ಪೋಷಕಾಂಶಗಳ ಆಗರ ಕೆಂಪು ಕೆಂಪಾದ ಬೀಟ್‍ರೂಟ್‌

ಬೀಟ್‍ರೂಟ್ ಜ್ಯೂಸ್

ಬೀಟ್‍ರೂಟ್ ಮತ್ತು ಕಿತ್ತಳೆಯನ್ನು ಸೇರಿಸಿ ಜ್ಯೂಸ್ ಮಾಡಿಕೊಳ್ಳಿ. ಅದಕ್ಕೆ ಸ್ವಲ್ಪ ಲಿಂಬೆರಸವನ್ನು ಸಹ ಬೆರೆಸಿ ಮತ್ತು ಪುದಿನಾ ಎಲೆಗಳಿಂದ ಅಲಂಕರಿಸಿಕೊಳ್ಳಿ. ಈ ರೀತಿ ನೀವು ಬೀಟ್‍ರೂಟ್ ಜ್ಯೂಸನ್ನು ಸೇವಿಸಬಹುದು. ಇದು ಆರೋಗ್ಯಕರವು ಹೌದು ಮತ್ತು ರುಚಿಕರವು ಹೌದು.

ಬೀಟ್‍ರೂಟ್ ಹಲ್ವಾ

ಸ್ವಲ್ಪ ಬೀಟ್‍ರೂಟ್ ಅನ್ನು ರುಬ್ಬಿಕೊಂಡು, ಅದನ್ನು ಆಲೀವ್ ಎಣ್ಣೆಯಲ್ಲಿ ಉರಿದುಕೊಳ್ಳಿ. ಇದಕ್ಕೆ ಗೋಡಂಬಿ, ತುರಿದ ತೆಂಗಿನ ಕಾಯಿ ಮತ್ತು ಕಾಯಿಸಿ ಗಟ್ಟಿಗೊಳಿಸಿದ ಹಾಲನ್ನು ಸೇರಿಸಿ ಚೆನ್ನಾಗಿ ಬೆರೆಸಿಕೊಳ್ಳಿ. ಇದನ್ನು ಮತ್ತಷ್ಟು ಬೇಯಿಸಿ, ಹಲ್ವಾ ಮಾಡಿಕೊಳ್ಳಿ. ಬಿಸಿಯಿರುವಾಗಲೇ ಸೇವಿಸಿ. ಇದು ಸಹ ಬೀಟ್‍ರೂಟ್ ಸೇವಿಸಲು ಆರೋಗ್ಯಕರವಾದ ಮಾರ್ಗವಾಗಿರುತ್ತದೆ.

ಬೀಟ್‍ರೂಟ್ ರಾಯಿತ

ಬೀಟ್‍ರೂಟ್ ಸೇವಿಸಲು ಮತ್ತಷ್ಟು ರುಚಿಕರವಾದ ಮಾರ್ಗಗಳು ಇರುತ್ತವೆ. ಅದರಲ್ಲಿ ಬೀಟ್‍ರೂಟ್ ರಯಿತಾ ಸಹ ಒಂದು. ಮೊದಲು ಸ್ವಲ್ಪ ಚಾಟ್ ಪೌಡರ್ ಮತ್ತು ಮೆಣಸಿನ ಪುಡಿಯನ್ನು ಮೊಸರಿನ ಜೊತೆಗೆ ಬೆರೆಸಿಕೊಳ್ಳಿ. ತದನಂತರ ಬೀಟ್‍ರೂಟ್ ಅನ್ನು ರುಬ್ಬಿಕೊಳ್ಳಿ, ಇನ್ನು ಮೊಸರು ಮತ್ತು ಬಾಳೆಹಣ್ಣಿನ ತುಂಡುಗಳ ಜೊತೆಗೆ ಬೆರೆಸಿ. ತಾಜಾ ಕೊತ್ತಂಬರಿ ಎಲೆಗಳಿಂದ ಇದನ್ನು ಅಲಂಕರಿಸಿ.

ಬೀಟ್‍ರೂಟ್ ಫ್ರೈ

ಬೀಟ್‍ರೂಟ್ ಅನ್ನು ಸ್ವಲ್ಪ ನೀರಿನಲ್ಲಿ ಬೇಯಿಸಿ, ಆ ನೀರು ಸಂಪೂರ್ಣವಾಗಿ ಆವಿಯಾಗುವವರೆಗೆ ಕಾಯಿಸಿ. ಆಲೂಗಡ್ಡೆ, ಬೆಳ್ಳುಳ್ಳಿ, ಜೀರಿಗೆ ಮತ್ತು ಸ್ವಲ್ಪ ಸೋಯಾ ಸಾಸ್ ತೆಗೆದುಕೊಳ್ಳಿ. ಅದನ್ನು ಬೀಟ್‍ರೂಟ್ ಮತ್ತು ಆಲೀವ್ ಎಣ್ಣೆಯ ಜೊತೆಗೆ ಉರಿದುಕೊಳ್ಳಿ ಮತ್ತು ಮೇಲೆ ಹೇಳಿದ ಉರಿದುಕೊಂಡ ಮಿಶ್ರಣವನ್ನು ಇದಕ್ಕೆ ಬೆರೆಸಿ. ಎಳ್ಳನ್ನು ಇದರ ಮೇಲೆ ಅಲಂಕಾರಕ್ಕೆ ಚಿಮುಕಿಸಿಕೊಂಡು, ಬಡಿಸಿ.

