ತೂಕ ಕಳಕೊಳ್ಳಲು ರಜಾದಿನದ ಟಿಪ್ಸ್ ಗಳು

ನಿಮ್ಮ ತೂಕದ ಕಡೆ ಗಮನವಿರಲಿ

ನೀವು ಉಪವಾಸ ಅಥವಾ ಆಹಾರ ಪಥ್ಯ ಪಾಲಿಸುತ್ತಿದ್ದರೆ ಪಾರ್ಟಿಗಳಿಗೆ ಹೋಗಬೇಡಿ. ನೀವು ಆಹಾರವನ್ನು ನೋಡಿ ಪ್ರಲೋಭನೆಗೆ ಒಳಗಾಗುವುದನ್ನು ತಪ್ಪಿಸಲು ಸ್ವಲ್ಪ ಪೌಷ್ಠಿಕಾಂಶಗಳ್ಳುಳ್ಳ ಆಹಾರ ಸೇವಿಸಿ. ನಿಮ್ಮ ತೂಕವನ್ನು ಕಾಪಾಡಿಕೊಳ್ಳಲು ಮತ್ತು ಸ್ವಲ್ಪವೇ ತೂಕ ಹೆಚ್ಚುವಂತಾಗಲು ಆರೋಗ್ಯಕರ ತಿಂಡಿಗಳು ರಜಾದಿನಗಳಲ್ಲಿ ತೂಕ ಕಳಕೊಳ್ಳಲು ಇರುವ ಒಂದು ವ್ಯವಸ್ಥಿತ ಯೋಜನೆ.

ನಿಮ್ಮ ಗಮನ ಬೇರೆಡೆ ಹರಿಸಿ

ರಜಾ ಋತುವೆಂದರೆ ಆಹಾರ ಮತ್ತು ಆಲ್ಕೋಹಾಲ್ ಮಾತ್ರವಲ್ಲ, ಇದು ಸ್ನೇಹಿತರು ಮತ್ತು ಕುಟುಂಬದವರೊಂದಿಗೆ ಬೆರೆಯುವುದು. ಆರೋಗ್ಯಕರ ಆಹಾರ ಹವ್ಯಾಸವನ್ನು ಕಡೆಗಣಿಸದೆ ನೀವು ಮನರಂಜನೆ ಪಡೆಯಬಹುದು. ನೀವು ರಾತ್ರಿ ವೇಳೆ ನಡೆದ ಪಾರ್ಟಿಯಲ್ಲಿ ಹೆಚ್ಚಿನ ಕ್ಯಾಲರಿ ಇರುವ ಆಹಾರಗಳನ್ನು ತಿಂದಿದ್ದರೆ ದಿನದಲ್ಲಿ ನಿಮ್ಮ ಆಹಾರವನ್ನು ಕಡಿಮೆ ಮಾಡಿ.

ಚಟುವಟಿಕೆಯಿಂದ ಇರಿ

ದೈಹಿಕ ಚಟುವಟಿಕೆ ಹೊರತಾಗಿ ರಜಾ ಋತುವಿನಲ್ಲಿ ಆರೋಗ್ಯಕರವಾಗಿ ತೂಕ ಇಳಿಸಿಕೊಳ್ಳಲು ಬೇರೆ ಯಾವುದೇ ವಿಧಾನವಿಲ್ಲ. ರಜಾ ದಿನಗಳಲ್ಲಿ ನೀವು ಇಡೀ ದಿನ ತುಂಬಾ ವ್ಯಸ್ತರಾಗಿರಬಹುದು ಮತ್ತು ನಿಮಗೆ ಸ್ವಲ್ಪವೂ ಸಮಯ ಸಿಗಲಿಕ್ಕಿಲ್ಲ. ನಿಮಗೆ ಜಿಮ್ ಅಥವಾ ಯೋಗ ತರಗತಿಗೆ ಹೋಗಲು ಸಮಯ ಸಿಗುವುದಿಲ್ಲವೆಂದಾದರೆ ಆಗ ನೀವು ಕೆಲವು ಸರಳ ವ್ಯಾಯಾಮಗಳೊಂದಿಗೆ ನಿಮ್ಮ ದೈಹಿಕ ಫಿಟ್ ನೆಸ್ ನ್ನು ಕಾಪಾಡಿಕೊಳ್ಳಬಹುದು. 15-20 ನಿಮಿಷ ನಡೆದರೆ ನೀವು ಫಿಟ್ ಆಗಿರಬಹುದು.

ಆಯ್ಕೆ ಬಗ್ಗೆ ಗಮನವಿರಲಿ

ಔತಣ ಕೂಟಗಳಲ್ಲಿ ನೀವು ತುಂಬಾ ಉಪ್ಪು ಅಥವಾ ಸಕ್ಕರೆ ಇರುವ ತಿಂಡಿಗಳನ್ನು ಆಯ್ಕೆ ಮಾಡಿ ಆರೋಗ್ಯ ಕಡೆಗಣಿಸಬೇಡಿ. ಹೆಚ್ಚಿನ ಕೊಬ್ಬು ಇರುವ ಆಹಾರವನ್ನು ತಿನ್ನುವುದನ್ನು ತಡೆಯಲು ನೀವು ಬಫೆಗೆ ಹೋಗುವ ಮೊದಲು ಏನೆಲ್ಲಾ ಆಯ್ಕೆ ಮಾಡಿಕೊಳ್ಳಬೇಕು ಎಂದು ನಿರ್ಧರಿಸಿ. ತೂಕ ಕಳಕೊಳ್ಳಲು ಟಿಪ್ಸ್ ಎಂದರೆ ನೀವು ತುಂಬಾ ಜಿಪುಣನಂತೆ ವರ್ತಿಸಿ ಮತ್ತು ತಿನ್ನಬೇಕಾಗಿರುವ ಆಹಾರ ಆಯ್ಕೆ ಮಾಡಿ. ಸಾಧ್ಯವಾದರೆ ಸಣ್ಣ ಪ್ಲೇಟ್ ಆಯ್ಕೆ ಮಾಡಿ ಮತ್ತು ಮಿತಿಯಲ್ಲಿ ತಿನ್ನಿ. ತಾಜಾ ತರಕಾರಿ ಮತ್ತು ಹಣ್ಣುಗಳು ಒಳ್ಳೆಯ ಆಯ್ಕೆ.

