ಸೋಡಾ ಕುಡಿದರೆ ಆರೋಗ್ಯ ಹಾಳಾಗುವುದೇ?

Wellness

oi-Reena

By Hema S

Updated: Monday, November 19, 2012, 11:26 [IST]

ಸೋಡಾ ಹೆಚ್ಚಿನವರ ಮೆಚ್ಚಿನ ಪಾನೀಯವಾಗಿದೆ. ಕೆಲವರಂತೂ ಪ್ರತಿದಿನ ಸೋಡಾ ಕುಡಿಯುವ ಅಭ್ಯಾಸ ಬೆಳೆಸಿಕೊಂಡಿರುತ್ತಾರೆ. ಆದರೆ ಈ ಸೋಡಾ ಆರೋಗ್ಯಕ್ಕೆ ಒಳ್ಳೆಯದೇ? ಖಂಡಿತ ಅಲ್ಲ, ಏಕೆಂದರೆ ಇದನ್ನು ಕುಡಿದರೆ ಮೂಳೆಗಳಿಗೆ ಹಾನಿಯನ್ನು ಉಂಟು ಮಾಡುತ್ತದೆ ಹಾಗೂ ದೇಹದ ತೂಕವನ್ನು ಹೆಚ್ಚು ಮಾಡುತ್ತದೆ. ಅದರಲ್ಲೂ ಸೋಡಾ ಕುಡಿಯಬಾರದು ಅನ್ನುವುದಕ್ಕೆ ಮುಖ್ಯವಾದ 6 ಕಾರಣಗಳನ್ನು ಹೇಳಬಹುದು. ಅವು ಯಾವುವು ಎಂದು ತಿಳಿಯೋಣ ಬನ್ನಿ.

1. ರಾಸಾಯನಿಕ: ಸೋಡಾದಲ್ಲಿ ಕೃತಕ ಸಿಹಿಯನ್ನು ಸೇರಿಸಿರುತ್ತಾರೆ. ಆದ್ದರಿಂದ ಸೋಡಾವನ್ನು ಅಧಿಕ ಕುಡಿಯುವುದು ಆರೋಗ್ಯಕ್ಕೆ ಒಳ್ಳೆಯದಲ್ಲ.

2. ಕ್ಯಾಲ್ಸಿಯಂ ಕಡಿಮೆಯಾಗುವುದು: ಸೋಡಾ ಅಧಿಕ ಕುಡಿದರೆ ಇದು ದೇಹವು ಕ್ಯಾಲ್ಸಿಯಂ ಅಂಶವನ್ನು ಹೀರಿಕೊಳ್ಳುವ ಸಾಮರ್ಥ್ಯವನ್ನು ಕಡಿಮೆ ಮಾಡುತ್ತದೆ. ಆದ್ದರಿಂದ ದೇಹದಲ್ಲಿ ಕ್ಯಾಲ್ಸಿಯಂ ಅಂಶ ಕಡಿಮೆಯಾಗಿ ಮೂಳೆಗಳಿಗೆ ಹಾನಿ ಉಂಟಾಗುತ್ತದೆ.

3. ಕೆಫೀನ್ ಅಂಶ: ಸೋಡಾದಲ್ಲಿ ಕೆಫೀನ್ ಅಂಶವಿರುತ್ತದೆ. ಅಧಿಕವಾಗಿ ಕೆಫೀನ್ ಅಂಶ ದೇಹವನ್ನು ಸೇರಿದರೆ ಹೊಟ್ಟೆನೋವು, ಒತ್ತಡ ಮುಂತಾದ ಸಮಸ್ಯೆಗಳು ಕಂಡು ಬರಬಹುದು.

4. ಚಟ: ತುಂಬಾ ಸೋಡಾ ಕುಡಿಯುವ ಅಭ್ಯಾಸ ಬೆಳೆಸಿಕೊಂಡರೆ ನಂತರ ಅದೊಂದು ಚಟವಾಗಿ ಬಿಡುತ್ತದೆ. ನಂತರ ಒಂದು ದಿನ ಸೋಡಾ ಕುಡಿಯದಿದ್ದರೆ ಹೊಟ್ಟೆ ಹಸಿವು, ಮಾನಸಿಕ ಒತ್ತಡ, ತಲೆನೋವು ಮುಂತಾದ ಸಮಸ್ಯೆಗಳು ಕಂಡು ಬರುವುದು.

5. ಹಲ್ಲು: ಸೋಡಾದಲ್ಲಿ ಕೃತಕ ಸಿಹಿ ಇರವುದರಿಂದ ಹಲ್ಲಿನ ಆರೋಗ್ಯವನ್ನು ಹಾಳು ಮಾಡುತ್ತದೆ.

6. ರೋಗ ನಿರೋಧಕ ಸಾಮರ್ಥ್ಯ: ಸೋಡಾ ಕುಡಿಯುವ ಅಭ್ಯಾಸ ಬೆಳಸಿಕೊಂಡರೆ ರೋಗ ನಿರೋಧಕ ಸಾಮರ್ಥ್ಯ ಕಡಿಮೆಯಾಗುವುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.