ಟೊಮೇಟೊ ಜ್ಯೂಸ್ ಮಿಸ್ ಮಾಡದೇ ದಿನಾ ಸೇವಿಸಿ!

ಉತ್ಕರ್ಷಣ ನಿರೋಧಕ ಶಕ್ತಿ(ಆಂಟಿಆಕ್ಸಿಡೆಂಟ್ಸ್)

ಅನೇಕ ಅಧ್ಯಯನಗಳ ಪ್ರಕಾರ ಟೊಮೇಟೊದಲ್ಲಿ ಅತ್ಯಧಿಕ ಪ್ರಮಾಣದ ವಿರೋಧಿ ಆಕ್ಸಿಡೆಂಟ್ಸ್ ಇರುವುದರಿಂದ ಇದರ ರಸ ಸೇವನೆಯು ಅನೇಕ ಪ್ರಯೋಜನಗಳನ್ನು ಕೊಡುತ್ತವೆ ಎಂದು ಋಜುವಾತಾಗಿದೆ. ಇದರಿಂದ ಫ್ರೀ ರಾಡಿಕಲ್ ವಿರುದ್ಧ ಹೋರಡಲು ಸಹಾಯವಾಗುತ್ತದೆ. ಫ್ರೀ ರಾಡಿಕಲ್ ಹಾಗೆಯೇ ಇದ್ದರೆ, ಅತ್ಯುಗ್ರ, ಕಡುಸೋಂಕಿನ ತೊಂದರೆಗಳನ್ನು ಪ್ರಚೋದಿಸಬಹುದು. ಹಾಗೆಯೇ, ಹೆಚ್ಚಿನ ವಿರೋಧಿ ಆಕ್ಸಿಡೆಂಟ್ಸ್‌ನ ಪೂರೈಕೆ ಇದ್ದರೆ ಮೂಳೆಯ ಆರೋಗ್ಯವೂ ಅತ್ಯುತ್ತಮವಾಗಿರುತ್ತದೆ.

ರೋಗ ನಿರೋಧಕ ಶಕ್ತಿಯನ್ನು ಉತ್ತಮಗೊಳಿಸಲು

ದೇಹದಲ್ಲಿ ಸಾಕಷ್ಟು ಲೈಕೊಪೇನ್ (Lycopene) ಇದ್ದಾಗ, ಪ್ರತಿರಕ್ಷಣೆ ಪ್ರತಿಕ್ರಿಯೆಯನ್ನು ಉತ್ತೇಜಿಸುತ್ತದೆ ಮತ್ತು ಇತರ ರೋಗಗಳು ತಟ್ಟುವುದನ್ನು ಎದುರಿಸುತ್ತದೆ. ಲೈಕೊಪೈನ್ ಟೊಮೇಟೊ ರಸದಲ್ಲಿರುವುದರಿಂದ ರೋಗ ನಿರೋಧಕ ಸಾಮರ್ಥ್ಯವನ್ನು ಹೆಚ್ಚಿಸುವುದರಲ್ಲಿ ಇದು ಸಹಕಾರಿಯಾಗಲಿದೆ

ಹೃದಯರೋಗಗಳು ಕಡಿಮೆಯಾಗುವುದು

ಟೊಮೇಟೊದಲ್ಲಿ ಅಧಿಕವಾಗಿ ನಿಯಾಸಿನ್, ಫೋಲೇಟ್ ಮತ್ತು ವಿಟಮಿನ್ ಬಿ6 ಇರುವುದರಿಂದ ಹೃದಯ ರೋಗಗಳ ಸಾಧ್ಯತೆಯನ್ನು ಶೇಕಡ 30 ರಷ್ತು ಕಡಿಮೆಮಾಡುತ್ತದೆ. ಟೊಮೇಟೊ ಬಳಕೆಯಿಂದ ಹೊಮೊಸಿಸ್ಟೈನ್ (Homocysteine) ಮಟ್ಟವನ್ನು ನಿರ್ವಹಿಸುವಲ್ಲಿ ಹೆಚ್ಚು ಪರಿಣಾಮಕಾರಿಯೆಂದು ಕಂಡುಹಿಡಿಯಲಾಗಿದೆ.

