ತಲೆ ನೋವಿಗೆ ಮಾತ್ರೆ ಬಿಡಿ-ಒಮ್ಮೆ ಮನೆಮದ್ದು ಪ್ರಯತ್ನಿಸಿ

ಆಲೂಗಡ್ಡೆ

ಒಂದು ಆಲೂಗಡ್ಡೆ ತೆಗೆದುಕೊಂಡು ಅದನ್ನು ಸಣ್ಣ ತುಂಡುಗಳನ್ನಾಗಿ ಮಾಡಿಕೊಳ್ಳಿ. ಆ ತುಂಡನ್ನು ಹಣೆಗೆ ಉಜ್ಜಿಕೊಳ್ಳಿ. ಕೆಲವು ಹೊತ್ತಿನ ಬಳಿಕ ತಲೆನೋವು ನೈಸರ್ಗಿಕವಾಗಿ ಕಡಿಮೆಯಾಗುವುದು.

ಶುಂಠಿ

ಕುದಿಯುತ್ತಿರುವ ಒಂದು ಕಪ್ ನೀರಿಗೆ ಜಜ್ಜಿದ ಶುಂಠಿ ಹಾಕಿಕೊಳ್ಳಿ. 15 ನಿಮಿಷಗಳ ಕಾಲ ಇದನ್ನು ಕುದಿಯಲು ಬಿಡಿ ಮತ್ತು ಕೆಲವು ಹನಿ ನಿಂಬೆನೀರನ್ನು ಇದಕ್ಕೆ ಹಾಕಿಕೊಂಡು ಕುಡಿಯಿರಿ.

ಬೆಳ್ಳುಳ್ಳಿ

ಬೆಳ್ಳುಳ್ಳಿಯನ್ನು ಜಜ್ಜಿಕೊಂಡು ಅದನ್ನು ಹಣೆಗೆ ಹಚ್ಚಿಕೊಳ್ಳಿ. ಅದರ ಮೇಲೆ ಬಟ್ಟೆ ಹಾಕಿಕೊಳ್ಳಿ. ಸ್ವಲ್ಪ ಸಮಯದ ಬಳಿಕ ನಿಮಗೆ ಆರಾಮವೆನಿಸುವುದು.

ನೀರು

ನಿರ್ಜಲೀಕರಣದಿಂದಾಗಿ ನಿಮಗೆ ತಲೆನೋವು ಕಾಣಿಸಿಕೊಳ್ಳುತ್ತಾ ಇದೆ ಎಂದಾದರೆ ಮೂರು ಲೋಟ ನೀರು ಕುಡಿದು ನೋಡಿ. ನಿಮಗೆ ತುಂಬಾ ಆರಾಮವೆನಿಸುವುದು.

ತಲೆಗೆ ಮಸಾಜ್

10 ನಿಮಿಷಗಳ ಕಾಲ ಬಿಸಿ ತೆಂಗಿನ ಎಣ್ಣೆಯಿಂದ ತಲೆಗೆ ಮಸಾಜ್ ಮಾಡಿಕೊಳ್ಳಿ. ಇದು ತಲೆಬುರುಡೆಗೆ ರಕ್ತಸಂಚಾರವನ್ನು ಸುಗುಮಗೊಳಿಸುವ ಕಾರಣ ತಲೆನೋವು ಕಡಿಮೆಯಾಗುವುದು.

ಎಲೆಕೋಸಿನ ಎಲೆ

ಎಲೆಕೋಸಿನ ಒಂದು ಎಲೆಯನ್ನು ಸರಿಯಾಗಿ ಜಜ್ಜಿಕೊಳ್ಳಿ. ಅದನ್ನು ಹಣೆಗೆ ಇಟ್ಟುಕೊಳ್ಳಿ. ಅದರ ನೀರು ನಿಮ್ಮ ಹಣೆಗೆ ಸರಿಯಾಗಿ ಹರಡಲಿ.

ಹಾಲು ಹಾಕದ ಕಾಫಿ

ಹಾಲು ಹಾಕದ ಕಾಫಿಗೆ ಕೆಲವು ಹನಿ ನಿಂಬೆರಸವನ್ನು ಹಾಕಿಕೊಳ್ಳಿ. ಇದನ್ನು ಕುಡಿದರೆ ನಿಮಗೆ ತಕ್ಷಣ ಪರಿಹಾರ ಸಿಗುವುದು.