರಾಹೀನತೆ ಕಾಣಿಸಿಕೊಳ್ಳಬಹುದು. ನಿದ್ರಾಹೀನತೆಯಿಂದಾಗಿ ಹಸಿವಿನ ಹಾರ್ಮೋನುಗಳು ಹೆಚ್ಚಾಗಬಹುದು.