ಹೊಟ್ಟೆಯೊಳಗಿನ ಕಲ್ಮಶ ಹೋಗಲಾಡಿಸಲು-ಉಪ್ಪು ನೀರಿನ ರೆಸಿಪಿ!

ವಾಸ್ತವಾಂಶ #1

ಇಡಿಯ ದಿನ ಮನೆಯಲ್ಲಿಯೇ ಕಳೆಯುವ ರಜಾದಿನವೊಂದನ್ನು ಆಯ್ಕೆ ಮಾಡಿ ಆ ದಿನ ಬೆಳಿಗ್ಗೆ ಎದ್ದ ತಕ್ಷಣ ಒಂದು ಲೀಟರ್ ನೀರಿಗೆ ಎರಡು ಚಿಕ್ಕಚಮಚ ಕಲ್ಲುಪ್ಪು ಸೇರಿಸಿ ಕಲಕಿ ಕುಡಿಯಿರಿ. ಈ ನೀರು ಉಗುರುಬೆಚ್ಚಗಿದ್ದರೆ ಸಾಕು. ಈ ವಿಧಾನದಿಂದ ಮುಂದಿನ ಸಮಯದಲ್ಲಿ ನಿಧಾನವಾಗಿ ಹೊಟ್ಟೆ ಮತ್ತು ಕರುಳುಗಳಲ್ಲಿ ಉಳಿದಿದ್ದ ಕಲ್ಮಶಗಳು ಸುಲಭವಾಗಿ ಹೊರಬೀಳುತ್ತವೆ.

ಎಚ್ಚರಿಕೆ

ಕೆಲವರಿಗೆ ಹೆಚ್ಚಿನ ಉಪ್ಪು ಅಲರ್ಜಿಯಾಗಿದ್ದು ಹೊಟ್ಟೆಗೆ ಹೋದ ತಕ್ಷಣವೇ ವಾಂತಿಯಾಗುತ್ತದೆ. ಒಂದು ವೇಳೆ ನಿಮಗೆ ಈ ಬಗೆಯ ಅಲರ್ಜಿಯಿದ್ದರೆ ತಕ್ಷಣ ಈ ವಿಧಾನದಿಂದ ಹೊರಬನ್ನಿ. ಒಂದು ವೇಳೆ ನಿಮಗೆ ಅತಿ ರಕ್ತದೊತ್ತಡದ ತೊಂದರೆ ಇದ್ದರೆ ಅಥವಾ ಸೋಡಿಯಂ ಲವಣ ಸೇವನೆಯ ಮಿತಿಯನ್ನು ವೈದ್ಯರು ವಿಧಿಸಿದ್ದರೆ ಈ ವಿಧಾನವನ್ನು ಅನುಸರಿಸಬೇಡಿ. ಅಷ್ಟೇ ಅಲ್ಲ, ಉಪ್ಪು ನೀರಿನ ಸೇವನೆಯ ಬಳಿಕವೂ ವಿಸರ್ಜನೆಯ ನಿಟ್ಟಿನಲ್ಲಿ ಯಾವುದೇ ಬದಲಾವಣೆ ಕಂಡುಬರದಿದ್ದಲ್ಲಿ ಸಹಾ ಈ ವಿಧಾನವನ್ನು ಮತ್ತೆ ಪ್ರಯತ್ನಿಸಬೇಡಿ.

ವಾಸ್ತವಾಂಶ #2

ಈ ವಿಧಾನವನ್ನು ಉಪವಾಸವಿರುವ ಸಮಯದಲ್ಲಿ ಪ್ರಯೋಗಿಸಬೇಕು. ಆಗ ಇದರ ಪರಿಣಾಮ ಗರಿಷ್ಟವಾಗಿರುತ್ತದೆ. ಒಂದು ವೇಳೆ ಉಪವಾಸವಿರುವುದು ಸಾಧ್ಯವಿಲ್ಲವೆಂದಾದರೆ ಮುಂಜಾನೆ ಬೇಗನೇ ಎದ್ದು ಖಾಲಿಹೊಟ್ಟೆಯಲ್ಲಿ ಈ ನೀರನ್ನು ಕುಡಿದು ಸಾಧ್ಯವಾದಷ್ಟು ಹೊತ್ತು ಹೊಟ್ಟೆಗೆ ಏನನ್ನೂ ತೆಗೆದುಕೊಳ್ಳಬಾರದು. ಮೊದಲ ಬಾರಿಯ ವಿಸರ್ಜನೆಯ ಬಳಿಕ ಲಘು ಮತ್ತು ದ್ರವಾಹಾರಗಳನ್ನು ಸೇವಿಸಬಹುದು.

