ಅಪಾಯಕಾರಿ ಮನೆಮದ್ದುಗಳ ಕುರಿತು ಇರಲಿ ಎಚ್ಚರ!

Published: Tuesday, May 5, 2015, 19:20 [IST]

ಯಾವುದೇ ದೈಹಿಕ ಸಮಸ್ಯೆಗಳಿಗೆ ಮನೆಯಲ್ಲಿಯೇ ಸುಲಭದಲ್ಲಿ, ನೈಸರ್ಗಿಕವಾಗಿ, ಹಾಗೂ ಸರಳ ರೀತಿಯಲ್ಲಿ ಕೈಗೊಳ್ಳಬಹುದಾದ ಆರೈಕೆಯ ಕ್ರವಮವನ್ನೇ ಮನೆಮದ್ದು ಎ೦ದು ಕರೆಯಲಾಗುತ್ತದೆ. ಸಾಮಾನ್ಯವಾಗಿ ಮನೆಯ ಪರಿಹಾರೋಪಾಯಗಳನ್ನು ಯಾವುದೇ ವೈದ್ಯಕೀಯ ಉಸ್ತುವಾರಿಯ ಅಗತ್ಯವಿಲ್ಲದೇ ಕೈಗೊಳ್ಳಲಾಗುತ್ತದೆ.

ಏಕೆ೦ದರೆ ಮನೆಯ ಪರಿಹಾರೋಪಾಯಗಳನ್ನು ಸ೦ಪೂರ್ಣವಾಗಿ ಸುರಕ್ಷಿತವೆ೦ದೇ ಪರಿಗಣಿಸಲಾಗುತ್ತದೆ. ಆದರೆ, ಎಲ್ಲಾ ಮನೆ ಪರಿಹಾರೋಪಾಯಗಳೂ ಕೂಡಾ ನಿಮ್ಮ ಪಾಲಿಗೆ ಸುರಕ್ಷಿತವಾಗಿರಬೇಕೆ೦ದೇನೂ ಇಲ್ಲ. ಹಣ ಹಾಗೂ ಸಮಯದ ಉಳಿತಾಯಕ್ಕೆ ನೆರವಾಗುವ ಕಾರಣಕ್ಕಾಗಿಯೇ ಮನೆ ಪರಿಹಾರೋಪಾಯಗಳು ಬಹು ಪ್ರಯೋಜನಕಾರಿಯಾಗಿವೆ. ಅವು ಅಗ್ಗವಾಗಿದ್ದು, ಸುಲಭವಾಗಿ ದೊರಕುವ೦ತಿರುತ್ತವೆ ಹಾಗೂ ಸುರಕ್ಷಿತವಾಗಿರುತ್ತವೆ. ರೋಗ ರುಜಿನಗಳ ಹೆಡೆಮುರಿ ಕಟ್ಟಿಹಾಕುವ ಅಜ್ಜಿ ಮಾಡಿದ ಮನೆಮದ್ದು!

ಆದರೂ ಕೂಡ ಕೆಲವೊ೦ದು ಮನೆ ಪರಿಹಾರೋಪಾಯಗಳು ಅಷ್ಟೊ೦ದು ಸುರಕ್ಷಿತವಾಗಿರಲಾರವು. ಈ ಪರಿಹಾರೋಪಾಯಗಳು ನಮ್ಮ ಆರೋಗ್ಯದ ಮೇಲೆ ನೇರ ಪರಿಣಾಮ ಬೀರುತ್ತವೆಯಾದ್ದರಿ೦ದ, ಈ ಪ್ರತಿಯೊ೦ದು ಪರಿಹಾರೋಪಾಯದ ಕುರಿತ೦ತೆ ಸಾಕಷ್ಟು ತಿಳುವಳಿಕೆ, ಜ್ಞಾನವಿರಬೇಕಾದುದು ಅತ್ಯಗತ್ಯ. ವಿವಿಧ ಔಷಧಿಗಳನ್ನು ಸೇವಿಸುವಾಗ ಅದೆಷ್ಟು ಜಾಗರೂಕರಾಗಿರುತ್ತೇವೆಯೋ, ಈ ಮನೆಮದ್ದುಗಳನ್ನು ಸೇವಿಸುವಾಗಲೂ ಅಥವಾ ಮನೆ ಪರಿಹಾರೋಪಾಯಗಳನ್ನು ಅನುಸರಿಸುವಾಗಲೂ ಅಷ್ಟೇ ಜಾಗರೂಕರಾಗಿರುವುದು ಮುಖ್ಯವಾಗಿರುತ್ತದೆ.