ಬೀಟ್‍ರೂಟ್-ಫ್ರೂಟ್ ಕ್ರೀಮ್

ಸ್ವಲ್ಪ ಅನಾನಸ್, ಸೇಬು, ಪಿಯರ್ ಮತ್ತು ಸೀಬೆಯಂತಹ ಹಣ್ಣುಗಳನ್ನು ತೆಗೆದುಕೊಳ್ಳಿ. ಬೀಟ್‍ರೂಟ್ ತುಂಡುಗಳನ್ನು 10 ನಿಮಿಷ ನಿಂಬೆರಸದಲ್ಲಿ ಅದ್ದಿಕೊಳ್ಳಿ. ಅದನ್ನು ಈ ಹಣ್ಣಿನ ತುಂಡುಗಳ ಜೊತೆಗೆ ಬೆರೆಸಿಕೊಳ್ಳಿ. ಇದರ ಮೇಲೆ ಸ್ವಲ್ಪ ಹಣ್ಣಿನ ಕ್ರೀಮನ್ನು ಹಾಕಿಕೊಳ್ಳಿ. ಈ ಬಗೆಯಲ್ಲಿ ಸಹ ಬೀಟ್‍ರೂಟ್ ಅನ್ನು ಸೇವಿಸಿ

ಬೀಟ್‍ರೂಟ್ ಕುಕೀಸ್

ಹಾಲು, ಬೇಕಿಂಗ್ ಪುಡಿ, ಸಂಸ್ಕರಿಸಿದ ಹಿಟ್ಟು, ವೆನಿಲ್ಲಾ ಎಸ್ಸೆನ್ಸ್, ಕೊಕೊ ಪುಡಿ, ಸಕ್ಕರೆಯನ್ನು ಒಂದು ಬಟ್ಟಲಿನಲ್ಲಿ ತೆಗೆದುಕೊಳ್ಳಿ. ಅದನ್ನು ಮಿಕ್ಸಿಯಲ್ಲಿ ಹಾಕಿ ಪೇಸ್ಟ್ ಮಾಡಿಕೊಳ್ಳಿ. ಈಗ ಈ ಪೇಸ್ಟ್ ಅನ್ನು ಮೇಲೆ ಹೇಳಿದ ಮಿಶ್ರಣದ ಬೆರೆಸಿಕೊಳ್ಳಿ. ನಂತರ ಅದನ್ನು 20 ನಿಮಿಷ ಬೇಕ್ ಮಾಡಿ.

ಬೀಟ್‍ರೂಟ್ ಉಪ್ಪಿನಕಾಯಿ

ಇದೊಂದು ದೀರ್ಘಕಾಲ ಇಡಬಹುದಾದ ಆಹಾರ ಪದಾರ್ಥವಾಗಿದೆ. ಬೀಟ್‍ರೂಟ್ ಅನ್ನು ಸಣ್ಣದಾಗಿ ಕತ್ತರಿಸಿಕೊಳ್ಳಿ. ಇದನ್ನು ಆಪಲ್ ಸಿಡೆರ್ ವಿನಿಗರ್‌ನಲ್ಲಿ ಹಾಕಿಡಿ, ಜೊತೆಗೆ ಸಾಸಿವೆ, ಆಲೀವ್ ಎಣ್ಣೆ, ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಕೆಂಪು ಮೆಣಸಿನಕಾಯಿಯನ್ನು ಸೇರಿಸಿ. ಇದನ್ನು ಒಂದು ಬಾಟಲಿಯಲ್ಲಿ ಹಾಕಿ, 10-15 ದಿನಗಳ ಕಾಲ ನೆನೆಯಲು ಬಿಡಿ.

ಬೀಟ್‍ರೂಟ್ ಮಿಲ್ಕ್ ಶೇಖ್

ಬೀಟ್‍ರೂಟ್ ಅನ್ನು ಬಾಳೆಹಣ್ಣು, ಸೇಬು ಜೊತೆಗೆ ಸೇರಿಸಿ ಸಣ್ಣ ಸಣ್ಣ ತುಣುಕುಗಳಾಗಿ ಮಾಡಿಕೊಳ್ಳಿ. ಇವುಗಳನ್ನು ಹಾಲು ಮತ್ತು ಅರ್ಧ ಕಪ್ ಯೋಗರ್ಟ್ ಜೊತೆಗೆ ಬೆರೆಸಿ. ನಂತರ ಇದನ್ನು ಮೃದುವಾದ ಮಿಲ್ಕ್ ಶೇಖ್ ಆಗಿ ತಯಾರಿಸಿಕೊಳ್ಳಿ. ಇದು ಸಹ ಬೀಟ್‍ರೂಟ್ ಸೇವಿಸಲು ಹೇಳಿ ಮಾಡಿಸಿದ ಮಾರ್ಗವಾಗಿರುತ್ತದೆ.