ಲುಕ್ ನಲ್ಲಿ ಅಡಗಿದೆ ಆರೋಗ್ಯದ ರಹಸ್ಯ!

ಪಾದಗಳು ಊದಿಕೊಳ್ಳುವುದು

ಗಾಯವಾದರೆ ಕಾಲುಗಳು ಊದಿಕೊಳ್ಳುವುದು ಸಾಮಾನ್ಯ. ಆದರೆ ಕೆಲವೊಮ್ಮೆ ಮಧುಮೇಹ, ಹೃದಯ ಸಂಬಂಧಿ ಕಾಯಿಲೆಗಳಿದ್ದರೆ ಕಾಲು ಊದಿಕೊಳ್ಳುವುದು.

ಬಳಲಿದ ಕಣ್ಣುಗಳು

ಕಣ್ಣಿನ ಸುತ್ತ ಕಪ್ಪು ವರ್ತುಲ, ಬಳಲಿದ ಕಣ್ಣುಗಳು, ಅಧಿಕ ಉಪ್ಪಿನಂಶವಿರುವ ಆಹಾರ ತಿನ್ನುವುದು, ಪೋಷಕಾಂಶದ ಕೊರತೆ ಇವೆಲ್ಲಾ ಇದ್ದರೆ ಕಣ್ಣಿನಲ್ಲಿ ಹೊಳಪು ಮಾಯವಾಗುವುದು.

ಒಣ ತ್ವಚೆ

ಕಾಯಿಲೆಯಿದ್ದರೆ ತ್ವಚೆ ತುಂಬಾ ಒಣಗುವುದು. ಹೈಪೋ ಥೈರಾಯ್ಡ್ ಹಾಗೂ ಮಧುಮೇಹ ಚರ್ಮದಲ್ಲಿರುವ ನೀರಿನಂಶವನ್ನು ಹೀರಿಕೊಂಡು, ತ್ವಚೆಯನ್ನು ಡ್ರೈಯಾಗಿಸುತ್ತದೆ.

ಮೈಯಲ್ಲಿ ಕೂದಲು

ಮಹಿಳೆಯರಿಗೆ ಮುಖ ಮತ್ತು ಮೈಯಲ್ಲಿ ಕೂದಲು ತುಂಬಾ ಬಂದರೆ ಸೌಂದರ್ಯದ ವಿಷಯ ಮಾತ್ರವಲ್ಲ,ಆರೋಗ್ಯದ ವಿಷಯ ಕೂಡ. ಮುಖ, ಎದೆ, ಬೆನ್ನು, ಕೈ, ಕಾಲುಗಳಲ್ಲಿ ತುಂಬಾ ಕೂದಲು ಬೆಳೆದರೆ ಮಕ್ಕಳಾಗಲು ತೊಂದರೆ ಉಂಟಾಗಬಹುದು.

ನೆರಿಗೆ

ಅಕಾಲಿಕ ನೆರಿಗೆ ಮೂಳೆಗೆ ಶಕ್ತಿ ಕಡಿಮೆಯಾದರೆ ಕಂಡು ಬರುತ್ತದೆ ಎಂದು ಇದರ ಬಗ್ಗೆ ನಡೆಸಿದ ಸಂಶೋಧನೆಯಿಂದ ತಿಳಿದು ಬಂದಿದೆ. ಅದಲ್ಲದೆ ಬಿಸಿಲಿನಲ್ಲಿ ಕೆಲಸ ಮಾಡುವವರಿಗೆ, ಧೂಮಪಾನದ ಅಭ್ಯಾಸವಿರುವವರೆಗೆ ನೆರಿಗೆ ಬೇಗನೆ ಬೀಳುತ್ತದೆ.

ಕೂದಲು ಉದುರುವುದು

ಕೂದಲು ಉದುರುತ್ತಿದ್ದರೆ ಬರೀ ನೀರು, ಶ್ಯಾಂಪೂ ಕಾರಣ ಅಂತ ತಿಳಿಯಬೇಡಿ. ನಿಮ್ಮ ದೇಹಕ್ಕೆ ಪೋಷಕಾಂಶದ ಕೊರತೆ ಇದ್ದರೆ, ಒತ್ತಡ, ಥೈರಾಯ್ಡ್, ಕ್ಯಾನ್ಸರ್ , ಹಾರ್ಮೋನ್ ಗಳಲ್ಲಿ ವ್ಯತ್ಯಾಸ ಈ ರೀತಿಯ ಸಮಸ್ಯೆಯಿದ್ದರೆ ಕೂದಲು ಉದುರುತ್ತದೆ.

ತುಟಿ

ಅಲರ್ಜಿ ಸಮಸ್ಯೆಯಿದ್ದರೆ ತುಟಿ ಒಡೆಯುವುದು. ದೇಹದಲ್ಲಿ ನೀರಿನಂಶ ಕಡಿಮೆಯಾದರೆ ತುಟಿ ತುಂಬಾ ಡ್ರೈಯಾಗುತ್ತದೆ.

ಹಲ್ಲುಗಳು

ಹುಳುಕು ಹಲ್ಲುಗಳು, ಬಾಯಿಯನ್ನು ಸ್ವಚ್ಛ ಮಾಡಿದರೂ ಬಾಯಿ ದುರ್ವಾಸನೆ ಇವೆಲ್ಲಾ ಕಾಯಿಲೆಯ ಲಕ್ಷಣಗಳಾಗಿವೆ.