ಹಾಸಿಗೆಯಲ್ಲಿ ಮಲಗಿದ ಕೂಡಲೇ ನಿದ್ರಿಸಲು ಇಲ್ಲಿವೆ ತ್ರಿಸೂತ್ರಗಳು

ನಿದ್ದೆ ಹಾಳು ಮಾಡುವ ಹುಳಗಳು

ಸೊಳ್ಳೆ, ತಿಗಣೆ ಇತ್ಯಾದಿಗಳು ನಿದ್ದೆ ಹಾಳು ಮಾಡುವ ಹುಳಗಳು ಅಂದುಕೊಳ್ಳಬೇಡಿ. ಇವುಗಳಿಗಾದ್ರೂ ತಕ್ಷಣಕ್ಕೆ ಪರಿಹಾರ ಕಂಡುಕೊಳ್ಳಬಹುದು. ಆದ್ರೆ ನಿಮ್ಗೆ ಗೊತ್ತಿಲ್ಲದೆ ನಿಮ್ಮ ನಿದ್ದೆಗೆ ಶತ್ರುಗಳಾಗಿರುವ ಹುಳಗಳು ಬೇರೆಯದ್ದೇ ಆಗಿವೆ. ಅವೇ ನಿಮ್ಮ ಮನೆಯ ಬೆಡ್ ರೂಂನಲ್ಲಿ ಕಾಣಿಸಿಕೊಳ್ಳುವ ದೀಪಗಳು. ಮೊಬೈಲ್ , ಟಿವಿ, ಕಂಪ್ಯೂಟರ್ ಬೆಳಕು, ಇತ್ಯಾದಿ ಎಲೆಕ್ಟ್ರಾನಿಕ್ ವಸ್ತುಗಳು ನಿಮ್ಮ ನಿದ್ದೆಯ ನಿಜವಾದ ಶತ್ರುಗಳು. ಈ ಹುಳಗಳನ್ನು ಎಷ್ಟು ದೂರ ಇಡಲು ಸಾಧ್ಯವೋ ಅಷ್ಟು ದೂರವಿಡಿ. ಹಾಗಿದ್ದಾಗ ಮಾತ್ರ ನಿಮ್ಮದು ಆರಾಮದಾಯಕವಾದ ಮತ್ತು ಸಮಯಕ್ಕೆ ಸರಿಯಾದ ನಿದ್ದೆಯಾಗಲು ಸಾಧ್ಯ.

ನಿದ್ದೆ ಹಾಳು ಮಾಡುವ ಹುಳಗಳು

ಯಾವುದೇ ಕಾರಣಕ್ಕೂ ಹಾಸಿಗೆಯಲ್ಲಿ ಮಲಗಿದ ನಂತ್ರ ಮೊಬೈಲ್ ನೋಡಬೇಡಿ. ಟಿವಿ ಆಫ್ ಮಾಡಿ. ಕಂಪ್ಯೂಟರ್, ಲ್ಯಾಪ್ ಟಾಪ್ ನಿಂದ ದೂರವಿರಿ. ಇವಿಷ್ಟೇ ಅಲ್ಲ ಬೆಡ್ ರೂಂ ನಲ್ಲಿ ಆದಷ್ಟು ಕತ್ತಲು ಆವರಿಸುವಂತೆ ನೋಡಿಕೊಳ್ಳಿ. ಕತ್ತಲೆಯಲ್ಲಿ ನಿದ್ರಿಸಿದಾಗ ನಿಮ್ಮ ದೇಹದಲ್ಲಿ ಕೆಲವು ಹಾರ್ಮೋನುಗಳು ಉತ್ಪತ್ತಿಯಾಗುತ್ತೆ. ಅವು ನಿಮ್ಮನ್ನ ಆರೋಗ್ಯವಂತರನ್ನಾಗಿರಲು ನೆರವಾಗುತ್ತೆ ಅನ್ನೋದು ನೆನಪಿರಲಿ.

