ಅಪಧಮನಿಗಳಲ್ಲಿನ ತೊಂದರೆಯ ಲಕ್ಷಣಗಳು

ತೀಕ್ಷ್ಣ ನೋವು

ನಿಮಗೆ ಇದ್ದಕ್ಕಿದ್ದಂತೆ ಯಾರೋ ಚಾಕುವಿನಿಂದ ಇರಿದಂತಹ ಅನುಭವವಾಗುವಂತಹ ತೀಕ್ಷ್ಣ ನೋವು ಹೃದಯದಲ್ಲಿ ಕಾಣಿಸಿಕೊಂಡರೆ ತಕ್ಷಣ ಪರೀಕ್ಷೆ ಮಾಡಿಸಿಕೊಳ್ಳಿ. ಇದು ಅಪಧಮನಿಯಲ್ಲಿ ಏನೋ ತೊಂದರೆಯಾಗಿದೆ ಎಂದು ಸೂಚಿಸುವಂತಹ ಲಕ್ಷಣ.

ಶಿಶ್ನದ ನಿಮಿರುವಿಕೆಯಲ್ಲಿ ತೊಂದರೆ

ಗಂಡಸರಿಗೆ ಶಿಶ್ನದ ನಿಮಿರುವಿಕೆಯಲ್ಲಿ ಮತ್ತಿತರ ಲೈಂಗಿಕ ಕ್ರಿಯೆಯಲ್ಲಿ ತೊಂದರೆ ಕಾಣಿಸಿಕೊಂಡರೆ ಇದು ಪೆಲ್ವಸ್ ನಲ್ಲಿ ರಕ್ತಪರಿಚಲನೆಯಲ್ಲಿ ತೊಂದರೆಯಿದೆ ಎಂದರ್ಥ. ಹೃದಯಾಘಾತಕ್ಕೆ ಮುನ್ನ ಈ ತೊಂದರೆ ಕಾಣಿಸಿಕೊಳ್ಳಬಹುದು.

ಬಳಲಿಕೆ

ಅಸಹಜ ರಕ್ತಪರಿಚಲನೆಯಿಂದಾಗಿ ನೀವು ಬಹುಬೇಗ ಸುಸ್ತಾಗಿಬಿಡುವಿರಿ. ಇದು ಕೂಡ ಹೃದಯಾಘಾತದ ಆರಂಭಿಕ ಲಕ್ಷಣಗಳಲ್ಲೊಂದು. ನಿರ್ಲಕ್ಷ್ಯಮಾಡದೆ ಪರೀಕ್ಷೆ ಮಾಡಿಸಿಕೊಳ್ಳಿ.

ಎದೆಯುರಿ

ನೀವು ದಿನವೂ ಎದೆಯುರಿಯಿಂದ ಬಳಲುತ್ತಿದ್ದು ಅಜೀರ್ಣದ ಸಮಸ್ಯೆಯಿದ್ದರೆ ಇದು ಕೂಡ ಅಪಧಮನಿಯೊಂದಿಗೆ ಸಂಬಂಧ ಹೊಂದಿದೆ ಎಂದರ್ಥ.

ಸರಿಯಾಗಿ ನಿದ್ದೆ ಮಾಡಲಾಗದಿರುವುದು

ಇದು ಹೃದಯಾಘಾತದ ಪ್ರಮುಖ ಲಕ್ಷಣ. ಒತ್ತಡ, ಖಿನ್ನತೆ ಮತ್ತು ಆತಂಕ ಹೃದಯದ ಸ್ಥಿತಿಯ ಮೇಲೆ ಗಾಢ ಪರಿಣಾಮ ಬೀರುತ್ತದೆ.

ಗಮನಕೇಂದ್ರಿಕರಿಸಲು ಸಾಧ್ಯವಾಗದಿರುವುದು

ಯಾವುದರಲ್ಲೂ ಆಸಕ್ತಿ ಇಲ್ಲ, ಏನು ಮಾಡಲು ಮನಸ್ಸಾಗುತ್ತಿಲ್ಲ ಎಂದರೆ ಏನೋ ತೊಂದರೆಯಾಗಿದೆ ಎಂದರ್ಥ. ಹೃದಯಾಘಾತದಿಂದ ದೂರವುಳಿಯಲು ಯೋಗಾಭ್ಯಾಸ ಮಾಡಿ.

ಉಸಿರಾಟದ ತೊಂದರೆ

ಅಪಧಮನಿಗಳಲ್ಲಿ ರಕ್ತ ಹೆಪ್ಪುಗಟ್ಟಲಾರಂಭಿಸಿದಾಗ ನಿಮಗೆ ಉಸಿರಾಡಲು ತೊಂದರೆಯಾಗುತ್ತದೆ. ನೀವು ಬಹಳ ಸುಲಭವಾಗಿ ಸುಸ್ತಾಗಿ ಬಿಡುವಿರಿ ಮತ್ತು ಉಸಿರಾಡಲು ಕಷ್ಟ ಪಡುವಿರಿ.

ಬೋಳುತಲೆ

ನೆತ್ತಿಯ ಮೇಲೆ ವೇಗವಾಗಿ ಕೂದಲುದುರುತ್ತಿದ್ದರೆ ಇದು ಅಪಧಮನಿಗಳಲ್ಲಿ ತೊಂದರೆಯ ಸೂಚನೆ. ಈ ಸಮಸ್ಯೆ ಗಂಡು ಹೆಣ್ಣು ಇಬ್ಬರಲ್ಲೂ ಕಾಣಿಸಿಕೊಳ್ಳಬಹುದು.

ಇಯರ್ ಕ್ರೀಸ್

ಕಿವಿಯಲ್ಲಿನ ಒಂದು ನಾಳ ನೇರವಾಗಿ ಹೃದಯದೊಂದಿಗೆ ಸಂಪರ್ಕಹೊಂದಿರುತ್ತದೆ. ಇಯರ್ ಕ್ರೀಸ್ ನ ತೊಂದರೆ ಕಾಣಿಸಿಕೊಳ್ಳುವುದು ಈ ನಾಳದಲ್ಲಿಯೇ. ಅಪಧಮನಿಗಳಲ್ಲಿನ ರಕ್ತಪರಿಚಲನೆಗೆ ತೊಂದರೆಯುಂಟಾದಾಗ ಈ ತೊಂದರೆ ಕಾಣಿಸಿಕೊಳ್ಳುತ್ತದೆ.

ಮೀನುಖಂಡಗಳಲ್ಲಿನ ನೋವು

ಸಿಹೆಚ್ ಡಿ ಕಾಣಿಸಿಕೊಳ್ಳುವ ಮೊದಲು ಕಾಲಿನ ಅಪಧಮನಿಗಳಲ್ಲಿ ರಕ್ತಪರಿಚಲನೆಗೆ ತೊಂದರೆಯುಂಟಾಗಿ ನೋವು ಕಾಣಿಸಿಕೊಳ್ಳಬಹುದು. ಧೂಮಪಾನಿಗಳಲ್ಲಿ ಇದನ್ನು ಹೆಚ್ಚಾಗಿ ಕಾಣುತ್ತೇವೆ. ನಡೆಯುವಾಗ ಅಥವ ಕೆಲಸಮಾಡುವಾಗ ಈ ನೋವು ಕಾಣಿಸಿಕೊಳ್ಳುತ್ತದೆ.