Just In
Don't Miss
- Automobiles ಭಾರತದಲ್ಲಿ ಬಿಡುಗಡೆಗೆ ಸಜ್ಜಾದ ಬಹುನಿರೀಕ್ಷಿತ ಹೊಸ ಸ್ಕೋಡಾ ಸೂಪರ್ಬ್ ಕಾರು
- Movies ಬಿಸಿಲು, ಮಳೆ, ಧೂಳು ಬರಲಿ.. ಯಶ್ ಇದ್ರೆ ಸಾಕು.. ಏನಂತೀರಾ?
- News ಪೂಜೆ ಮಾಡಿದ ಈ ಲಿಂಬೆಹಣ್ಣು ಲಕ್ಷಕ್ಕೆ ಹರಾಜ್! ಶಾಕ್ ಆಡ್ಬೇಡಿ ಇದು ನಿಜ...
- Sports IPL 2024: ಆರ್ಸಿಬಿ vs ಕೆಕೆಆರ್ ಪಂದ್ಯಕ್ಕೂ ಮುನ್ನ ಗಂಭೀರ್ನತ್ತ ಐಸ್-ಕೋಲ್ಡ್ ಲುಕ್ ನೀಡಿದ ಕೊಹ್ಲಿ
- Technology WhatsApp: ವಾಟ್ಸಾಪ್ನಲ್ಲಿ ಈ ಕರೆಗಳನ್ನು ಸ್ವೀಕರಿಸದಂತೆ ಕೇಂದ್ರದಿಂದ ಎಚ್ಚರಿಕೆ! ಯಾಕೆ ಗೊತ್ತಾ?
- Finance 25ನೇ ವಯಸ್ಸಿನಲ್ಲಿ 25,000 ರೂ.ನಿಂದ 7,000 ಕೋಟಿ ಗಳಿಸಿದ ವ್ಯಕ್ತಿ ಬಗ್ಗೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕುಂಬಳಕಾಯಿ ಬೀಜದಲ್ಲಿರುವ ಅದ್ಭುತ ಗುಣಗಳು
ಸಾರು ಅಥವಾ ಪಲ್ಯ ಮಾಡಲು ಕುಂಬಳಕಾಯಿಯನ್ನು ಕತ್ತರಿಸುವಾಗ ಅದರ ಬೀಜವನ್ನು ತೆಗೆದು ಎಸೆಯುವವರೇ ಅಧಿಕ. ಕೆಲವರು ಮಾತ್ರ ಅದನ್ನು ತೆಗೆದು ಇಟ್ಟು ಒಣಗಿಸಿ ಹುರಿದು ತಿನ್ನುತ್ತಾರೆ. ಅದು ರುಚಿಯಾಗಿದೆಯೆಂದು ತಿನ್ನುತ್ತಾರೆ ಹೊರತು ಅದರ ಆರೋಗ್ಯಕರ ಗುಣಗಳ ಬಗ್ಗೆ ತಿಳಿದುಕೊಂಡು ತಿನ್ನುತ್ತಿದ್ದಾರೆ ಎಂದು ಹೇಳಲು ಸಾಧ್ಯವಿಲ್ಲ.
ಆದರೆ ಇದರಲ್ಲಿರುವ ಆರೋಗ್ಯಕರ ಗುಣಗಳ ಬಗ್ಗೆ ತಿಳಿದರೆ ಖಂಡಿತವಾಗಿಯೂ ಇದನ್ನು ಬಿಸಾಡಲು ಮನಸ್ಸಾಗುವುದಿಲ್ಲ, ಬನ್ನಿ ಕುಂಬಳಕಾಯಿ ಬೀಜದಲ್ಲಿರುವ ವಿಶೇಷತೆ ಏನು ಎಂದು ನೋಡೋಣ:
ಮಾನಸಿಕ ಒತ್ತಡವನ್ನು ನಿವಾರಿಸುತ್ತದೆ
ಮಾನಸಿಕ ಒತ್ತಡ ಅನೇಕ ಸಮಸ್ಯೆಗಳನ್ನು ತರುತ್ತದೆ, ಮನಸ್ಸಿನ ನೆಮ್ಮದಿಯನ್ನು ಹಾಳು ಮಾಡುತ್ತದೆ. ಖಿನ್ನತೆ ಕಾಡುತ್ತದೆ. ಈ ಸಮಸ್ಯೆಗಳನ್ನು ಹೋಗಲಾಡಿಸುವಲ್ಲಿ ಕುಂಬಳಕಾಯಿ ಬೀಜ ಸಹಾಯ ಮಾಡುತ್ತದೆ.