ನಿಮ್ಮ ಆಹಾರ ಪದ್ಧತಿ

ಯಾವ ವ್ಯಕ್ತಿಯ ಆಹಾರ ಕ್ರಮ ಸರಿ ಇರೋದಿಲ್ಲವೋ ಅಂತಹ ವ್ಯಕ್ತಿ ನಿದ್ದೆಯ ಕೊರತೆಯನ್ನು ಖಂಡಿತವಾಗ್ಲೂ ಅನುಭವಿಸ್ತಾನೆ. ಯಾರು ತಮ್ಮ ಆಹಾರವನ್ನು ಸಮಯಕ್ಕೆ ಸರಿಯಾಗಿ ಸ್ವೀಕರಿಸ್ತಾರೋ ಅಂತವರಿಗೆ ನಿದ್ರಾದೇವತೆ ಚೆನ್ನಾಗಿ ಒಲಿದಿರುತ್ತಾಳೆ. ಸಮಯಕ್ಕೆ ಸರಿಯಾಗಿ ತಿನ್ನುವ ಹವ್ಯಾಸ ಈಗಿನ ಯುವಜನತೆಯಲ್ಲಿ ಕಡಿಮೆಯಾಗಿದೆ. ಹೊತ್ತಲ್ಲದ ಹೊತ್ತಲ್ಲಿ ಆಹಾರ ಸೇವಿಸುವುದು ನಿಮ್ಮ ನಿದ್ದೆಯ ಮೇಲೆ ವ್ಯತಿರಿಕ್ತ ಪರಿಣಾಮವನ್ನು ಉಂಟುಮಾಡುತ್ತೆ. ಅಷ್ಟೇ ಅಲ್ಲ ಪೌಷ್ಟಿಕ ಆಹಾರದ ಅಗತ್ಯವೂ ನಿದ್ದೆಗಿದೆ.

ನಿಮ್ಮ ಆಹಾರ ಪದ್ಧತಿ

ಯಾರು ತಮ್ಮ ಆಹಾರದಲ್ಲಿ ವಿಟಮಿನ್, ಮಿನರಲ್ ಗಳನ್ನು ಸರಿಯಾಗಿ ಸ್ವೀಕರಿಸ್ತಾರೋ ಅಂತವರಿಗೆ ನಿದ್ದೆ ಬೇಗನೆ ಬರುತ್ತೆ. ರಾತ್ರಿ ಮಲಗುವಾಗ ಬಿಸಿ ಹಾಲು ಕುಡಿದು ಮಲಗುವ ಅಭ್ಯಾಸ ಒಳ್ಳೆಯದು. ರಾತ್ರಿಯ ಆಹಾರ ಸೇವನೆಯ ಪ್ರಮಾಣ ಕಡಿಮೆಯಾಗಿರಲಿ. ಆದ್ರೆ ಹೆಲ್ತಿಯಾಗಿರಲಿ. ಯಾರು ರಾತ್ರಿ ಏನನ್ನೋ ತಿನ್ನದೇ ಮಲಗ್ತಾರೋ ಅಂತವರಿಗೂ ಕೂಡ ನಿದ್ದೆ ಬರೋದಿಲ್ಲ.