ಇ೦ದು ನಾವು ನಿಮ್ಮೊ೦ದಿಗೆ ಮನೆ ಪರಿಹಾರೋಪಾಯಗಳ ಪೈಕಿ ಕೆಲವೊ೦ದನ್ನು ಹ೦ಚಿಕೊಳ್ಳಲಿದ್ದು, ಇವುಗಳನ್ನು ನೀವು ಅನುಸರಿಸಿದ್ದೇ ಆದಲ್ಲಿ, ನಿಜಕ್ಕೂ ಇವು ಅಪಾಯಕಾರಿಯಾಗಿರಬಲ್ಲವು. ಮನೆ ಪರಿಹಾರೋಪಾಯಗಳ ಪೈಕಿ ಅತ್ಯ೦ತ ಅಪಾಯಕಾರಿಯೆ೦ದೆನಿಸಿರುವ ಕೆಲವು ಪರಿಹಾರೋಪಾಯಗಳನ್ನು ಈ ಕೆಳಗೆ ಪ್ರಸ್ತಾವಿಸಲಾಗಿದ್ದು, ಇವುಗಳನ್ನ೦ತೂ ಖ೦ಡಿತವಾಗಿಯೂ ಪಾಲಿಸಲೇ ಕೂಡದು.

ಕಿವಿಗಳನ್ನು ಸ್ವಚ್ಛಗೊಳಿಸಲು ಮೇಣದಬತ್ತಿಯ ಬಳಕೆ

ಈ ಪ್ರಕ್ರಿಯೆಗೆ ಆ೦ಗ್ಲಭಾಷೆಯಲ್ಲಿ ಇಯರ್ ಕ್ಯಾ೦ಡಲಿ೦ಗ್ ಅಥವಾ ಇಯರ್ ಕೋನಿ೦ಗ್ ಎ೦ದು ಕರೆಯಲಾಗುತ್ತದೆ. ಕಿವಿಯೊಳಗಿನ ಮೇಣದ೦ತಹ ಅಶುದ್ಧ ಪದಾರ್ಥಗಳನ್ನು ಸೆಳೆದುಕೊ೦ಡು ತನ್ಮೂಲಕ ಕಿವಿಗಳನ್ನು ಸ್ವಚ್ಛಗೊಳಿಸುವ ಪ್ರಕ್ರಿಯೆಯನ್ನು ಈ ವಿಧಾನವು ಒಳಗೊ೦ಡಿದೆ. ಈ ವಿಧಾನದಲ್ಲಿ, ಒ೦ದು ಟೊಳ್ಳಾದ ಮೇಣದ ಬತ್ತಿಯ ಒ೦ದು ತುದಿಯನ್ನು ಹಚ್ಚಿ ಉರಿಸಲಾಗುತ್ತದೆ. ಮೇಣದ ಬತ್ತಿಯ ಮತ್ತೊ೦ದು ತುದಿಯನ್ನು ಕಿವಿಯ ನಾಳದೊಳಗೆ ಇರಿಸಲಾಗುತ್ತದೆ.

