ಗಮನಿಸಲೇಬೇಕಾದ ಒಬೆಸಿಟಿಯ ಲಕ್ಷಣಗಳಿವು

ಏನೂ ತಿನ್ನದಿದ್ದರೂ ಮೈ ತೂಕ ಹೆಚ್ಚಾಗುವುದು

ಕೆಲವರು ಹೇಳುವುದನ್ನು ಕೇಳಬಹುದು, "ದಪ್ಪಗಾಗುತ್ತಿದ್ಧೇನೆ ಎಂದು ಸರಿಯಾಗಿ ಊಟ ಕೂಡ ಮಾಡುವುದಿಲ್ಲ, ಆದರೂ ದಪ್ಪಗಾಗುತ್ತಿದ್ದೇನೆ" ಇದು ಒಬೆಸಿಟಿಯ ಲಕ್ಷಣವಾಗಿದೆ. ದಪ್ಪಗಾಗುತ್ತಿದ್ದೇವೆ ಎಂದು ಏನೂ ತಿನ್ನದಿದ್ದರೆ ಆರೋಗ್ಯ ಮತ್ತಷ್ಟು ಹದ ಕೆಡುವುದು. ವ್ಯಾಯಾಮ ಮಾಡಿ, ಆರೋಗ್ಯಕರ ಆಹಾರವನ್ನು ಮಿತಿಯಲ್ಲಿ ತಿನ್ನಿ, ಮಾನಸಿಕ ಒತ್ತಡ ಬಿಡಿ, ಇಷ್ಟು ಮಾಡಿದರೆ ಖಂಡಿತ ದೇಹದ ತೂಕ ಕಮ್ಮಿಯಾಗುವುದು.

ಕೊಬ್ಬು ಶೇಖರವಾಗುವುದು

ಹೊಟ್ಟೆ, ಸೋಮಟದ ಸುತ್ತ, ತೊಡೆ ಈ ಭಾಗದಲ್ಲಿ ಕೊಬ್ಬು ಶೇಖರವಾಗುವುದರ ಜೊತೆಗೆ ತ್ವಚೆಯ ಬಣ್ಣ ಕೂಡ ಬದಲಾಗುತ್ತದೆ, ಹೆಚ್ಚಿದ ತೂಕದ ಕಾರಣ ಸ್ಟ್ರೆಚ್ ಮಾರ್ಕ್ಸ್ ಬೀಳುವುದು.

ಮಂಡಿ ನೋವು

ತೂಕ ಹೆಚ್ಚಾದಂತೆ ಮಂಡಿನೋವು ಕಾಣಿಸಿಕೊಳ್ಳುವುದು, ಮಂಡಿ ನೋವಿಗೆ ಪರಿಹಾರ ತೂಕ ಕಮ್ಮಿ ಮಾಡುವುದೊಂದೇ.

ನರ ಸೆಳೆತ

ತೂಕ ಹೆಚ್ಚಾದಂತೆ ತುಂಬಾ ನರ ಸೆಳೆತದ ಸಮಸ್ಯೆ ಕಂಡು ಬರುವುದು. ಈ ಲಕ್ಷಣಗಳು ಕಂಡು ಬಂದರೆ ತೂಕ ಕಮ್ಮಿ ಮಾಡುವುದರ ಬಗ್ಗೆ ಪ್ರಯತ್ನ ಮಾಡದಿದ್ದರೆ ಇನ್ನು ಕೆಲವು ಕಾಯಿಲೆಗಳು ಪ್ರಾರಂಭವಾಗುವುದು.

ಕೊಲೆಸ್ಟ್ರಾಲ್

ಕೊಲೆಸ್ಟ್ರಾಲ್ ಹೆಚ್ಚಾಗುವುದು ಪ್ರಮುಖವಾಗಿ ನಮ್ಮ ಆಹಾರಕ್ರಮದಿಂದ. ಕೊಲೆಸ್ಟ್ರಾಲ್ ಮೂಳೆಗಳಲ್ಲಿ ರಕ್ತ ಸಂಚಾರಕ್ಕೆ ತೊಂದರೆ ಉಂಟು ಮಾಡುವುದು.

ಉಸಿರಾಟದ ತೊಂದರೆ

ಸ್ವಲ್ಪ ನಡೆದಾಡಿದರೆ, ವ್ಯಾಯಾಮ ಮಾಡಿದರೆ ಏದು ಉಸಿರು ಬರುವುದಾದರೆ ಅದು ಒಬೆಸಿಟಿಯ ಲಕ್ಷಣವಾಗಿದೆ.

ಹೃದಯದ ತೊಂದರೆಗಳು

ದೇಹದಲ್ಲಿ ಕೊಬ್ಬು ಹೆಚ್ಚು ಶೇಖರವಾಗುತ್ತಾ ಹೋದಂತೆ ರಕ್ತ ಪರಿಚಲನೆಗೆ ತೊಂದರೆ ಉಂಟಾಗಿ ಹೃದಯ ಸಂಬಂಧಿ ತೊಂದರೆಗಳು ಕಾಣಿಸಿಕೊಳ್ಳುವುದು.

ಅನಿಯಮಿತ ಮುಟ್ಟು

ಒಬೆಸಿಟಿ ಇರುವ ಮಹಿಳೆಯರಲ್ಲಿ ಅನಿಯಮಿತ ಮುಟ್ಟಿನ ಸಮಸ್ಯೆ ಕಂಡು ಬರುವುದು ಹಾಗೂ ಗರ್ಭದಾರಣೆ ಆಗುವ ಸಾಧ್ಯತೆ ಕೂಡ ಕಮ್ಮಿ.

ತಲೆಸುತ್ತು

ಒಬೆಸಿಟಿಯ ಮತ್ತೊಂದುಲಕ್ಷಣ ತಲೆ ಸುತ್ತು ಕಂಡು ಬರುವುದು. ತೂಕ ಹೆಚ್ಚಾಗುವುದು, ತಲೆಸುತ್ತು ಥೈರಾಯ್ಡ್ ನ ಕೂಡ ಲಕ್ಷಣವಾಗಿದೆ.

ಒಬೆಸಿಟಿ

ಒಬೆಸಿಟಿ ವ್ಯಕ್ತಿಗಳು ಮಧುಮೇಹ ಕಾಯಿಲೆಗೆ ಬೇಗನೆ ತುತ್ತಾಗುತ್ತಾರೆ.