ಈ ಮಳೆಗಾಲವನ್ನು ಆಯುರ್ವೇದ ಮಾರ್ಗದಲ್ಲಿ ಆನಂದಿಸಿ!

ಖಾರ ಮತ್ತು ಉಪ್ಪು ಇರುವ ಆಹಾರ ಪದಾರ್ಥಗಳನ್ನು ಸೇವಿಸಬೇಡಿ

ಅತಿಯಾದ ಖಾರ ಮತ್ತು ಉಪ್ಪು ಇರುವ ಆಹಾರ ಪದಾರ್ಥಗಳನ್ನು ಸೇವಿಸಬೇಡಿ( ಉಪ್ಪಿನಕಾಯಿ, ಚಟ್ನಿ, ಮೆಣಸಿನಕಾಯಿ, ಯೋಗರ್ಟ್, ಕರ್ರಿ ಇತ್ಯಾದಿ) ಇವುಗಳು ಅಜೀರ್ಣ, ನಿರ್ಜಲೀಕರಣ ಮತ್ತು ಉಬ್ಬಸವನ್ನುಂಟು ಮಾಡುತ್ತವೆ ಅದರ ಜೊತೆಗೆ ಅತಿಯಾಗಿ ಕರಿದ ಆಹಾರ , ಜಂಕ್ ಫುಡ್ ಮತ್ತು ಮಾಂಸವನ್ನು ಸಹ ಸೇವಿಸಬೇಡಿ. ಇದಲ್ಲದೆ ಈ ಅವಧಿಯಲ್ಲಿ ಸಲಾಡ್ ಮತ್ತು ಸೊಪ್ಪುಗಳನ್ನು ಸಹ ಸೇವಿಸಬೇಡಿ.

ಲಘು ಆಹಾರವನ್ನು ಸೇವಿಸಿ

ಸುಲಭವಾಗಿ ಜೀರ್ಣವಾಗಬಹುದಾದ ಲಘು ಆಹಾರವನ್ನು ಸೇವಿಸಿ. ಬೇಯಿಸಿದ ತರಕಾರಿ, ಝುಚ್ಚಿನಿ, ಸ್ಕ್ವಾಷ್, ಕುಂಬಳಕಾಯಿ, ಉಗಿಯಲ್ಲಿ ಬೇಯಿಸಿದ ಸಲಾಡ್, ಹಣ್ಣುಗಳು, ಹೆಸರು ಬೇಳೆ, ಕಿಚಡಿ, ಮೆಕ್ಕೆ ಜೋಳ, ಕಡಲೆ ಹಿಟ್ಟು ಮತ್ತು ಓಟ್ ಮಿಲ್ ಇತ್ಯಾದಿಗಳನ್ನು ಸೇವಿಸಿ.

ಎಣ್ಣೆ ಬಳಕೆ ಕಡಿಮೆ ಮಾಡಿ

ತುಪ್ಪ, ಆಲೀವ್ ಎಣ್ಣೆ, ಜೋಳದ ಎಣ್ಣೆ ಮತ್ತು ಸೂರ್ಯಕಾಂತಿ ಎಣ್ಣೆಯನ್ನು ಆಹಾರ ತಯಾರಿಸಲು ಬಳಸಿ. ಇವು ಲಘು ಎಣ್ಣೆಗಳು ಆರೋಗ್ಯಕ್ಕೆ ಉತ್ತಮ. ಸಾಸಿವೆ ಎಣ್ಣೆ, ಬೆಣ್ಣೆ, ಕಡಲೆ ಕಾಳು ಎಣ್ಣೆ ಮತ್ತು ಇನ್ನಿತರ ಭಾರವಾದ ಎಣ್ಣೆಗಳನ್ನು ಬಳಸಬೇಡಿ. ಈ ಎಣ್ಣೆಗಳು ಉಷ್ಣಕಾರಕ ಗುಣಗಳನ್ನು ಹೊಂದಿರುತ್ತವೆ.

