ವೈದ್ಯರು ತಕ್ಷಣ ಗುರುತಿಸದ 6 ಭಯಂಕರ ಕಾಯಿಲೆಗಳು!

1. ವಾಸೋಮೋಟಾರ್ ರಿಂಟಿಸ್ (ಮೂಗು ಸೋರುವಿಕೆ)

ಮೂಗುಸೋರುವಿಕೆಯ ಲಕ್ಷಣಗಳನ್ನು ಸಾಮಾನ್ಯ ಅಲರ್ಜಿಯ ಲಕ್ಷಣಗಳೊಂದಿಗೆ ಹೋಲಿಕೆ ಮಾಡುವ ಸಾಧ್ಯತೆಗಳಿವೆ. ನಿಮ್ಮ ವೈದ್ಯರು ನಿಮ್ಮ ಲಕ್ಷಣಗಳನ್ನು ಸಾಮಾನ್ಯ ಅಲರ್ಜಿ ಎಂದು ಪರಿಗಣಿಸಿದರೆ ಅಥವಾ ನೀವು ಸರಿಯಾಗಿ ನಿಮ್ಮ ವೈದ್ಯರಿಗೆ ನಿಮ್ಮ ರೋಗ ಲಕ್ಷಣಗಳನ್ನು ತಿಳಿಯಪಡಿಸದೇ ಇದ್ದಲ್ಲಿ ತಪ್ಪು ಗ್ರಹಿಕೆ ಸಾಧ್ಯವಿದೆ. ನೀವು ಸುಗಂಧ ದ್ರವ್ಯ, ಕೆಲವು ಆಹಾರಗಳು ಇತ್ಯಾದಿಗಳಿಂದ ಅಲರ್ಜಿ ಹೊಂದಿದ್ದರೆ ಹಾಗೂ ಕಣ್ಣಲ್ಲಿ ನೀರು ಸೋರುವಿಕೆ, ಮೂಗು ಸೋರುವಿಕೆ ಇದ್ದಲ್ಲಿ ಅಲರ್ಜಿ ಪರೀಕ್ಷೆಯನ್ನು ಮಾಡಿಸಿಕೊಳ್ಳಲು ಮರೆಯದಿರಿ.

2.ಉದರದ ತೊಂದರೆ

ಇದು ಜೀರ್ಣ ಸಮಸ್ಯೆಯಿಂದ ಹಾಗೂ ಕೆಲವು ಅಂಟು ಪದಾರ್ಥಗಳ ಸೇವನೆಯಿಂದ ಉಂಟಾಗುವ ರೋಗ ಲಕ್ಷಣವಾಗಿದೆ. ಈ ಸಮಸ್ಯೆಯಿಂದ ಬಳಲುತ್ತಿರುವ ರೋಗಿಗಳು ಆಹಾರದಲ್ಲಿರುವ ಪೋಷಕಾಂಶಗಳನ್ನು ಪಡೆಯುವಲ್ಲಿ ವಿಫಲರಾಗುತ್ತಾರೆ ಇದಕ್ಕೆ ಕಾರಣ ಅವರ ಸಣ್ಣ ಕರುಳು ಆರೋಗ್ಯಕರವಾಗಿರುವುದಿಲ್ಲ. ಇದರ ಸಾಮಾನ್ಯ ರೋಗ ಲಕ್ಷಣಗಳೆಂದರೆ ಭೇದಿ, ಹೊಟ್ಟೆ ಉಬ್ಬುವುದು, ಮತ್ತು ಅನಿಯಮಿತ ಕರುಳಿನ ಚಲನೆಗಳು.

3.ಥೈರಾಯ್ಡ್ ಅನಾರೋಗ್ಯಗಳು

ಥೈರಾಯ್ಡ್ ಸಮಸ್ಯೆಯಿಂದ ಬಳಲುತ್ತಿರುವ ರೋಗಿಗಳಲ್ಲಿ ಮೊದಲು ಕಂಡುಬರುವ ರೋಗ ಲಕ್ಷಣಗಳೆಂದರೆ ಪ್ಯಾನಿಕ್ ಅಟಾಕ್ಸ್ ಮತ್ತು ಹೃದಯದ ನಾಡಿ ಮಿಡಿತದಲ್ಲಿ ವಿಪರೀತ ಏರಿಳಿತ. ಇಂತಹ ರೋಗಿಗಳು ಚಯಾಪಚಯ ಕ್ರಿಯೆಗಳಲ್ಲೂ ಸಮಸ್ಯೆಗಳನ್ನು ಎದುರಿಸುವ ಸಾಧ್ಯತೆಗಳಿವೆ. ಇದರ ಜೊತೆಗೆ ಸ್ನಾಯು ಸೆಳೆತ, ಗಂಟು ನೋವು ಹಾಗೂ ಬೆಳವಣಿಗೆಯಲ್ಲೂ ಏರುಪೇರಾಗುವ ಸಾಧ್ಯತೆಗಳಿವೆ. ಥೈರಾಯ್ಡ್ ನ ಲಕ್ಷಣಗಳನ್ನು ಹೆಚ್ಚಿನ ಸಂದರ್ಭಗಳಲ್ಲಿ ಖಿನ್ನತೆಯ ಲಕ್ಷಣಗಳೊಂದಿಗೆ ತಪ್ಪಾಗಿ ಗ್ರಹಿಸುವ ಸಾಧ್ಯತೆಗಳಿವೆ.