ಸಂಧಿವಾತ
ಸಂಧಿವಾತ ಸಮಸ್ಯೆ ಇರುವವರು ಪ್ರತೀದಿನ ಕುಂಬಳಕಾಯಿ ಬೀಜವನ್ನು ತಿನ್ನುವುದು ಒಳ್ಳೆಯದು. ಇದರಲ್ಲಿರುವ ಸತುವಿನಂಶ ಸಂಧಿವಾತ ಕಾಯಿಲೆಯ ವಿರುದ್ಧ ಹೋರಾಡುತ್ತದೆ.
ಕೊಲೆಸ್ಟ್ರಾಲ್
ಅಧಿಕ ಕೊಲೆಸ್ಟ್ರಾಲ್ ಸಮಸ್ಯೆ ಇರುವವರು ಕೂಡ ಪ್ರತೀದಿನ ಕುಂಬಳಕಾಯಿ ಬೀಜ ತಿನ್ನುವುದು ಒಳ್ಳೆಯದು, ಇದರಲ್ಲಿರುವ Phytosterol ಅಂಶ ದೇಹದಲ್ಲಿರುವ ಅಧಿಕ ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡುತ್ತದೆ.
ಕ್ಯಾನ್ಸರ್ ವಿರುದ್ಧ ಹೋರಾಡುತ್ತದೆ
ಎಲ್ಲಾ ಬಗೆಯ ಕ್ಯಾನ್ಸರ್ ಕಣಗಳ ವಿರುದ್ಧ ಹೋರಾಡುವ ಸಾಮರ್ಥ್ಯ ಕ್ಯಾನ್ಸರ್ ಗೆ ಇದೆ. ಅದರಲ್ಲೂ ಸ್ತನ ಕ್ಯಾನ್ಸರ್ ತಡೆಯುವಲ್ಲಿ ತುಂಬಾ ಸಹಕಾರಿಯಾಗಿದೆ.
ಮಧುಮೇಹ
ಮಧುಮೇಹಿಗಳು ಸಿಹಿ ತಿನ್ನಬಾರದು, ಆದರೆ ಸಿಹಿ ಕುಂಬಳಕಾಯಿಯ ಬೀಜ ತಿಂದರೆ ಒಳ್ಳೆಯದು. ಮಧುಮೇಹಿಗಳಲ್ಲಿ ಕಿಡ್ನಿ ಸಮಸ್ಯೆ ಕಾಡುವುದು ಸಹಜ, ಅದನ್ನು ತಡೆಗಟ್ಟುವಲ್ಲಿ ಕುಂಬಳಕಾಯಿ ಬೀಜ ಸಹಾಯ ಮಾಡುತ್ತದೆ.
ನೋವನ್ನು ಕಡಿಮೆ ಮಾಡುತ್ತದೆ
ಉರಿಯೂತದ ಸಮಸ್ಯೆ ಕಂಡು ಬಂದರೆ ಯಾವುದೇ ಅಡ್ಡಪರಿಣಾಮವಿಲ್ಲದೆ ಗುಣಪಡಿಸುವಲ್ಲಿ ಕುಂಬಳಕಾಯಿ ಬೀಜ ಸಹಾಯಮಾಡುತ್ತದೆ.
ಪೋಷಕಾಂಶ
ಕೆಲ ಮಕ್ಕಳು ಚೆನ್ನಾಗಿ ತಿನ್ನುವುದಿಲ್ಲ, ಅಂತಹ ಮಕ್ಕಳಿಗೆ ಕುಂಬಳಕಾಯಿ ಬೀಜ ತಿನ್ನಲು ಕೊಟ್ಟರೆ ಇದು ರುಚಿಯಾಗಿರುವುದರಿಂದ ತಿನ್ನುತ್ತಾರೆ, ಇದರಿಂದಾಗಿ ಪೋಷಕಾಂಶದ ಕೊರತೆ ಉಂಟಾಗುವುದನ್ನು ತಡೆಯಬಹುದು.
ಸೂಪರ್ ಫುಡ್
ವ್ಯಾಯಾಮಕ್ಕೆ ಮುನ್ನ ತಿನ್ನಬಹುದಾದ ಕೆಲವು ಸೂಪರ್ ಫುಡ್ ಗಳಲ್ಲಿ ಕುಂಬಳಕಾಯಿ ಬೀಜ ಕೂಡ ಒಂದು. ಇದು ಶಕ್ತಿವರ್ಧಕವಾಗಿದೆ.
ಹೃದಯದ ಆರೋಗ್ಯಕ್ಕೆ
ಹೃದಯದ ಸಮಸ್ಯೆ ಇರುವವರು ದಿನಾ ಕುಂಬಳಕಾಯಿ ಬೀಜ ತಿಂದರೆ ಹೃದಯದ ಬಡಿತವನ್ನು ಸಮತೋಲನದಲ್ಲಿ ಇಡಲು ಸಹಾಯ ಮಾಡುತ್ತದೆ.