ಅಧಿಕ ವ್ಯಾಯಾಮದಿಂದ ಆರೋಗ್ಯಕ್ಕೆ ಅಪಾಯ!

Wellness

oi-Reena

By Hema S

Published: Tuesday, April 3, 2012, 9:04 [IST]

ದೇಹ ಆರೋಗ್ಯವಾಗಿರಲು ವ್ಯಾಯಾಮ ಮಾಡಬೇಕು. ಆದರೆ ಮಿತಿ ಮೀರಿದ ವ್ಯಾಯಾಮದಿಂದ ಅಡ್ಡಪರಿಣಾಮ ಕೂಡ ಉಂಟಾಗುತ್ತದೆ. ತುಂಬಾ ಹೊತ್ತು ವ್ಯಾಯಾಮ ಮಾಡುವುದರಿಂದ ದೇಹದ ತೂಕ ಕಡಿಮೆಯಾಗುತ್ತದೆ ಆದರೆ ಅದು ಆರೋಗ್ಯಕರವಾದ ತೂಕದ ಇಳಿಕೆಯಲ್ಲ.

ಏಕೆಂದರೆ ತುಂಬ ಹೊತ್ತು ವ್ಯಾಯಾಮ ಮಾಡಿದರೆ ಹೊಟ್ಟೆ ಹಸಿವು ಪ್ರಾರಂಭವಾಗಿ ದೇಹದಲ್ಲಿ ಕೋರ್ಟಿಸೋಲ್ ಎಂಬ ಹಾರ್ಮೋನ್ ಬಿಡುಗಡೆಯಾಗುತ್ತದೆ. ಈ ಹಾರ್ಮೋನ್ ದೇಹದಲ್ಲಿರುವ ಸ್ನಾಯುಗಳ ಸಾಮರ್ಥ್ಯವನ್ನು ಕುಗ್ಗಿಸಲಾರಂಭಿಸುತ್ತದೆ. ಮಿತಿ ಮೀರಿ ವ್ಯಾಯಾಮ ಮಾಡಿದರೆ ಈ ಕೆಳಗಿನ ಅಪಾಯಗಳು ಉಂಟಾಗುವುದು:

1. ಮೂಳೆ ಮುರಿಯುವುದು: ದೇಹದ ಸಾಮರ್ಥ್ಯಕ್ಕೆ ಮೀರಿ ವ್ಯಾಯಾಮ ಮಾಡಿದರೆ ಮೂಳೆ ಬಲವಾಗುವುದರ ಬದಲು ಮೂಳೆ ಮುರಿತ ಉಂಟಾಗುವುದು. ಅಲ್ಲದೆ ದೇಹದ ಅಂಗಾಂಶಗಳಲ್ಲಿ ನೋವು, ಸ್ನಾಯು ಸೆಳೆತ ಮುಂತಾದ ತೊಂದರೆ ಉಂಟಾಗುವುದು.

2. ರೋಗ ನಿರೋಧಕ ಸಾಮರ್ಥ್ಯ ಕುಂದುವುದು: ವ್ಯಾಯಾಮ ತುಂಬಾ ಹೊತ್ತು ಮಾಡುವುದರಿಂದ ರೋಗ ನಿರೋಧಕ ಸಾಮರ್ಥ್ಯ ಕಡಿಮೆಯಾಗುವುದು. ಇದರಿಂದಾಗಿ ದೇಹಕ್ಕೆ ಶೀತ, ಸೋಂಕಾಣುಗಳ ವಿರುದ್ಧ ಹೋರಾಡುವ ಸಾಮರ್ಥ್ಯ ಕಡಿಮೆಯಾಗುವುದು. ಅಲ್ಲದೆ ದೇಹಕ್ಕೆ ಅಗತ್ಯವಾದ ಪೋಷಕಾಂಶಗಳು ಕೂಡ ಅಧಿಕ ವ್ಯಾಯಾಮ ಮಾಡಿದಾಗ ವ್ಯಯವಾಗುವುದರಿಂದ ಸದೃಢರಾಗುವ ಬದಲು ರೋಗಗ್ರಸ್ಥರಾಗಬೇಕಾಗುತ್ತದೆ.

3. ಮುಟ್ಟಿನ ತೊಂದರೆ: ಅಮೆನೊರೆಹಾ ಈ ರೀತಿಯ ತೊಂದರೆ ಸ್ಪೋರ್ಟ್ಸ್ ನಲ್ಲಿರುವ ಮಹಿಳೆಯಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ. ತುಂಬಾ ಹೊತ್ತು ಕಠಿಣವಾದ ಅಭ್ಯಾಸ ಮಾಡುವುದರಿಂದ ಮೂಳೆಗಳಲ್ಲಿ ಸವೆತ ಕಂಡುಬಂದು, ಮುಟ್ಟಿನ ಸಮಸ್ಯೆ ಉಂಟಾಗುತ್ತದೆ.

4. ಅಧಿಕ ತಿನ್ನುವ ಕಾಯಿಲೆ: ತೂಕ ಕಮ್ಮಿಯಾಗಬೇಕೆಂದು ಮಿತಿ ಮೀರಿ ವ್ಯಾಯಾಮ ಮಾಡಿದರೆ ಬುಲೆಮಿಯೊದಂತಹ ಕಾಯಿಲೆ (ವಿಪರೀತ ತಿನ್ನುವ ಕಾಯಿಲೆ) ಉಂಟಾಗುವ ಸಾಧ್ಯತೆ ಕೂಡ ಹೆಚ್ಚು.

5. ನಿದ್ದೆ ಸಮಸ್ಯೆ: ಮಿತಿ ಮೀರಿ ವ್ಯಾಯಾಮ ಮಾಡಿದರೆ ದೇಹ ತುಂಬಾ ಬಳಲುವುದು. ಇದರಿಂದಾಗಿ ಬೇರೆ ಕೆಲಸ ಮಾಡುವ ಚೈತನ್ಯವಿಲ್ಲದೆ ಕೂತಲ್ಲಿಯೆ ತೂಕಡಿಕೆ, ಮಿತಿ ಮೀರಿದ ನಿದ್ದೆ ಸಮಸ್ಯೆ ಉಂಟಾಗುವುದು.

ಆರೋಗ್ಯಕರ ದೇಹಕ್ಕಾಗಿ ವ್ಯಾಯಾಮವನ್ನು ಎಷ್ಟು ಹೊತ್ತು ಮಾಡಿದರೆ ಆರೋಗ್ಯಕ್ಕೆ ಒಳ್ಳೆಯದು ಎಂದು ತಿಳಿಯಲು ಮುಂದೆ ಓದಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.