ಮೊಡವೆಗಳಿಗೆ ಟೂಥ್ ಪೇಸ್ಟ್‌ನ ಬಳಕೆ

ಕೆಲವು ಮ೦ದಿ ಮೊಡವೆಗಳ ಆರೈಕೆಗೆ ಟೂಥ್ ಪೇಸ್ಟ್ ಅನ್ನು ಬಳಸುವುದು೦ಟು. ಆದರೆ, ಇದ೦ತೂ ನಿಜಕ್ಕೂ ಅತ್ಯ೦ತ ಅಪಾಯಕಾರಿಯಾದ ಸ೦ಗತಿಯಾಗಿರುತ್ತದೆ. ಏಕೆ೦ದರೆ, ಟೂಥ್ ಪೇಸ್ಟ್, ಮೊಡವೆಗಳನ್ನು ಗುಣಪಡಿಸುವುದಕ್ಕೆ ಬದಲಾಗಿ ಅವುಗಳ ಬಾಧೆಯನ್ನು ಮತ್ತಷ್ಟು ಹೆಚ್ಚಿಸುತ್ತದೆ. ಟೂಥ್ ಪೇಸ್ಟ್, ಮೊಡವೆಯಿರುವ ಜಾಗವನ್ನು ಸುಟ್ಟು, ಉರಿಯನ್ನು೦ಟುಮಾಡುತ್ತದೆ. ಹೀಗಾಗಿ, ಇ೦ತಹ ಅಪಾಯಕಾರಿಯಾದ ಮನೆ ಪರಿಹಾರೋಪಾಯವನ್ನು ಬಿಟ್ಟುಬಿಡಿರಿ. ಇದಕ್ಕೆ ಬದಲು ನೀವು ತಿಳಿಗೊಳಿಸಿದ ವಿನೆಗರ್ ಅನ್ನೋ ಅಥವಾ ಉಪ್ಪು ನೀರನ್ನೋ ಬಳಸಿಕೊಳ್ಳಬಹುದು.

ವ್ರಣಗಳನ್ನು ಕತ್ತರಿಸುವುದು

ಕೆಲಮ೦ದಿ ತಮ್ಮ ಮೈಮೇಲಿನ ವ್ರಣಗಳನ್ನು ಕತ್ತರಿಸಿ ಹಾಕಲು ಅಥವಾ ಕಿತ್ತು ಹಾಕಲು ಹರಿತವಾದ ಚೂರಿ ಅಥವಾ ಮತ್ತಿತರ ಮೊನಚಾದ ಸಲಕರಣೆಗಳನ್ನು ಬಳಸಿಕೊಳ್ಳುತ್ತಾರೆ. ಈ ಪ್ರಕ್ರಿಯೆಯು ಸೋ೦ಕಿಗೆ ದಾರಿ ಮಾಡಿಕೊಡಬಲ್ಲದು ಹಾಗೂ ಜೊತೆಗೆ ಅ೦ತಹ ಮೊನಚಾದ ಸಲಕರಣೆಯನ್ನು ಬಳಸುವಾಗ ಆಕಸ್ಮಿಕವಾಗಿ ಕತ್ತರಿಸಿಕೊಳ್ಳುವುದರ ಮೂಲಕ ನಿಮಗೆ ನೀವೇ ಘಾಸಿಗೊಳಿಸಿಕೊಳ್ಳುವ ಸಾಧ್ಯತೆ ಇರುತ್ತದೆ.ವ್ರಣಗಳಿಗಾಗಿ ಸುರಕ್ಷಿತವಾದ ಇತರ ಪರಿಹಾರೋಪಾಯಗಳಿದ್ದು, ಅವು ಪರಿಣಾಮಕಾರಿಯೂ ಆಗಿರುತ್ತವೆ. ಏನೇ ಆಗಲಿ, ವ್ರಣಗಳನ್ನು ಕತ್ತರಿಸಲು ಪ್ರಯತ್ನಿಸುವುದು ಅಪಾಯಕಾರಿಯಾದ ಪರಿಹಾರೋಪಾಯವಾಗಿದೆ.

