ದಿನಕ್ಕೆ ಮೂರಕ್ಕಿಂತಲೂ ಹೆಚ್ಚು ಬಾರಿ ಶೌಚಕ್ಕೆ ಅವಸರವಾದರೆ.....

ಮಾಹಿತಿ #1

ಸಾಮಾನ್ಯವಾಗಿ ಈ ತೊಂದರೆಗೆ ಕಾರಣಗಳನ್ನು ಹುಡುಕುವುದು ಅಷ್ಟು ಸುಲಭವಲ್ಲ. ಸಾಮಾನ್ಯವಾಗಿ ಈ ತೊಂದರೆ ಎಷ್ಟರ ಮಟ್ಟಿಗೆ ಬಾಧಿಸುತ್ತಿದೆ ಎಂಬ ಮಾಹಿತಿಯನ್ನು ಆಧರಿಸಿ ಇದರ ಕಾರಣವನ್ನು ಕಂಡುಕೊಳ್ಳಲಾಗುತ್ತದೆ.

ಮಾಹಿತಿ #2

ಬಹುತೇಕ ಸಂದರ್ಭದಲ್ಲಿ ಇದು ನಮ್ಮ ಬದಲಾದ ಜೀವನಶೈಲಿಯ ಕೊಡುಗೆಯಾಗಿದೆ. ಅಂದರೆ ಜೀವನಶೈಲಿಯಲ್ಲಿ ಅನಿವಾರ್ಯವಾಗಿ ಮಾಡಬೇಕಾದ ಮಾರ್ಪಾಡುಗಳು ನಿಸರ್ಗಕ್ಕೆ ವಿರುದ್ದವಾಗಿರುವುದರಿಂದ ದೇಹ ಈ ರೀತಿಯಾಗಿ ಪ್ರತಿಕ್ರಿಯಿಸುತ್ತಿರಬಹುದು.

ಮಾಹಿತಿ #2

ಉದಾಹರಣೆಗೆ ಬಸ್ಸು ತಪ್ಪಿ ಹೋಗುವ ದುಗುಡದಿಂದ ಬಲವಂತವಾಗಿ ಶೌಚಕ್ಕೆ ಹೋಗುವುದನ್ನು ತಪ್ಪಿಸಿಕೊಳ್ಳುವುದು ಇತ್ಯಾದಿ. ಇದಕ್ಕೆ ನಮ್ಮ ಜೀವನಶೈಲಿಯನ್ನು ಆರೋಗ್ಯಕರವಾಗಿ ಬದಲಿಸಿಕೊಳ್ಳುವುದೇ ಮಾರ್ಗ.

ಮಾಹಿತಿ #3

ಈ ತೊಂದರೆಯ ಮುಖ್ಯ ಲಕ್ಷಣಗಳೆಂದರೆ ಕೆಳಹೊಟ್ಟೆಯಲ್ಲಿ ನೋವು, ಹೊಟ್ಟೆಯುಬ್ಬರಿಕೆ, ಆಮಶಂಕೆ ಮತ್ತು ಕೆಲವೊಮ್ಮೆ ಮಲಬದ್ದತೆ ಆಗಿರುತ್ತದೆ.

ಮಾಹಿತಿ #4

ಸಾಮಾನ್ಯ ಆಮಶಂಕೆಗೂ IBS ತೊಂದರೆಗೂ ಕೊಂಚ ವ್ಯತ್ಯಾಸವಿದೆ. ಈ ತೊಂದರೆ ಇರುವವರಿಗೆ ಪದೇ ಪದೇ ಶೌಚಕ್ಕೆ ಹೋಗುವ ಅವಸರವಾಗುತ್ತದೆ. ಅಮಶಂಕೆ ಒಂದೆರಡು ದಿನಗಳ ನಂತರ ಕಡಿಮೆಯಾದರೆ IBS ದಿನೇ ದಿನೇ ಹೆಚ್ಚುತ್ತಾ ಹೋಗುತ್ತದೆ.

ಮಾಹಿತಿ #5

IBS ನ ಇನ್ನೊಂದು ಲಕ್ಷಣವೆಂದರೆ ಹೊಟ್ಟೆಗೆ ಏನನ್ನು ತಿಂದರೂ ತಕ್ಷಣ ಶೌಚಕ್ಕೆ ಅವಸರವಾಗುವುದಾಗಿದೆ. ಅಂದರೆ ಶೌಚಾಲಯ ವ್ಯವಸ್ಥೆ ಇರುವೆಡೆಯಲ್ಲಿಯೇ ಇವರು ಊಟ ಮಾಡುವುದು ಅನಿವಾರ್ಯವಾಗುತ್ತದೆ.

ಮಾಹಿತಿ #6

IBSನ ಇನ್ನೊಂದು ಲಕ್ಷಣವೆಂದರೆ ಪ್ರತಿ ಬಾರಿ ಶೌಚಾಲಯಕ್ಕೆ ಹೋಗಿ ಬಂದ ಬಳಿಕ ಸುಸ್ತಾಗುತ್ತಾರೆ. ಇದರಿಂದ ತ್ರಾಣವನ್ನೇ ಕಳೆದುಕೊಂಡು ನಿತ್ಯದ ಚಟುವಟಿಕೆಗಳೂ ಬಾಧೆಗೊಳಗಾಗುತ್ತವೆ.

ಮಾಹಿತಿ #7

ಒಂದು ಸಂಶೋಧನೆಯಲ್ಲಿ ಕಂಡುಕೊಂಡ ಪ್ರಕಾರ ಮಾನಸಿಕ ಬೇಗುದಿ, ಒತ್ತಡ, ತಲ್ಲಣ ಮೊದಲಾದವುಗಳಿಂದ ಬಳಲುತ್ತಿರುವವರು ಈ ತೊಂದರೆಯನ್ನು ಹೆಚ್ಚು ಎದುರಿಸುತ್ತಾರೆ.

ಮಾಹಿತಿ #8

IBS ತೊಂದರೆ ಇರುವವರಲ್ಲಿ ಹೆಚ್ಚಿನವರಿಗೆ ಶೌಚಕ್ಕೆ ಅವಸರವಾದಾಗ ಶೌಚಾಲಯವನ್ನು ತಕ್ಷಣ ತಲುಪಲು ಸಾಧ್ಯವಾಗುವುದಿಲ್ಲ. ಈ ಒತ್ತಡ ಅತೀವ ನೋವನ್ನೂ, ಮುಜುಗರವನ್ನೂ ತಂದೊಡ್ಡುತ್ತದೆ.

ಮಾಹಿತಿ #9

IBS ತೊಂದರೆಯನ್ನು ಸಂಪೂರ್ಣವಾಗಿ ನಿವಾರಿಸಲು ಅಸಾಧ್ಯ. ಆದರೆ ಸರಿಯಾದ ಆಹಾರಕ್ರಮ, ಜೀವನಶೈಲಿಯಲ್ಲಿ ಕೊಂಚ ಬದಲಾವಣೆ, ಆರೋಗ್ಯಕರ ಆಹಾರಗಳಿಗೆ ಒಲವು ಮೊದಲಾದವುಗಳ ಮೂಲಕ ಈ ತೊಂದರೆಯನ್ನು ಸಾಕಷ್ಟು ಮಟ್ಟಿಗೆ ಹತೋಟಿಯಲ್ಲಿರಿಸಲು ನೆರವಾಗುತ್ತವೆ.