ಹೊಟ್ಟೆಯ ಕಲ್ಮಶಗಳನ್ನು ಹೊರಹಾಕಲು ಸರಳ ಟಿಪ್ಸ್- ಹೀಗೆ ಮಾಡಿ

ನಮ್ಮ ದೇಹವನ್ನು ಸೇರುವ ಆಹಾರದಲ್ಲಿರುವ ಕಲ್ಮಶಗಶಗಳು ಪೂರ್ಣವಾಗಿ ಹೊರಹೋಗುವುದಿಲ್ಲ. ಕೊಂಚ ಉಳಿದೇ ಉಳಿಯುತ್ತದೆ. ಆದ್ದರಿಂದ ತಿಂಗಳಿಗೊಂದು ಬಾರಿಯಾದರೂ ಉಳಿದ ಎಲ್ಲಾ ಕಲ್ಮಶಗಳನ್ನು ಹೊರಹಾಕುವುದು ಅನಿವಾರ್ಯವೂ ಆರೋಗ್ಯಕರವೂ ಆಗಿದೆ. ಹೊಟ್ಟೆಯೊಳಗಿನ ಕಲ್ಮಶ ಹೋಗಲಾಡಿಸಲು-ಉಪ್ಪು ನೀರಿನ ರೆಸಿಪಿ!

ಒಂದು ವೇಳೆ ನಿಮ್ಮ ಆಹಾರ ಕ್ರಮ ಸರಿಯಾಗಿಲ್ಲದಿದ್ದರೆ ಈ ವಿಧಾನ ನಿಮಗೆ ಅಗತ್ಯವಾಗಿದ್ದು ನಿಮ್ಮ ದೇಹದಲ್ಲಿ ಅಪಾರ ಪ್ರಮಾಣದ ವಿಷಕಾರಿ ವಸ್ತುಗಳನ್ನು ಸಂಗ್ರಹವಾಗಿರಬಹುದು. ಇವುಗಳನ್ನು ಹೊರಹಾಕದೇ ಇದ್ದರೆ ಇವು ನಿಧಾನವಾಗಿ ಕರುಳುಗಳ ಮೂಲಕ ದೇಹದಲ್ಲಿ ಹೀರಲ್ಪಟ್ಟು ರಕ್ತದ ಮೂಲಕ ಇಡಿಯ ದೇಹವನ್ನು ವ್ಯಾಪಿಸುತ್ತದೆ. ವಾರಂತ್ಯದ ಸಲಹೆ; ದೇಹದೊಳಗಿನ ಕಲ್ಮಶ ಹೊರಹಾಕುವ ಮನೆಮದ್ದುಗಳು

ಸೇಬುಹಣ್ಣಿನಲ್ಲಿ ಪೆಕ್ಟಿನ್ ಎಂಬ ಪೋಷಕಾಂಶವಿದೆ. ಇದರ ಸೇವನೆಯಿಂದ ಜೀರ್ಣಕ್ರಿಯೆಯನ್ನು ಸುಲಭಗೊಳಿಸುತ್ತದೆ. ಈ ಪೋಷಕಾಂಶ ಕರುಳುಗಳ ಒಳಗೆ ಸಂಗ್ರಹವಾಗಿದ್ದ ಕಲ್ಮಶಗಳನ್ನು ಸ್ಪಂಜಿನಂತೆ ಆಕರ್ಷಿಸಿ ಉಂಡೆಗಟ್ಟಿಸುತ್ತದೆ ಹಾಗೂ ಸುಲಭವಾಗಿ ವಿಸರ್ಜಿಸುವ ಮೂಲಕ ದೇಹದಲ್ಲಿ ಕಲ್ಮಶಗಳು ಇಲ್ಲವಾಗುತ್ತವೆ. ಸೇಬುಹಣ್ಣಿನ ನೆರವಿನಿಂದ ಈ ಕಲ್ಮಶಗಳನ್ನು ಹೇಗೆ ಹೊರಹಾಕಬಹುದು ಎಂಬುದನ್ನು ಇಂದಿನ ಲೇಖನದಲ್ಲಿ ನೋಡೋಣ....

#1

ಬೆಳಿಗ್ಗೆದ್ದ ತಕ್ಷಣ ಒಂದು ಲೋಟ ಸೇಬಿನ ರಸವನ್ನು ಯಾವುದೇ ಸಕ್ಕರೆ ಬೆರೆಸದೇ ಕುಡಿಯಿರಿ. ಅಗತ್ಯವೆನಿಸಿದರೆ ಅರ್ಧ ಲಿಂಬೆಯ ರಸವನ್ನು ಸೇರಿಸಬಹುದು.

#2

ಮಾರುಕಟ್ಟೆಯಲ್ಲಿ ಸಿಗುವ ಸೇಬಿನ ರಸದಲ್ಲಿ ಹಣ್ಣಿನ ರಸದ ಪ್ರಮಾಣ ತುಂಬಾ ಕಡಿಮೆ ಇರುವ ಕಾರಣ ಇದು ಅಷ್ಟು ಪ್ರಯೋಜನವಾಗುವುದಿಲ್ಲ. ಬದಲಿಗೆ ಮನೆಯಲ್ಲಿಯೇ ತಯಾರಿಸುವುದು ಉತ್ತಮ.

#3

ಸುಮಾರು ಎರಡು ಅಥವಾ ಮೂರು ಗಂಟೆಗಳ ನಂತರ ಎರಡು ಸೇಬುಹಣ್ಣುಗಳನ್ನು ಸಿಪ್ಪೆ ಸಹಿತ ತಿನ್ನಿ.

#4

ಮಧ್ಯಾಹ್ನದ ಊಟದ ಸಮಯದಲ್ಲಿ ಕೊಂಚ ಹಸಿರು ಟೀಯಲ್ಲಿ ಕೊಂಚ ಜೇನು ಬೆರೆಸಿ ಕುಡಿಯಿರಿ.

#5

ಇದಾದ ನಂತರ ಸುಮಾರು ಎರಡು ಗಂಟೆಗಳ ಬಳಿಕ ಮತ್ತೊಮ್ಮೆ 2-4 ಸೇಬುಹಣ್ಣುಗಳನ್ನು ತಿನ್ನಿ

#6

ಸಂಜೆಯ ಹೊತ್ತಿನ ಇನ್ನೊಂದು ಲೋಟ ಸೇಬಿನ ರಸ ಸೇವಿಸಿ

#7

ರಾತ್ರಿಯ ಊಟಕ್ಕೆ ಒಂದೆರಡು ಸೇಬಿನ ತಿರುಳಿಗೆ (ಸಿಪ್ಪೆ, ಬೀಜಗಳನ್ನು ನಿವಾರಿಸಿದ ಬಳಿಕ ಉಳಿದ ತಿರುಳು) ಕೊಂಚ ಜೇನನ್ನು ಬೆರೆಸಿ ಸೇವಿಸಿ.