ಇವನಿಗೆ ಏನೋ ಶಿಕ್ಷೆ ಆಯಿತು, ಆದರೆ ಪಾಪ ಇವರ ಗೋಳು ಕೇಳುವವರು ಯಾರು?

ಖಿನ್ನತೆ

ಅತ್ಯಾಚಾರಕ್ಕೆ ಒಳಗಾದ ವ್ಯಕ್ತಿಯ ಪ್ರಮುಖ ಲಕ್ಷಣಗಳೆಂದರೆ ಬಹುಕಾಲದವರೆಗೆ ಖಿನ್ನತೆಯನ್ನು ಅನುಭವಿಸುವುದು, ಹತಾಷೆ, ತನ್ನಿಂದೇನೂ ಆಗದು ಎಂಬ ತಪ್ಪಿತಸ್ಥ ಭಾವನೆ, ವಿವರಿಸಲು ಸಾಧ್ಯವಾಗದ ಅಳು, ಹಸಿವಿನಲ್ಲಿ ಬದಲಾವಣೆ, ಶಕ್ತಿ ಉಡುಗುವುದು, ತೂಕದಲ್ಲಿ ಅತಿಯಾದ ಹೆಚ್ಚಳ ಅಥವಾ ಇಳಿಕೆ ಮೊದಲಾದವು ಕಂಡುಬರುತ್ತವೆ.

ಸಮಾಜದಿಂದ ವಿಮುಖತೆ

ಈ ವ್ಯಕ್ತಿಗಳು ಸಮಾಜದೊಂದಿಗೆ ಹೆಚ್ಚೂ ಕಡಿಮೆ ಸಂಪರ್ಕವನ್ನು ಕಡಿದುಕೊಂಡಿರುತ್ತಾರೆ ಹಾಗೂ ಅತ್ಯಂತ ಕಡಿಮೆ ಜನರೊಂದಿಗೆ ವ್ಯವಹರಿಸುತ್ತಾರೆ. ಇವರು ಸಾಮಾನ್ಯವಾಗಿ ಹಗಲುಗನಸು ಕಾಣುತ್ತಾ ವಾಸ್ತವಜಗತ್ತಿನಲ್ಲಿ ಇಲ್ಲದೇ ಇರುವಂತೆ ವರ್ತಿಸುತ್ತಾರೆ. ಇವರು ತಮ್ಮ ದಿನನಿತ್ಯದ ಕಾರ್ಯಗಳಲ್ಲಿ ಗಮನ ಹರಿಸಲು ವಿಫಲರಾಗುತ್ತಾರೆ. ಅತ್ಯಾಚಾರಕ್ಕೆ ಒಳಗಾದ ವ್ಯಕ್ತಿಗಳಿಗೆ ಎದುರಾಗುವ ತೊಂದರೆಗಳಲ್ಲಿ ಇದು ಪ್ರಮುಖವಾಗಿದೆ.

ಲೈಂಗಿಕ ರೋಗಗಳು

ಲೈಂಗಿಕ ಸಂಪರ್ಕದಿಂದ ಆವರಿಸಬಹುದಾದ ಯಾವುದೇ ಲೈಂಗಿಕ ರೋಗಗಳು ಬ್ಯಾಕ್ಟೀರಿಯಾ ಅಥವಾ ಶಿಲೀಂಧ್ರದ ಸೋಂಕಿನಿಂದ ವ್ಯಕ್ತಿಯಿಂದ ವ್ಯಕ್ತಿಗೆ ದಾಟುತ್ತದೆ. ಅತ್ಯಾಚಾರಕ್ಕೆ ಒಳಗಾದ ವ್ಯಕ್ತಿ ದೈಹಿಕವಾಗಿ ಬಳಲುವ ಕಾಯಿಲೆಗಳಲ್ಲಿ ಇದು ಪ್ರಮುಖವಾಗಿದೆ.