4.ಕ್ಯಾನ್ಸರ್

ಒಂದು ಅತಿ ದೊಡ್ಡ ದುರಂತ ಎಂದರೆ ವೈದ್ಯರು ಕ್ಯಾನ್ಸರ್ ನ ಲಕ್ಷಣಗಳನ್ನು ಸಾಮಾನ್ಯ ನೆಗಡಿ ಅಥವಾ ಜ್ವರದ ಲಕ್ಷಣಗಳೊಂದಿಗೆ ತಪ್ಪಾಗಿ ಗ್ರಹಿಸುವುದು. ಬಿಳಿ ರಕ್ತ ಕಣಗಳ ಅನಿಯಮಿತ ಹಿಗ್ಗುವಿಕೆಯಿಂದ ಇದು ಉಂಟಾಗುತ್ತದೆ ಹಾಗೂ ಇದು ಒಬ್ಬ ರೋಗಿಯಿಂದ ಮತ್ತೊಬ್ಬ ರೋಗಿಗೆ ವಿಭಿನ್ನ ಲಕ್ಷಣಗಳನ್ನು ತೊರಿಸುತ್ತದೆ. ಇದರ ಸಾಮಾನ್ಯ ಲಕ್ಷಣಗಳೆಂದರೆ ಹಸಿವಾಗದಿರುವುದು, ಅಸಾಮಾನ್ಯ ಬೆವರುವಿಕೆ ಹಾಗೂ ಜ್ವರ. ಕ್ಯಾನ್ಸರ್ ನಿಂದ ಬಳಲುವ ರೋಗಿಯೂ ಅನಿಯಮಿತ ಹಾಗೂ ಸರಿಯಾದ ಕಾರಣವಿಲ್ಲದ ತೂಕ ಇಳಿತವನ್ನು ಅನುಭವಿಸುತ್ತಾರೆ, (ಇದುವರೆಗೆ ಸರಿಯಾಗಿ ರೋಗವನ್ನು ಗುರುತಿಸದೇ ಇದ್ದಲ್ಲಿ.)

5. ಹೃದಯಾಘಾತ

ಹೃದಯಾಘಾತ ಬಹಳ ಅಪಾಯಕಾರಿ ಮತ್ತು ಆಘಾತಕ್ಕೊಳಪಟ್ಟವನ ಪ್ರಾಣಕ್ಕೇ ಮಾರಕ ಎನ್ನುವುದರಲ್ಲಿ ಅನುಮಾನವೇ ಇಲ್ಲ. ರಕ್ತನಾಳಗಳಲ್ಲಿ ಹರಿಯುತ್ತಿರುವ ರಕ್ತವು ನಿಂತು ಹೋಗುತ್ತದೆ ಮತ್ತು ಇದರ ರೋಗ ಲಕ್ಷಣಗಳೆಂದರೆ ಆಯಾಸ, ಉಸಿರಾಡಲು ಕಷ್ಟವಾಗುವುದು ಅಥವಾ ಹೃದಯದಲ್ಲಿ ನೋವು. ಇದನ್ನು ಹೆಚ್ಚಿನ ಸಂದರ್ಭಗಳಲ್ಲಿ ಒತ್ತಡದಿಂದಾದ ನೋವು ಅಥವಾ ಬರಿಯ ನೋವು ಎಂದು ತಪ್ಪು ತಿಳಿಯುವ ಸಾಧ್ಯತೆಗಳಿವೆ.

6.ಬ್ಯಾಕ್ಟೀರಿಯಾಗಳಿಂದಾದ ಮಿದುಳ್ಪೊರೆ ಉರಿತ

ಈ ಲಕ್ಷಣದಲ್ಲಿ ನಿಮ್ಮ ಬೆನ್ನಮೂಳೆಯಲ್ಲಿ ಊತ ಕಾಣಿಸಿಕೊಳ್ಳಬಹುದು ಇದನ್ನು ಹೆಚ್ಚಿನ ಸಂದರ್ಭಗಳಲ್ಲಿ ಜ್ವರ ಎಂದು ಭಾವಿಸುವ ಸಾಧ್ಯತೆಗಳಿವೆ ಇದಕ್ಕೆ ಕಾರಣ ರೋಗ ಲಕ್ಷಣಗಳು ಒಂದೇ ಆಗಿರುವುದು. ಅವುಗಳೆಂದರೆ ತುರಿಕೆ, ಬಿಗಿಯಾದ ಕತ್ತು ಹಾಗೂ ಜ್ವರ. ಇದು ಮುಂದೆ ಪಾರ್ಶ್ಚವಾಯುವಿಗೂ ಎಡೆಮಾಡಿಕೊಡಬಹುದು.

ನಿಮ್ಮ ವೈದ್ಯರು ನಿಮ್ಮ ರೋಗವನ್ನು ತಪ್ಪಾಗಿ ಅರ್ಥೈಸಿಕೊಳ್ಳುವುದಿಲ್ಲ ಎಂದು ದೃಢಪಡಿಸಲು ನಿಮ್ಮ ಎಲ್ಲಾ ರೋಗ ಲಕ್ಷಣಗಳನ್ನು ಸರಿಯಾಗಿ ವೈದ್ಯರಲ್ಲಿ ತಿಳಿಸಿ. ನಿಮ್ಮ ವೈದ್ಯರು ನಿಮ್ಮ ರೋಗ ಲಕ್ಷಣಗಳ ಬಗ್ಗೆ ಸರಿಯಾದ ಗಮನ ಹರಿಸುವುದಿಲ್ಲ ಎಂದು ಅನ್ನಿಸಿದರೆ ಎರಡನೆಯ ಸಲಹೆಯನ್ನು ಪಡೆಯಲು ಹಿಂಜರಿಯದಿರಿ. ಸುರಕ್ಷಿತವಾಗಿರುವುದು ಮತ್ತೆ ಮರುಗುವುದಕ್ಕಿಂತ ಉತ್ತಮ.