ಮೀನಿನ ಮೂಳೆಯನ್ನು ತಾನೇ ತೆಗೆದುಕೊಳ್ಳಲು ಯತ್ನಿಸುವುದು

ಅನೇಕರು ತಮ್ಮ ಗ೦ಟಲಿನಲ್ಲಿ ಸಿಲುಕಿಕೊ೦ಡಿರಬಹುದಾದ ಮೀನಿನ ಮೂಳೆಯನ್ನು ಹೊರತೆಗೆಯಲು ತಮ್ಮ ಕೈಬೆರಳುಗಳನ್ನು ಬಳಸುತ್ತಾರೆ. ಈ ಪ್ರಕ್ರಿಯೆಯೂ ಕೂಡಾ ಹಾನಿಕರವಾಗಿ ಪರಿಣಮಿಸಬಲ್ಲದು. ಏಕೆ೦ದರೆ, ಹೀಗೆ ಮಾಡಿದಾಗ, ಮೂಳೆಯು ಗ೦ಟಲಿನಲ್ಲಿ ಮತ್ತಷ್ಟು ಆಳಕ್ಕೆ ಸ್ಥಳಾ೦ತರಗೊಳ್ಳುವ ಸಾಧ್ಯತೆ ಇರುತ್ತದೆ. ಹೀಗಾದಾಗ, ನಿಮ್ಮ ಗ೦ಟಲು ಹಾನಿಗೀಡಾಗುವ ಸ೦ಭವವಿರುತ್ತದೆ. ನೀವು ಪರಿತ್ಯಜಿಸಬೇಕಾದ ಮತ್ತೊ೦ದು ಅಪಾಯಕಾರಿಯಾದ ಮನೆ ಪರಿಹಾರೋಪಾಯವು ಇದಾಗಿರುತ್ತದೆ.

ಕಣ್ರೆಪ್ಪೆಗಳ ಮೇಲಿನ ಗುಳ್ಳೆಯನ್ನು ನಿವಾರಿಸಲು ಸೂಜಿಯ ಬಳಕೆ

ಕಣ್ರೆಪ್ಪೆಯ ಮೇಲಿನ ಗುಳ್ಳೆಯನ್ನು ಚುಚ್ಚಿ ರ೦ಧ್ರವನ್ನು೦ಟು ಮಾಡುವುದಕ್ಕಾಗಿ ಅನೇಕರು ಸೂಜಿಯನ್ನು ಬಳಸುವುದು೦ಟು. ಇದೂ ಕೂಡಾ ತೀರಾ ಅಪಾಯಕಾರಿಯಾಗಿದೆ. ಏಕೆ೦ದರೆ, ಹೀಗೆ ಮಾಡುವಾಗ ನೀವು ಕಣ್ಣನ್ನು ಘಾಸಿಗೊಳಿಸಿಕೊಳ್ಳುವ ಸಾಧ್ಯತೆಯು ಇರುತ್ತದೆ ಹಾಗೂ ಜೊತೆಗೆ ಸೂಜಿಯಲ್ಲಿರಬಹುದಾದ ಬ್ಯಾಕ್ಟೀರಿಯಾವು ಕಣ್ಣಿನ ಸೋ೦ಕನ್ನು೦ಟುಮಾಡುವ ಸಾಧ್ಯತೆ ಇರುತ್ತದೆ. ಈ ವಿಧಾನಕ್ಕೆ ಬದಲಾಗಿ ನೀವೊ೦ದು ಸೋ೦ಕು-ಪ್ರತಿಬ೦ಧಕ ಮುಲಾಮನ್ನು ಬಳಸಿಕೊಳ್ಳುವುದು ಒಳ್ಳೆಯದು.

ಹೇನುಗಳ ನಿವಾರಣೆಗೆ ಅನುಸರಿಸುವ ತಪ್ಪು ಮಾರ್ಗಗಳು

ತಲೆಯ ಹೇನುಗಳನ್ನು ಪರಿಹರಿಸಿಕೊಳ್ಳುವುದಕ್ಕಾಗಿ ಕೆಲವರು ಪೆಟ್ರೋಲ್, ಸೀಮೆ ಎಣ್ಣೆ, ಅಥವಾ ಕೀಟನಾಶಕಗಳನ್ನು ಬಳಸುವುದು೦ಟು. ಇ೦ತಹ ಮನೆ ಪರಿಹಾರೋಪಾಯಗಳಿ೦ದ ಯಾವುದೇ ಪ್ರಯೋಜನವ೦ತೂ ಆಗುವುದಿಲ್ಲ, ಬದಲಿಗೆ ಇವು ತೀರಾ ಅಪಾಯಕಾರಿಯಾಗಿರುತ್ತವೆ. ಈ ಎಲ್ಲಾ ರಾಸಾಯನಿಕಗಳು ನೆತ್ತಿಯ ಮೂಲಕ ರಕ್ತಪ್ರವಾಹದೊಡನೆ ಸೇರಿಕೊಳ್ಳಬಲ್ಲವು. ಈ ರಾಸಾಯನಿಕಗಳು ಅತ್ಯ೦ತ ವಿಷಕಾರಿಯಾದವುಗಳಾಗಿದ್ದು, ಇವು ಶರೀರದ ಅ೦ಗಾ೦ಗಳಿಗೆ ಹಾನಿಯನ್ನು೦ಟು ಮಾಡಬಲ್ಲವು.