ಊಟದಲ್ಲಿ ಏರುಪೇರು

ಅತ್ಯಾಚಾರಕ್ಕೆ ಒಳಗಾದ ವ್ಯಕ್ತಿ ದೈಹಿಕವಾಗಿ ಕೆಲವಾರು ಬಗೆಯ ತೊಂದರೆಗಳನ್ನು ಅನುಭವಿಸುತ್ತಾರೆ. ಇದರಲ್ಲಿ ದೇಹದ ಸಂವೇದನೆ ಹಾಗೂ ಭಾವನೆಗಳ ನಿಯಂತ್ರಣದಲ್ಲಿ ಏರುಪೇರು ಆಗಿರುವುದು ಪ್ರಮುಖವಾಗಿದೆ. ಇವರು ಸೂಕ್ತ ಸಮಯದಲ್ಲಿ ಸೂಕ್ತ ಪ್ರಮಾಣದ ಆಹಾರ ಸೇವಿಸಲು ವಿಫಲರಾಗುತ್ತಾರೆ ಅಥವಾ ಆಹಾರದ ಪ್ರಮಾಣ ವಿಪರೀತ ಹೆಚ್ಚು ಅಥವಾ ಕಡಿಮೆಯಾಗುತ್ತದೆ. ಪರಿಣಾಮವಾಗಿ ಆರೋಗ್ಯ ಕೆಡುತ್ತದೆ ಹಾಗೂ ತೂಕದಲ್ಲಿ ಏರಿಕೆ ಅಥವಾ ಇಳಿಕೆ ಕಂಡುಬರುತ್ತದೆ.

ಅಸಮರ್ಪಕ ನಿದ್ದೆ

ಅತ್ಯಾಚಾರದ ಪ್ರಮುಖ ಪರಿಣಾಮವನ್ನು ವ್ಯಕ್ತಿಯ ನಿದ್ದೆಯಿಂದ ಅಳೆಯಬಹುದು. ಈ ವ್ಯಕ್ತಿಗಳಿಗೆ ಸುಲಭವಾಗಿ ನಿದ್ದೆ ಆವರಿಸುವುದಿಲ್ಲ ಹಾಗೂ ನಿದ್ದೆ ಆವರಿಸಿದರೆ ಸುಲಭವಗಿ ಎಚ್ಚರಾಗುವುದೂ ಇಲ್ಲ. ಇವರು ಸಾಮಾನ್ಯ ಅವಧಿಗಿಂತಲೂ ತೀರಾ ಕಡಿಮೆ ಅಥವಾ ತೀರಾ ಹೆಚ್ಚು ಘಂಟೆಗಳ ಕಾಲ ನಿದ್ರಿಸುತ್ತಾರೆ. ಅತ್ಯಾಚಾರದ ಘೋರ ಪರಿಣಾಮಗಳಲ್ಲಿ ಇದು ಪ್ರಮುಖವಾಗಿದೆ.

ಆತ್ಮಹತ್ಯೆಗೆ ಪ್ರಚೋದನೆ

ಈ ವ್ಯಕ್ತಿಗಳನ್ನು ಎಷ್ಟು ಬೇಗ ಸಾಧ್ಯವೋ ಅಷ್ಟು ಬೇಗನೇ ಮಾನಸಿಕ ಚಿಕಿತ್ಸಕರಲ್ಲಿ ಕರೆದೊಯ್ದು ಸೂಕ್ತ ಚಿಕಿತ್ಸೆ ಕೊಡಿಸಬೇಕು ಹಾಗೂ ಅಗತ್ಯವಿದ್ದರೆ ಇವರನ್ನು ಆಪ್ತಸಲಹೆ ನೀಡುವ ತರಗತಿಗಳಿಗೆ ಸೇರಿಸಬೇಕು. ತಜ್ಞರು ನೀಡುವ ಸಲಹೆಗಳು ಮತ್ತು ಚಿಕಿತ್ಸೆಯಿಂದ ಇವರ ಯೋಚನಾಲಹರಿ ಬದಲಾಗುತ್ತದೆ ಹಾಗೂ ಶೀಘ್ರವೇ ಗುಣಮುಖರಾಗಿ ಮನೆಗೆ ಮರಳಲು ಸಾಧ್ಯವಾಗುತ್ತದೆ. ಇಲ್ಲದೇ ಇದ್ದಲ್ಲಿ ಇವರ ಮಾನಸಿಕ ಸ್ಥಿತಿ ದಿನೇ ದಿನೇ ಹದಗೆಡುತ್ತಾ ಇವರ ಚಿಂತನೆಗಳು ಆತ್ಮಹತ್ಯೆಗೆ ಪ್ರಚೋದಿಸುತ್ತವೆ ಅಥವಾ ಉನ್ಮತ್ತ ಭಾವನೆಯಿಂದ ಹತ್ಯೆಯಿಂದ ಸೇಡು ತೀರಿಸಿಕೊಳ್ಳುವ ಬಗ್ಗೆಯೂ ಯೋಚಿಸಬಹುದು. (ಇದೇ ಘಟನೆಯನ್ನು ಆಧರಿಸಿದ ಹಿಂದಿ ಚಲನಚಿತ್ರ 'ಝಖ್ಮೀ ಔರತ್' ಅನ್ನು ಇಲ್ಲಿ ಸ್ಮರಿಸಬಹುದು).