ಸ್ಕಿನ್ ಕ್ಯಾನ್ಸರ್ ನ ಪ್ರಾರಂಭಿಕ ಲಕ್ಷಣಗಳು

Updated: Monday, June 3, 2013, 9:26 [IST]

ಸ್ಕಿನ್ ಕ್ಯಾನ್ಸರ್ ಅನ್ನು ಅದರ ಮೊದಲನೇ ಹಂತದಲ್ಲಿಯೇ ಗುರುತಿಸಬಹುದು. ಸ್ಕಿನ್ ಕ್ಯಾನ್ಸರ್ ಉಂಟಾದರೆ ನಮ್ಮ ದೇಹದಲ್ಲಿ ಅಂದರೆ ತ್ವಚೆಯಲ್ಲಿ ಕೆಲವೊಂದು ಲಕ್ಷಣಗಳು ಕಂಡು ಬರುತ್ತದೆ.

ಸ್ಕಿನ್ ಕ್ಯಾನ್ಸರ್ ಬಂದಾಗ ತ್ವಚೆಯ ಬಣ್ಣ ಬದಲಾಗುತ್ತದೆ, ಉರಿ ಕಂಡು ಬರುವುದು, ಕಪ್ಪು ಕಲೆಗಳು ಕಂಡು ಬರುವುದು. ಸ್ಕಿನ್ ಕ್ಯಾನ್ಸರ್ ನಲ್ಲಿ 2 ವಿಧ. 1. ಮೆಲನೊಮ(melanoma) 2. ನಾನ್ ಮೆಲನೊಮ(non-melaoma). ಸೂರ್ಯನ ನೇರಳಾತೀತ ಕಿರಣಗಳು ತ್ವಚೆ ಕ್ಯಾನ್ಸರ್ ಬರಲು ಪ್ರಮುಖ ಕಾರಣ. ಅದರಲ್ಲೂ non-melaoma ಕ್ಯಾನ್ಸರ್ ಸುಲಭದಲ್ಲಿ ಗುಣವಾಗುವುದಿಲ್ಲ. ತ್ವಚೆ ಕ್ಯಾನ್ಸರ್ ಅನ್ನು ಮೊದಲನೇ ಹಂತದಲ್ಲಿ ಕಂಡು ಹಿಡಿದರೆ ಸುಲಭವಾಗಿ ಗುಣ ಪಡಿಸಬಹುದು.

ತ್ವಚೆ ಕ್ಯಾನ್ಸರ್ ಬಂದರೆ ಮೊದಲಿಗೆ ದೇಹದಲ್ಲಿ ಈ ಕೆಳಗಿನ ಲಕ್ಷಣಗಳು ಕಂಡು ಬರುತ್ತದೆ:

ಗುಳ್ಳೆ(Spot)

ತ್ವಚೆಯಲ್ಲಿ ಗುಳ್ಳೆಗಳು ಕಂಡು ಬಂದು 4 ವಾರಗಳಾದರೂ ಗುಣವಾಗಿಲ್ಲವೇ , ಅದನ್ನು ಕಡೆಗಣಿಸಬೇಡಿ. ಅದು ತ್ವಚೆ ಕ್ಯಾನ್ಸರ್ ನ ಲಕ್ಷಣವಾಗಿರಬಹುದು. ಈ ಗುಳ್ಳೆಗಳು ನೋವಿನಿಂದ ಕೂಡಿರುತ್ತದೆ ಮತ್ತು ಅದರಿಂದ ರಕ್ತ ಕೂಡ ಸೋರಬಹುದು.

ಇಸಬು, ಚರ್ಮದ ಉರಿಯೂತ(Eczema)

ಇದು ಕೂಡ ತ್ವಚೆ ಕ್ಯಾನ್ಸರ್ ನ ಒಂದು ಲಕ್ಷಣವಾಗಿದೆ. ಹಾಗಂತ ಚರ್ಮದ ಉರಿಯೂತ ಕಾಣಿಸಿಕೊಂಡ ತಕ್ಷಣ ಕ್ಯಾನ್ಸರ್ ಇರಬಹುದೆಂದು ಭಯ ಬೀಳಬೇಡಿ. ವೈದ್ಯರನ್ನು ಕಾಣಿ. ಅಂಗೈ, ಮೊಣಕೈ, ಮಣಿಗಂಟು ಇವುಗಳಲ್ಲಿ ಉರಿಯೂತ ಕಂಡು ಬರುವುದು.

ಕೆಂಪು ಗುಳ್ಳೆಗಳು(Rosacea)

ಮೂಗು, ಕೆನ್ನೆ, ಗಲ್ಲ, ಹಣೆ, ಕಣ್ಣು ಕೆಂಪಾಗುವುದು, ಗುಳ್ಳೆ ಬಂದು ಕೀವು ಕೂಡ ಕಂಡು ಬರುವುದು.

ಮಚ್ಚೆ

ಮಚ್ಚೆ ಬಂದ ತಕ್ಷಣ ಹೆದರಬೇಕಾಗಿಲ್ಲ, ಆದರೆ ಆ ಮಚ್ಚೆ ದೊಡ್ಡದಾದರೆ ಮಾತ್ರ ಚಿಂತಿಸಬೇಕು. ಅದರಲ್ಲೂ ಮಚ್ಚೆಯ ಸುತ್ತಲಿನ ಚರ್ಮ ಕಪ್ಪು ಬಣ್ಣಕ್ಕೆ ತಿರುಗುತ್ತದೆ. ಈ ರೀತಿ ಕಂಡು ಬಂದರೆ ನಿರ್ಲಕ್ಷ್ಯ ತೋರಬೇಡಿ.