ಸಿಹಿ ತಿನ್ನುವ ಅದಮ್ಯ ಬಯಕೆ-ಕೊಂಚ ಮಿತವಾಗಿರಲಿ!

ನಿಮ್ಮ ಬಗ್ಗೆ ಗಂಭೀರ ನಿಲುವು ತಾಳಿ

ನಿಮ್ಮ ಆರೋಗ್ಯದ ದೃಷ್ಟಿಯಿಂದ ಈಗ ಈ ಸಿಹಿತಿನ್ನುವುದು ಅಗತ್ಯವೇ? ಇಲ್ಲದಿದ್ದರೆ ಏನಾಗುತ್ತದೆ? ತಿಂದರೆ ಕೆಡುವ ಆರೋಗ್ಯವನ್ನು ಯಾರು ನೋಡಿಕೊಳ್ಳುತ್ತಾರೆ? ಅಷ್ಟಕ್ಕೂ ಈಗ ಈ ಸಿಹಿಯನ್ನು ತಿನ್ನಲೇಬೇಕಾದ ಅಗತ್ಯವೇನಿದೆ? ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ನಿಮ್ಮ ಬಗ್ಗೆ ಗಂಭೀರ ನಿಲುವು ತಾಳಿ

ಇಂತಹ ಹತ್ತು ಹಲವು ಪ್ರಶ್ನೆಗಳನ್ನು ನಿಮಗೆ ನೀವೇ ಕೇಳಿಕೊಂಡು ನಿಮ್ಮ ಮನವನ್ನು ಗದರಿಸಿ. ನನಗೆ ಈಗ ಈ ಸಿಹಿ ತಿನ್ನುವುದಕ್ಕಿಂತ ಈಗಿರುವ ಆರೋಗ್ಯವನ್ನು ಉಳಿಸಿಕೊಳ್ಳುವುದು ಮುಖ್ಯ ಎಂಬ ಗಂಭೀರ ನಿಲುವು ತಾಳಿ. ಇದು ಪವಾಡದಂತೆ ಕೆಲಸ ಮಾಡುತ್ತದೆ.

ಸಿದ್ಧ ಆಹಾರಗಳನ್ನು ತ್ಯಜಿಸಿ

ಸಿದ್ಧಆಹಾರಗಳಲ್ಲಿ ಕೊಂಚಪ್ರಮಾಣದಲ್ಲಿಯಾದರೂ ಸಕ್ಕರೆ ಇರುತ್ತದೆ ಎಂದು ಹೆಚ್ಚಿನವರಿಗೆ ಗೊತ್ತೇ ಇಲ್ಲ. ಅದರಲ್ಲೂ ಬುರುಗು ಬರುವ ತಂಪುಪಾನೀಯಗಳಲ್ಲಿ ಅಗತ್ಯಕ್ಕಿಂತಲೂ ಏಳು ಪಟ್ಟು ಹೆಚ್ಚು ಸಕ್ಕರೆ ಇರುತ್ತದೆ. ವಾಸ್ತವವಾಗಿ ಈ ಸಿದ್ಧರೂಪದ ತಿಂಡಿಗಳನ್ನು ಒಂದು ಚಟವನ್ನಾಗಿಸಲೆಂದೇ ಕೊಂಚ ಸಕ್ಕರೆಯನ್ನು ಹಾಕಿರಲಾಗುತ್ತದೆ.

ಸಿದ್ಧ ಆಹಾರಗಳನ್ನು ತ್ಯಜಿಸಿ

ಅದರಲ್ಲೂ ಮೈದಾ ಆಧಾರಿತ ಆಹಾರಗಳನ್ನು ತಯಾರಿಸಲು ಹಿಟ್ಟನ್ನು ನಾದುವಾಗಲೇ ಸಕ್ಕರೆ ಸೇರಿಸಿರಲಾಗುತ್ತದೆ. ಈ ಆಹಾರಗಳಿಂದ ದೂರವಿದ್ದಷ್ಟೂ ಉತ್ತಮ.

ಸೆರೋಟೋನಿನ್ ಹಾರ್ಮೋನು ಹೆಚ್ಚಿಸಿ

ದಿನವೂ ಚಟುವಟಿಕೆಯಿಂದಿದ್ದು ತಮ್ಮ ಕಾರ್ಯಗಳಲ್ಲಿ ಸಂತೋಷವಾಗಿರುವವರಲ್ಲಿ ಸೆರೋಟೋನಿನ್ ಹಾರ್ಮೋನು ಸೂಕ್ತಪ್ರಮಾಣದಲ್ಲಿರುತ್ತದೆ. ನಮ್ಮ ನೆಮ್ಮದಿಗೆ, ಸಂತೋಷಕ್ಕೆ ಈ ಹಾರ್ಮೋನು ತುಂಬಾ ಅಗತ್ಯ.