ನೀವೇನು ಕೇಳ್ತೀರಿ ಮತ್ತು ನೋಡ್ತೀರಿ

ರಾತ್ರಿ ಮಲಗುವ ಮುನ್ನ ನೀವು ಏನನ್ನು ನೋಡ್ತೀರಿ ಮತ್ತು ಕೇಳ್ತೀರಿ ಅನ್ನೋದು ತುಂಬಾ ಇಂಪಾರ್ಟೆಂಟ್.. ಈಗಿನ ಯುವಜನತೆಯಲ್ಲಿ ಹಾರರ್ ಮೂವಿ ನೋಡುವ ಹವ್ಯಾಸ, ಆಕ್ಷನ್ ಮೂವಿ ನೋಡುವ ಚಟ, ತಮಗೆ ಮಾತ್ರ ಕೇಳಿಸೋದಲ್ಲ ಅಕ್ಕಪಕ್ಕದ ಮನೆಯವ್ರಿಗೂ ತೊಂದರೆ ನೀಡುವಷ್ಟರ ಮಟ್ಟಿಗಿನ ಮ್ಯೂಸಿಕ್ ಕೇಳೋದು ಇವೆಲ್ಲವೂ ನಿದ್ದೆಯ ಮೇಲೆ ಕೆಟ್ಟ ಪರಿಣಾಮವನ್ನು ಉಂಟು ಮಾಡುತ್ತೆ. ಕ್ಷಣಮಾತ್ರಕ್ಕೆ ನಿಮ್ಗೆ ಹಿತವೆನಿಸುವ ಈ ಹವ್ಯಾಸಗಳು. ನಿಮ್ಮ ಆರೋಗ್ಯದ ದೃಷ್ಟಿಯಿಂದ ಉತ್ತಮವಾದುದಲ್ಲ. ಮಲಗುವ ಮುನ್ನ ಮಾಡುವ ಇಂತಹ ಹವ್ಯಾಸಗಳು ನಿಮ್ಮ ನಿದ್ದೆಯನ್ನು ಸಾಯಿಸುತ್ತೆ. ಆಗ ಹಾಸಿಗೆಯಲ್ಲಿ ಎಷ್ಟು ಹೊತ್ತು ಮಲಗಿದ್ರೂ ನಿದ್ದೆ ಆವರಿಸದೇ ಅತ್ತಿಂದಿತ್ತ ಇತ್ತಿಂದತ್ತ ಹೊರಳಾಡುವ ಪರಿಸ್ಥಿತಿ ನಿರ್ಮಾಣವಾಗುತ್ತೆ.

ನೀವೇನು ಕೇಳ್ತೀರಿ ಮತ್ತು ನೋಡ್ತೀರಿ

ಹಾಗಾಗಿ ಮೂರನೇ ಸೂತ್ರದ ಪ್ರಕಾರ ನೀವು ಲೈಟ್ ಮ್ಯೂಸಿಕ್ ಕೇಳುವ ಅಭ್ಯಾಸ ಬೆಳೆಸಿಕೊಂಡ್ರೆ ಓಕೆ..ರಾತ್ರಿಯ ಹೊತ್ತು ಹಾಸಿಗೆಗೆ ಬರುವ ಮುನ್ನ ಕಾಮಿಡಿ ಕಾರ್ಯಕ್ರಮವನ್ನು ನೋಡಿ. ಮನೆಮಂದಿಯ ಜೊತೆ ಚೆನ್ನಾಗಿ ನಕ್ಕುನಲಿದು ಸಮಯ ಕಳೆದು ಹಾಸಿಗೆಗೆ ಹೋಗಿ ಕೂಡಲೆ ಕಣ್ಣಿಗೆ ಮಂಪರು ಆವರಿಸಿ ನಿದ್ದೆಗೆ ಜಾರುತ್ತೀರಿ. ಇಲ್ಲದೇ ಇದ್ರೆ ಸುಮ್ಮನೆ ಕಿರಿಕಿರಿ ಅನುಭವಿಸ್ಬೇಕಾಗುತ್ತೆ. ಈ ಪ್ರಮುಖ ಮೂರು ಸೂತ್ರಗಳು ನೀವು ಹಾಸಿಗೆಯಲ್ಲಿ ಮಲಗಿದ ಕೂಡಲೇ ನಿದ್ದೆ ಬರುವಂತೆ ಮಾಡುತ್ತೆ. ಪಾಲಿಸಿ ನೋಡಿ. ಚೆನ್ನಾಗಿ ನಿದ್ದೆ ಮಾಡಿ ಆರೋಗ್ಯವಂತರಾಗಿರಿ.