ಕಿವಿಯನ್ನು ಸ್ವಚ್ಛ ಮಾಡಲು 4 ವಿಧಾನ

ದೇಹದ ಸ್ವಚ್ಛವಾಗಿರಲು ಸ್ನಾನ ಮಾತ್ರ ಮಾಡಿದರೆ ಸಾಲದು. ಹಲ್ಲು ಮತ್ತು ಬಾಯಿಯನ್ನು ಸ್ವಚ್ಛವಾಗಿಡಬೇಕು. ಕಿವಿಯನ್ನು ಶುದ್ಧವಾಗಿಡಬೇಕು. ಹಾಗಂತ ಕಿವಿಗೆ ಪಿನ್ನು, ಕಡ್ಡಿ ಈ ರೀತಿಯ ವಸ್ತುಗಳನ್ನು ಹಾಕಿ ಸ್ವಚ್ಛ ಮಾಡಲು ಹೋಗಬಾರದು. ಏಕೆಂದರೆ ಈ ರೀತಿ ಮಾಡಿದರೆ ಕಿವಿಯ ತಮಟೆಗೆ ಹಾನಿ ಉಂಟಾಗುತ್ತದೆ. ಕಿವಿ ಸ್ವಚ್ಛ ಮಾಡಲು ಇಯರ್ ಬಡ್ಸ್ ಗಳು ದೊರೆಯುತ್ತವೆ. ಅವುಗಳಿಂದ ಸ್ವಚ್ಛ ಮಾಡಬಹುದು.

ಇಲ್ಲಿ ನಾವು ಕಿವಿಯ ಸ್ವಚ್ಛತೆಯನ್ನು ಕಾಪಾಡಲು 4 ವಿಧಾನಗಳನ್ನು ವಿವರಿಸಿದ್ದೇವೆ. ಅವುಗಳನ್ನು ಪಾಲಿಸಿದರೆ ಕಿವಿ ಸ್ವಚ್ಛವಾಗಿರುವುದು ಮಾತ್ರವಲ್ಲದೆ ಕಿವಿಯ ಆರೋಗ್ಯ ಹೆಚ್ಚಾಗುವುದು.

ತೇವ ಬಟ್ಟೆ: ತೇವ ಬಟ್ಟೆಯನ್ನು ಬಳಸಿ ಕಿವಿಯನ್ನು ಸ್ವಚ್ಛವಾಗಿ ಮತ್ತು ಆರೋಗ್ಯವಾಗಿ ಇಡಬಹುದು.ಕಿವಿಯಲ್ಲಿರುವ ಗುಗ್ಗೆಯನ್ನು ತೆಗೆಯಲು ಕಿವಿಯ ಆಳಕ್ಕೆ ಕಡ್ಡಿಗಳನ್ನು ಹಾಕುವ ಅಗತ್ಯವಿಲ್ಲ. ಅವು ತನ್ನಷ್ಟಕ್ಕೆ ಮೇಲ್ಭಾಗಕ್ಕೆ ಬರುತ್ತದೆ. ಆಗ ತೇವವಾದ ಬಟ್ಟೆಯಿಂದ ತೆಗೆದರೆ ಸಾಕು, ಕಿವಿ ಸ್ವಚ್ಛವಾಗುವುದು.

ಎಣ್ಣೆ ಬಿಡುವುದು: ಗುಗ್ಗೆ ಕಿವಿಯಲ್ಲಿಯೇ ನಿಂತರೆ ಕಿವು ನೋವು ಬರುವುದು ಮತ್ತು ಕಿವಿ ಸರಿಯಾಗಿ ಕೇಳಿಸುವುದಿಲ್ಲ. ವಾರಕ್ಕೆ ಒಂದು ಬಾರಿ 1/2 ಚಮಚ ತೆಂಗಿನೆಣ್ಣೆಯನ್ನು ಬಿಸಿ ಮಾಡಿ, ಬಿಸಿ ಸ್ವಲ್ಪ ಆರಿದ ಮೇಲೆಕಿವಿಗೆ ಹಾಕಿದರೆ ಕಿವಿ ಗುಗ್ಗೆ ಹೊರಬರುವುದು.

ನೀರು: ಅರ್ಧ ಚಮಚ ನೀರಿಗೆ 2-3 ಹನಿ ಪರಾಕ್ಸೈಡ್ ಹಾಕಿ ನಂತರ ಅದನ್ನು ಕಿವಿಗೆ ಹಾಕಿದರೆ ಕಿವಿಯಲ್ಲಿರುವ ಗುಗ್ಗೆ ಹೊರಬರುತ್ತದೆ. ನಂತರ ಅದನ್ನು ತೆಗೆಯಬೇಕು.

ಇಯರ್ ಬಡ್ಸ್: ಕಿವಿಯನ್ನು ಸ್ವಚ್ಛ ಮಾಡಲು ಇಯರ್ ಬಡ್ಸ್ ಹೆಚ್ಚಾಗಿ ಉಪಯೋಗಿಸಲಾಗುವುದು. ಪ್ರತಿದಿನ ಇಯರ್ ಬಡ್ಸ್ ನಿಂದ ಕಿವಿಯ ಗುಗ್ಗೆ ತೆಗೆದರೆ ಗುಗ್ಗೆಯಿಂದಾಗಿ ಕಿವಿಗೆ ಸಮಸ್ಯೆ ಉಂಟಾಗುವುದನ್ನು ತಡೆಯಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.