ಪ್ಲೇಟ್ ನಲ್ಲಿರುವುದೆಲ್ಲವನ್ನೂ ತಿನ್ನಬೇಡಿ

ನಿಮ್ಮ ತೂಕದ ಬಗ್ಗೆ ಗಮನಹರಿಸುವುದಾದರೆ ಆತಿಥೇಯರನ್ನು ಖುಷಿಪಡಿಸಲು ನೀವು ಎಲ್ಲಾ ಆಹಾರದ ರುಚಿ ನೋಡಬೇಕೆಂದಿಲ್ಲ. ನಿಮ್ಮ ಆತಿಥೇಯರಿಂದ ಪ್ರಶಂಸೆಗೆ ಒಳಗಾಗಲು ನಿಮ್ಮ ಪ್ಲೇಟ್ ನಲ್ಲಿ ಇರುವುದೆಲ್ಲವನ್ನೂ ಖಾಲಿ ಮಾಡಬೇಕೆಂದಿಲ್ಲ.

ಇಲ್ಲ ಎಂದು ಹೇಳಿ

ನಿಮ್ಮ ಆತಿಥೇಯರಿಗೆ ಇಲ್ಲ ಎಂದು ಹೇಳುವುದು ಕೆಟ್ಟ ಯೋಚನೆಯಲ್ಲ. ದಯವಿಟ್ಟು ಕ್ಷಮಿಸಿ, ಇದು ತುಂಬಾ ಒಳ್ಳೆಯ ಆಹಾರ. ಆದರೆ ನನ್ನ ಹೊಟ್ಟೆ ತುಂಬಿದೆ ಎಂದು ಹೇಳಿ. ನಿರಾಕರಿಸುವಾಗ ದೃಢವಾಗಿರಿ. ಆದರೆ ನಿಮ್ಮ ಆತಿಥೇಯರಿಗೆ ಒಂದು ಧನ್ಯವಾದ ಹೇಳಲು ಮರೆಯಬೇಡಿ.

ಭಾವನಾತ್ಮಕ ಬೆಂಬಲ ಪಡೆಯಿರಿ

ಕಡಿಮೆ ತಿನ್ನುವುದು ನಿಮ್ಮ ಕಡುಬಯಕೆಯನ್ನು ಅಂಚಿನಲ್ಲಿ ತಂದು ನಿಲ್ಲಿಸಬಹುದು. ತೂಕ ಕಡಿಮೆ ಮಾಡುವ ರಜಾ ದಿನಗಳ ಆಹಾರ ಪಥ್ಯವನ್ನು ಮಾಡುವುದು ಮಿತಿಯನ್ನು ಪರೀಕ್ಷಿಸಬಹುದು. ನಿಮ್ಮ ಸ್ನೇಹಿತರು ಇದೇ ಪಥ್ಯ ಅನುಸರಿಸುತ್ತಿದ್ದರೆ ಅವರಿಂದ ಬೆಂಬಲ ಪಡೆಯಿರಿ ಮತ್ತು ನೀವು ತುಂಬಾ ನಿರಾಶರಾದಾಗ ಅವರಿಂದ ಭಾವನಾತ್ಮಕ ಬೆಂಬಲ ಪಡೆಯಿರಿ. ತೂಕ ಕಡಿಮೆಗೊಳಿಸಲು ಜಾಗೃತಿ ಮತ್ತು ಬದ್ಧತೆ ಬೇಕಾಗಿದೆ.

ಪಾನೀಯಗಳಿಗೆ ಕಡಿವಾಣ ಹಾಕಿ

ಯಾವುದೇ ಫಿಜ್ಜಿ ಪಾನೀಯಗಳು ನಿಮ್ಮ ಹೊಟ್ಟೆ ಉಬ್ಬರುವಂತೆ ಮಾಡಬಹುದು. ಪಾನೀಯಗಳಲ್ಲಿ ಇರುವ ಕಾರ್ಬನ್ ಡೈಯಾಕ್ಸೈಡ್ ಹೊಟ್ಟೆಯಲ್ಲಿ ಗಾಳಿ ಹೆಚ್ಚಿಸಿ ಗ್ಯಾಸ್ ಗೆ ಕಾರಣವಾಗಬಹುದು.

ರಜಾ ದಿನಗಳಲ್ಲಿ ಆಹಾರ ತಿನ್ನುವುದರಲ್ಲಿ ನಿಯಂತ್ರಣ ಸಾಧಿಸುವುದರಿಂದ ರಜಾ ದಿನಗಳಲ್ಲಿ ತೂಕ ಹೆಚ್ಚಿಸಿಕೊಳ್ಳುವ ರೋಗದಿಂದ ಪಾರಾಗಬಹುದು. ರಜಾ ದಿನಗಳಲ್ಲಿ ತೂಕ ಹೆಚ್ಚಿಸಿಕೊಳ್ಳಲು ಬಯಸುವುದಿಲ್ಲವೆಂದಾದರೆ ಈ ಟಿಪ್ಸ್ ಗಳನ್ನು ಪಾಲಿಸಿ.