ಸೆರೋಟೋನಿನ್ ಹಾರ್ಮೋನು ಹೆಚ್ಚಿಸಿ

ಸಮರ್ಪಕ ನಿದ್ದೆ, ಸೂಕ್ತ ಆಹಾರ, ವಿಶ್ರಾಂತಿ, ಧನಾತ್ಮಕ ಮನೋಭಾವನೆ, ಸಹಾಯಗುಣ ಮೊದಲಾದವು ಈ ಹಾರ್ಮೋನನ್ನು ಹೆಚ್ಚಿಸುತ್ತವೆ. ಒಣಫಲ, ಅನಾನಸು, ಸಾಲ್ಮನ್ ಮೀನುಗಳಲ್ಲಿ ಸೆರೋಟೋನಿನ್ ಹೆಚ್ಚಿಸುವ ಪೋಷಕಾಂಶಗಳಿವೆ. ಇವನ್ನು ಆಗಾಗ ಸೇವಿಸುವುದರಿಂದಲೂ ನಿಮ್ಮ ಮನಃಶಕ್ತಿಯನ್ನು ಹೆಚ್ಚಿಸಿಕೊಳ್ಳಬಹುದು.

ಸಾಕಷ್ಟು ನೀರು ಕುಡಿಯಿರಿ

ಸಕ್ಕರೆ ತಿನ್ನುವ ಅದಮ್ಯ ಬಯಕೆಯಿಂದ ದೂರವಿರಲು ನೀರು ಕುಡಿಯುವುದು ಇನ್ನೊಂದು ವಿಧಾನ. ಯಾವಾಗ ಸಕ್ಕರೆ ತಿನ್ನುವ ಬಯಕೆಯಾಯಿತೋ, ಆಗೆಲ್ಲಾ ತಕ್ಷಣ ಒಂದು ಲೋಟ ನೀರು ಕುಡಿದು ಬಿಡಿ.

ಸಾಕಷ್ಟು ನೀರು ಕುಡಿಯಿರಿ

ಈ ನೀರಿಗೆ ಕೊಂಚ ಲಿಂಬೆರಸ ಮತ್ತು ಸಸ್ಯಜನ್ಯ ಸಕ್ಕರೆ (stevia) ಅಥವಾ ಪುದಿನಾ ಎಲೆಗಳನ್ನು ಸೇರಿಸಿ ಕುಡಿದರೆ ಇನ್ನೂ ಉತ್ತಮ.

ರಕ್ತದಲ್ಲಿರುವ ಸಕ್ಕರೆಯ ಪ್ರಮಾಣವನ್ನು ಆಗಾಗ ಅಳೆಯುತ್ತಿರಿ

ಆಗಾಗ ನಿಮ್ಮ ರಕ್ತದಲ್ಲಿರುವ ಸಕ್ಕರೆಯೆ ಪ್ರಮಾಣವನ್ನು ಅಳೆಯುತ್ತಿರಿ. ಇದರಿಂದ ಸಕ್ಕರೆ ತಿನ್ನದೇ ಇರಲು ಮನಸ್ಸನ್ನು ಗಟ್ಟಿಗೊಳಿಸಲು ಸಾಧ್ಯವಾಗುತ್ತದೆ. ಅದರಲ್ಲೂ ನೀವು ಮಧುಮೇಹಿಗಳಾಗಿದ್ದರೆ ಸಕ್ಕರೆಯ ಪ್ರಮಾಣವನ್ನು ತಿಳಿದ ಬಳಿಕ ಸಕ್ಕರೆಯ ಹತ್ತಿರ ಹೋಗಲೂ ನಿಮ್ಮ ಮನ ಸಿದ್ದವಾಗುವುದಿಲ್ಲ.

ರಕ್ತದಲ್ಲಿರುವ ಸಕ್ಕರೆಯ ಪ್ರಮಾಣವನ್ನು ಆಗಾಗ ಅಳೆಯುತ್ತಿರಿ

ಸಿಹಿತಿಂಡಿಯನ್ನು ತಿನ್ನುವುದಕ್ಕಿಂತಲೂ ಹೆಚ್ಚಿನ ಸಂತೋಷವನ್ನು ಈಗ ಒಂದು ಸುತ್ತು ನಡೆಯುವುದರಿಂದ ಪಡೆಯುತ್ತೇನೆ ಎಂದು ನಿಮ್ಮ ಮನಸ್ಸಿಗೆ ಹೇಳಿಕೊಳ್ಳಿ. ಮನಃಶಕ್ತಿಗಿಂತ ದೊಡ್ಡ ಶಕ್ತಿ ಇನ್ನೊಂದಿಲ್ಲ.

ಹಸಿರು ತರಕಾರಿಗಳನ್ನು ತಿನ್ನಿ

ಯಾವಾಗ ಸಕ್ಕರೆ ತಿನ್ನುವ ಮನಸ್ಸಾಯಿತೋ ಆಗೆಲ್ಲಾ ಹಸಿಯಾಗಿಯೇ ತಿನ್ನಬಹುದಾದ ಹಸಿರು ತರಕಾರಿಯನ್ನು ತಿನ್ನಿ. ಇವುಗಳಲ್ಲಿ ಪೋಷಕಾಂಶಗಳು ಹೇರಳವಾಗಿದ್ದು ಸಕ್ಕರೆಯ ಅಂಶ ಕಡಿಮೆ ಇರುತ್ತದೆ. ಇವು ನಿಮ್ಮ ಸಕ್ಕರೆ ತಿನ್ನುವ ಅದಮ್ಯ ಬಯಕೆಯನ್ನು ಸ್ವಾಭಾವಿಕ ರೂಪದಲ್ಲಿ ಕಡಿಮೆಗೊಳಿಸುತ್ತವೆ.