ಚಳಿಗಾಲವಲ್ಲ, ಆದರೂ ಚಳಿಯಾಗುತ್ತಿದೆಯೇ? ಯಾಕಿರಬಹುದು?

ರಕ್ತಹೀನತೆ

ರಕ್ತಹೀನತೆಯಿಂದಾಗಿ ರಕ್ತದಲ್ಲಿನ ಕೆಂಪು ರಕ್ತದ ಕಣಗಳು ಕಡಿಮೆಯಾದಾಗ ನಿಮಗೆ ಚಳಿಯಾಗಬಹುದು. ನಿಶ್ಯಕ್ತಿ ಮತ್ತು ಚರ್ಮವು ಜೋತು ಬಿದ್ದಂತೆ ಆಗಬಹುದು. ಇದಕ್ಕಾಗಿ ನೀವು ವೈದ್ಯರನ್ನು ಭೇಟಿಯಾಗಿದೆ. ಈ ಲಕ್ಷಣಗಳು ಕಂಡು ಬಂದರೆ ರಕ್ತಹೀನತೆ ಇರಬಹುದು

ಮಧುಮೇಹದ ಸಮಸ್ಯೆಯಾಗಿರಬಹುದು!

ಆಗಾಗ ಚಳಿಯಾಗಲು ಮತ್ತೊಂದು ಕಾರಣವೆಂದರೆ ಮಧುಮೇಹದ ಸಮಸ್ಯೆಯಾಗಿರಬಹುದು. ಅತಿಯಾಗಿ ಬಾಯಾರಿಕೆಯಾಗುವುದು, ಗೊಂದಲ, ಹಸಿವು ಕಡಿಮೆ, ಉಸಿರಾಟದ ಸಮಸ್ಯೆ ಮತ್ತು ಆಗಾಗ ಮೂತ್ರ ವಿಸರ್ಜನೆಯಾಗುವುದು ಇದರ ಲಕ್ಷಣವಾಗಿದೆ. ಮೌನ ಕೊಲೆಗಾರ 'ಮಧುಮೇಹದ' ಅಪಾಯಕಾರಿ ಲಕ್ಷಣಗಳು!

ಥೈರಾಡ್ ಗ್ರಂಥಿಗಳ ಸಮಸ್ಯೆ

ಥೈರಾಡ್ ಗ್ರಂಥಿಗಳು ಕಳಪೆ ಮಟ್ಟದ ಹಾರ್ಮೋನುಗಳನ್ನು ಸ್ರವಿಸಿದಾಗ ದೇಹವು ಸರಿಯಾಗಿ ಉಷ್ಣತೆಯನ್ನು ಕಾಪಾಡಿಕೊಳ್ಳಲು ವಿಫಲವಾಗುತ್ತದೆ. ತೂಕ ಹೆಚ್ಚಳ, ಆಯಾಸ, ಮಲಬದ್ಧತೆ ಮತ್ತು ತಿಂಗಳ ಮುಟ್ಟು ಸರಿಯಾಗಿ ಆಗದೆ ಇರುವುದು ಥೈರಾಯ್ಡ್‌ನ ಇತರ ಸಮಸ್ಯೆಗಳು.

ರಕ್ತನಾಳಗಳಲ್ಲಿ ಸಮಸ್ಯೆ

ರಕ್ತನಾಳಗಳಲ್ಲಿ ಯಾವುದೇ ಸಮಸ್ಯೆಯಾಗಿದ್ದರೆ ಆಗ ದೇಹದ ಕೆಲವೊಂದು ಭಾಗಗಳಿಗೆ ರಕ್ತ ಸರಬರಾಜಿಗೆ ತಡೆಯಾಗುತ್ತದೆ. ಕೈ ಹಾಗೂ ಕಾಲುಗಳಿಗೆ ಮಾತ್ರ ಚಳಿಯಾಗುತ್ತಿದ್ದರೆ ಈ ಸಮಸ್ಯೆಯಿದೆ ಎಂದರ್ಥ.

ಮಾತ್ರೆಗಳೂ ಇರಬಹುದು!

ದೇಹದಲ್ಲಿ ಚಳಿ ಕಾಣಿಸಿಕೊಳ್ಳಲು ಕೆಲವೊಂದು ಔಷಧಿಗಳು ಕಾರಣವಾಗಿರಬಹುದು. ಕೆಲವು ಔಷಧಿಗಳು ರಕ್ತ ಪರಿಚಲನೆಯ ಮೇಲೆ ಪರಿಣಾಮ ಬೀರುತ್ತದೆ. ಮೈಗ್ರೇನ್ ಮತ್ತು ರಕ್ತದೊತ್ತಡಕ್ಕೆ ತೆಗೆದುಕೊಳ್ಳುವಂತಹ ಮಾತ್ರೆಗಳು ಈ ಸಮಸ್ಯೆಯನ್ನು ಉಂಟು ಮಾಡುತ್ತದೆ.

ಶ್ವಾಸಕೋಶ, ಹೃದಯದ ಕಾಯಿಲೆ....

ಶ್ವಾಸಕೋಶ, ಹೃದಯ ಮತ್ತು ಪಿಟ್ಯುಟರಿ ಗ್ರಂಥಿಗೆ ಸಂಬಂಧಿಸಿದ ಕೆಲವೊಂದು ಕಾಯಿಲೆಗಳು ಈ ಸಮಸ್ಯೆಯನ್ನು ಉಂಟು ಮಾಡಬಹುದು. ವೈದ್ಯರನ್ನು ಭೇಟಿಯಾಗಿ ಪರೀಕ್ಷೆ ಮಾಡಿಸಿದರೆ ಸರಿಯಾದ ಕಾರಣ ಪತ್ತೆಯಾಗುತ್ತದೆ.