ಲೈಕೋಪೇನ್

ಟೊಮೇಟೊ ರಸದಲ್ಲಿ ಲೈಕೋಪೇನ್ ಇರುವುದರಿಂದ ರೋಗ ನಿರೋಧಕ ಶಕ್ತಿಯನ್ನು ಉತ್ತಮಗೊಳಿಸಲು ಒಂದು ಪ್ರಮುಖವಾದ ಆಯ್ಕೆಯಾಗಿದೆ. ಇದು ಪ್ರತಿರಕ್ಷಣಾ ವ್ಯವಸ್ಥೆಯನ್ನು ನಿಯಂತ್ರಿಸುವಲ್ಲಿ ಸಹಾಯಮಾಡುತ್ತದೆ.

ಕ್ಯಾನ್ಸರ್ ರೋಗವನ್ನು ತಡೆಗಟ್ಟುತ್ತದೆ

ಮೇಲೆ ಹೇಳಿದಂತೆ ಟೊಮೇಟೊ‌ನಲ್ಲಿ ಅತ್ಯಧಿಕ ಉತ್ಕರ್ಷಣ ನಿರೋಧಕ ಅಂಶವಿದೆ. ಇದರಿಂದ ಹಾನಿಕಾರಕ ಸ್ವತಂತ್ರ ರಾಡಿಕಲ್‌ಗಳನ್ನು ತೆಗೆದುಹಾಕಲು ಸಹಾಯಮಾಡುತ್ತದೆ. ಫ್ರೀ ರಾಡಿಕಲ್ ಚಟುವಟಿಕೆಗಳಿಂದ ಕ್ಯಾನ್ಸರ್ ರೋಗ ಬರುವುದಕ್ಕೆ ಒಂದು ಪ್ರಮುಖ ಕಾರಣ. ಟೊಮೇಟೊ ರಸವನ್ನು ಕುಡಿಯುವುದು ಸಂಪೂರ್ಣ ರೋಗ ನಿರೋಧಕ ಶಕ್ತಿಯನ್ನು ಉತ್ತಮಗೊಳಿಸಲು ಒಂದು ಅತ್ಯುತ್ತಮ ವಿಧಾನವಾಗಿದೆ.

ಸೋಂಕುಗಳ ವಿರುದ್ಧ ಹೋರಾಡಲು

ಟೊಮೇಟೊ ರಸದಲ್ಲಿರುವ ಹೆಚ್ಚು ಉತ್ಕರ್ಷಣ ಮತ್ತು ವಿಟಮಿನ್ ಸಿ ಸೋಂಕುಗಳನ್ನು ತಡೆಯಲು ಮತ್ತು ಅದರ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ. ರೋಗ ನಿರೋಧಕ ವ್ಯವಸ್ಥೆಯನ್ನು ಅತ್ಯಂತ ಸಕ್ರಿಯ ಸ್ಥಿತಿಯಲ್ಲಿಟ್ಟುಕೊಂಡಿರಲು ಟೊಮೇಟೊ ರಸದ ಸಾಮರ್ಥ್ಯವೇ ಕಾರಣ. ನಿಮ್ಮ ನಿರೋಧಕ ವ್ಯವಸ್ಥೆಯು ಉತ್ತಮವಾಗಿ ಕೆಲಸಮಾಡಿದರೆ ರೋಗಗಳನ್ನು ತಡೆಯಲು ಮತ್ತು ಅದರ ಚಿಕಿತ್ಸೆಗೆ ಸುಲಭವಾಗುತ್ತದೆ.

ಮಲಬದ್ಧತೆಯನ್ನು ನಿವಾರಿಸುತ್ತದೆ

ನಿಮ್ಮ ಕೋಲನ್‌ನಲ್ಲಿ ಆಹಾರ ಸಿಕ್ಕಿ ಹಾಕಿಕೊಂಡಾಗ ಮಲಬದ್ಧತೆ ಕಾಡುತ್ತದೆ. ಆಗ ಇದು ನಿಮಗೆ ಅತ್ಯಂತ ಅಸೌಖ್ಯವನ್ನುಂಟು ಮಾಡುತ್ತದೆ. ಟೊಮೇಟೊಗಳಲ್ಲಿ ರಸದಲ್ಲಿ ಅಧಿಕ ಪ್ರಮಾಣದ ನಾರಿನಂಶವು ನಿಮ್ಮ ಕೋಲನ್‌ನಲ್ಲಿರುವ ಆಹಾರ ನಿವಾರಣೆಯಾಗುವಂತೆ ಮಾಡುತ್ತದೆ. ಹೀಗೆ ಮಲಬದ್ಧತೆ ಸಹ ನಿವಾರಣೆಯಾಗುತ್ತದೆ.