ಆಯಾಸವನ್ನುಂಟು ಮಾಡುವ ಆಟದಲ್ಲಿ ಪಾಲ್ಗೊಳ್ಳಬೇಡಿ

ಓಟ, ಸೈಕ್ಲಿಂಗ್ ಇತ್ಯಾದಿಗಳಂತಹ ಅತಿಯಾದ ಆಯಾಸವನ್ನುಂಟು ಮಾಡುವ ಆಟಗಳಲ್ಲಿ ಪಾಲ್ಗೊಳ್ಳಬೇಡಿ. ಇವುಗಳು ಪಿತ್ತವನ್ನು ಹೆಚ್ಚಿಸುತ್ತವೆ. ಯೋಗ, ನಡೆಯುವುದು, ಈಜು ಮತ್ತು ಸ್ಟ್ರೆಚ್ಚಿಂಗ್‍ನಂತಹ ವ್ಯಾಯಾಮಗಳಲ್ಲಿ ಪಾಲ್ಗೊಳ್ಳಿ.

ರಸ್ತೆ ಬದಿಯ ಆಹಾರ ಸೇವಿಸಬೇಡಿ

ನೀವು ಆಹಾರವನ್ನು ಸೇವಿಸುವ ಪರಿಸರವು ಶುಚಿಯಾಗಿ ಮತ್ತು ಆರೋಗ್ಯಕರವಾಗಿದೆಯೇ ಎಂಬುದನ್ನು ಗಮನಿಸಿ. ತೆರೆದಿಟ್ಟ ಆಹಾರವನ್ನು ಯಾವುದೇ ಕಾರಣಕ್ಕು ಸೇವಿಸಲು ಹೋಗಬೇಡಿ. ಅದರಲ್ಲೂ ರಸ್ತೆ ಬದಿಯ ವ್ಯಾಪಾರಿಗಳ ಬಳಿ ಬೇಡವೇ ಬೇಡ.

ಹಣ್ಣು ಮತ್ತು ತರಕಾರಿಯನ್ನು ಚೆನ್ನಾಗಿ ತೊಳೆದುಕೊಳ್ಳಿ

ಹಣ್ಣು ಮತ್ತು ತರಕಾರಿಯನ್ನು ಮೊದಲು ಚೆನ್ನಾಗಿ ತೊಳೆದು ನಂತರವಷ್ಟೇ ಬಳಸಿ.

ಹಾಗಲಕಾಯಿ ಸೇವಿಸಿ

ಕಹಿಯು ಪಿತ್ತವನ್ನು ಕಡಿಮೆ ಮಾಡುತ್ತದೆ.ಅದಕ್ಕಾಗಿ ಹಾಗಲಕಾಯಿ, ಬೇವು, ಫೆನುಗ್ರೀಕ್ ಮತ್ತು ಅರಿಶಿಣಗಳನ್ನು ಬಳಸಿ. ಇವುಗಳು ಇನ್‍ಫೆಕ್ಷನ್‍ಗಳನ್ನು ದೂರವಿಡುತ್ತವೆ.

ವಾರಕ್ಕೆರಡು ಬಾರಿ ಮಸಾಜ್ ಮಾಡಿಕೊಳ್ಳಿ

ಮಳೆಗಾಲದಲ್ಲಿ ಎಳ್ಳೆಣ್ಣೆಯಿಂದ ವಾರಕ್ಕೆರಡು ಬಾರಿ ಮಸಾಜ್ ಮಾಡಿಕೊಳ್ಳುವುದರಿಂದ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು. ಕೆಲವರಿಗೆ ಎಳ್ಳೆಣ್ಣೆಯು ಉಷ್ಣವನ್ನು ಉಂಟು ಮಾಡಬಹುದು. ಅಂತಹವರು ತೆಂಗಿನಕಾಯಿ ಎಣ್ಣೆಯನ್ನು ಬಳಸಬಹುದು. ಅಲ್ಲದೆ ಕೋಪ, ಕಿರಿಕಿರಿ, ಅಸೂಯೆ ಮತ್ತು ಅಹಂಗಳನ್ನು ತ್ಯಜಿಸಿ. ಏಕೆಂದರೆ ಇವುಗಳು ಸಹ ದೇಹದ ಉಷ್ಣ ಅಂದರೆ ಪಿತ್ತವನ್ನು ಹೆಚ್ಚಿಸುತ್ತವೆ. ಪಿತ್ತ ಹೆಚ್ಚಾದರೆ ದೇಹದಲ್ಲಿ ಕಜ್ಜಿ, ಎದೆ ಉರಿ ಅಥವಾ ಮೂತ್ರನಾಳದಲ್ಲಿ ಇನ್‍ಫೆಕ್ಷನ್ ಕಂಡು ಬರುತ್ತದೆ ಎಂಬುದನ್ನು ಮರೆಯಬೇಡಿ.