ವಾಸ್ತವಾಂಶ#3

ಉಪ್ಪುನೀರಿನ ಸೇವನೆಯ ಬಳಿಕ ಬಾಯಿ, ಗಂಟಲು, ಹೊಟ್ಟೆ, ಕರುಳುಗಳೆಲ್ಲವೂ ಒಳಗಿನಿಂದ ಸ್ವಚ್ಛಗೊಳ್ಳುತ್ತದೆ. ಇದು ಕೊಂಚ ಅಸ್ವಾಭಾವಿಕವಾದುದರಿಂದ ಒಳಗಿನಿಂದ ಕಚಗುಳಿಯಾಗುವ ಅನುಭವವಾಗಬಹುದು. ಆದರೆ ಇದನ್ನು ಸಹಿಸಿಕೊಳ್ಳಬೇಕು.

ವಾಸ್ತವಾಂಶ #4

ಕೇವಲ ಕಲ್ಲುಪ್ಪು ಅಥವಾ ಹಿಮಾಯಲದ ಉಪ್ಪು ಈ ವಿಧಾನಕ್ಕೆ ಸೂಕ್ತ. ಪುಡಿಯುಪ್ಪು, ಅಯೋಡಿನ್ ಉಪ್ಪು ಎಲ್ಲವೂ ಈ ವಿಧಾನಕ್ಕೆ ಸೂಕ್ತವಲ್ಲ.

ವಾಸ್ತವಾಂಶ #5

ನೀರು ಕುಡಿದ ನಂತರ ಏನಾಗುತ್ತದೆ? ಸುಮಾರು ಹದಿನೈದು ಇಪ್ಪತ್ತು ನಿಮಿಷಗಳಲ್ಲಿಯೇ ನೀರು ಹರಿಯುವುದರ ಅನುಭವವನ್ನು ಕಂಡುಕೊಳ್ಳಬಹುದು. ಬಳಿಕ ಶೌಚಾಲಯಕ್ಕೆ ಹೋಗುವ ಅವಸರವಾಗುತ್ತದೆ. ಈ ಕ್ರಿಯೆಯನ್ನು ಮುಂದಿನ ಗಂಟೆಗಳಲ್ಲಿ ನಾಲ್ಕಾರು ಬಾರಿ ಪುನರಾವರ್ತಿಸಬೇಕಾಗಬಹುದು. ಆದ್ದರಿಂದ ರಜಾದಿನವಾಗಿದ್ದು ಮನೆಯಲ್ಲಿಯೇ ಇರುವ ಸಂದರ್ಭವನ್ನು ಈ ವಿಧಾನಕ್ಕೆ ಆಯ್ದುಕೊಳ್ಳುವುದು ಅಗತ್ಯ.

ವಾಸ್ತವಾಂಶ #6

ಕೆಲವರು ಈ ವಿಧಾನವನ್ನು ಸತತವಾಗಿ ಐದರಿಂದ ಏಳು ದಿನಗಳವರೆಗೆ ಅನುಸರಿಸುತ್ತಾರೆ. ಆದರೆ ಈ ವಿಧಾನವನ್ನು ಹೆಚ್ಚು ಕಾಲ ಅನುಸರಿಸುವುದು ಒಳ್ಳೆಯದಲ್ಲ. ಪ್ರತಿ ಆರು ತಿಂಗಳಿಗೆ ಒಂದು ಬಾರಿ ಅನುಸರಿಸಿದರೆ ಸಾಕಾಗುತ್ತದೆ. ಯಾವುದಕ್ಕೂ ನಿಮ್ಮ ಕುಟುಂಬ ವೈದ್ಯರ ಸಲಹೆ ಪಡೆದೇ ಮುಂದುವರೆಯುವುದು ಉತ್ತಮ.