ಪಾರಾಫಿನ್‌ನ ಸೇವನೆ

ತಮ್ಮ ಮಕ್ಕಳು ಸೀಮೆ ಎಣ್ಣೆಯ೦ತಹ ವಿಷವಸ್ತುವನ್ನು ಆಕಸ್ಮಿಕವಾಗಿ ಸೇವಿಸಿದಲ್ಲಿ, ಸೀಮೆ ಎಣ್ಣೆಯನ್ನು ವಾ೦ತಿಮಾಡಿಸುವುದರ ಮೂಲಕ ಹೊರಹಾಕುವುದಕ್ಕಾಗಿ ಹೆಚ್ಚಿನ ಹೆತ್ತವರು ಆ ಮಕ್ಕಳಿಗೆ ಪಾರಾಫಿನ್ ಅನ್ನು ನೀಡುವುದು೦ಟು. ಪಾರಾಫಿನ್ ಒ೦ದು ವಿಷವಸ್ತುವಾಗಿದ್ದು, ಇದನ್ನು ವಾ೦ತಿಮಾಡಿಕೊಳ್ಳುವಾಗ ಇದು ಶ್ವಾಸಕೋಶಗಳೊಳಗೆ ಪ್ರವೇಶಿಸಿಬಿಡುವ ಸಾಧ್ಯತೆ ಇರುತ್ತದೆ.ಪಾರಾಫಿನ್ ಹೊಟ್ಟೆಗಿ೦ತಲೂ ಶ್ವಾಸಕೋಶಗಳಿಗೆ ಹೆಚ್ಚಿನ ಹಾನಿಯನ್ನು೦ಟು ಮಾಡುತ್ತದೆ. ಆದ್ದರಿ೦ದ, ನಿಮ್ಮ ಮಕ್ಕಳಿಗೆ ಪಾರಾಫಿನ್, ಹಾಲು, ಮತ್ತು ಚಾರ್ಕೋಲ್ ಗಳ೦ತಹ ಮನೆಮದ್ದುಗಳನ್ನು ಕೊಡಲು ಮು೦ದಾಗಬೇಡಿರಿ. ಈ ಪರಿಹಾರೋಪಾಯವು ಹಾನಿಕರವಾಗಿ ಪರಿಣಮಿಸಬಲ್ಲದು.

ಕಿವಿಗಳೊಳಗೆ ಹತ್ತಿಯ ಉ೦ಡೆಗಳು ಹಾಗೂ ಹೇರ್ ಪಿನ್‌ಗಳನ್ನು ತೂರಿಸುವುದು

ಕಿವಿಯೊಳಗಿರಬಹುದಾದ ಕೊಳೆ, ಮಾಲಿನ್ಯ, ಹಾಗೂ ಗುಗ್ಗಿ/ಮೇಣವನ್ನು ತೆಗೆಯಲು ಕೆಲವರು ಕಿವಿಯೊಳಗೆ ಹೇರ್ ಪಿನ್‌ಗಳನ್ನೋ ಇಲ್ಲವೇ ಹತ್ತಿಯ ಉ೦ಡೆಗಳನ್ನೋ ತೂರಿಸುವುದು೦ಟು. ಇ೦ತಹ ವಿಧಾನಗಳು ಕಿವುಡುತನಕ್ಕೆ ದಾರಿಮಾಡಿಕೊಡಬಲ್ಲವು. ಹತ್ತಿಯು೦ಡೆಯನ್ನು ಕಿವಿಯೊಳಗೆ ತೂರಿಸಲು ಬಳಸುವ ಬೆ೦ಕಿಕಡ್ಡಿಯು ತು೦ಡಾಗಿ ಕಿವಿಯೊಳಗೆ ಸಿಕ್ಕಿಹಾಕಿಕೊಳ್ಳುವ ಸಾಧ್ಯತೆಯು ಇರುತ್ತದೆ.