ಆಧುನಿಕ ಜೀವನ ಶೈಲಿಗೆ ಬೇಕು 'ಯೋಗ'

Published: Wednesday, March 28, 2012, 10:33 [IST]

ಆಧುನಿಕ ಜೀವನ ಶೈಲಿಯಲ್ಲಿ ಒತ್ತಡ, ಟೆನ್ಷನ್ ಇದೇ ದಿನ ನಿತ್ಯದ ಗೋಳಾಗಿದೆ. ಹಳ್ಳಿಯಲ್ಲಿ ಬೆಳಗ್ಗೆಯಿಂದ ಸಂಜೆಯವರೆಗೆ ಮೈ ಬಗ್ಗಿಸಿ ದುಡಿದರೂ ಮಾನಸಿಕ ಒತ್ತಡ ಕಡಿಮೆ ಇರುತ್ತದೆ. ಆದರೆ ನಗರ ಪ್ರದೇಶದಲ್ಲಿ ಎಸಿ ರೂಮಿನಲ್ಲಿ ಕುಳಿತರೂ ಟಾರ್ಗೆಟ್, ಡೆಡ್ ಲೈನ್ ಎಂದು ನೆನೆಸಿಕೊಂಡರೆ ಸಾಕು ಬೆವರು ಬರಲಾರಂಭಿಸುತ್ತದೆ. ಈ ರೀತಿಯ ಒತ್ತಡದಿಂದ ಮಾನಸಿಕ ಮತ್ತು ದೈಹಿಕ ಆರೋಗ್ಯ ಹಾಳಾಗುವುದು.

ದೈಹಿಕ ಮತ್ತು ಮಾನಸಿಕ ಆರೋಗ್ಯ ಕಾಪಾಡಿಕೊಳ್ಳ ಬಯಸುವವವರು ಯೋಗ ಅಭ್ಯಾಸ ಮಾಡುವುದು ಒಳ್ಳೆಯದು. ಯೋಗ ಮಾಡುವುದರಿಂದ ಈ ಕೆಳಗಿನ ಪ್ರಮುಖ ಪ್ರಯೋಜನಗಳನ್ನು ಪಡೆಯಬಹುದು.

1. ಚಿಕ್ಕ ಮಕ್ಕಳಿಂದ ವಯಸ್ಕರವರಿಗೂ ಒತ್ತಡ, ಮಕ್ಕಳಿಗೆ ಪರೀಕ್ಷೆ ಒತ್ತಡ ದೊಡ್ಡವರಿಗೆ ಜೀವನವೆಂಬ ಪರೀಕ್ಷೆಯನ್ನು ಎದುರಿಸುವ ಒತ್ತಡ. ಈ ಎಲ್ಲಾ ಒತ್ತಡಗಳನ್ನು ಕಡಿಮೆ ಮಾಡಿ ಸವಾಲುಗಳನ್ನು ಸಮರ್ಥವಾಗಿ ಎದುರಿಸಲು ಯೋಗ ಸಹಕಾರಿಯಾಗಿದೆ.

2. ಮಾನಸಿಕ ಖಿನ್ನತೆಯನ್ನು ಹೋಗಲಾಡಿಸುವಲ್ಲಿ ಯೋಗ ಸಹಕಾರಿಯಾಗಿದೆ. ಯೋಗ ಅಭ್ಯಾಸ ಮಾಡುವುದರಿಂದ ಮನಸ್ಸಿಗೆ ನೆಮ್ಮದಿ ( ಆಧ್ಯಾತ್ಮಿಕವಾಗಿ ಹೇಳುತ್ತಿಲ್ಲ) ಸಿಗುತ್ತದೆ.

3. ನೀವು ನಿವಾರಣೆಗೆ ಮಾತ್ರೆ ನುಂಗಿ ದೇಹದ ಆರೋಗ್ಯ ಮತ್ತಷ್ಟು ಹದಗೆಡುವುದಕ್ಕಿಂತ ಯೋಗವನ್ನು ಮಾಡುವುದು ಒಳ್ಳೆಯದು. ಯೋಗ ಮಾಡಿದಾಗ ದೇಹದಲ್ಲಿ ರಕ್ತ ಸಂಚಲಕ್ಕೆ ಸಹಕಾರಿಯಾಗುವುದರಿಂದ ನೋವು ಕಡಿಮೆಯಾಗುತ್ತದೆ. ಮಂಡಿ ನೋವು, ಕಾಲು ಉರಿ, ಹೃದಯಾಘಾತ ಇವೆಲ್ಲಾ ರಕ್ತ ಸಂಚಲದಲ್ಲಿ ತೊಂದರೆಯಿಂದಾಗಿ ಉಂಟಾಗುತ್ತದೆ.

4. ಮಲಬದ್ಧತೆ ಸಮಸ್ಯೆಯನ್ನು ನಿವಾರಣೆ ಮಾಡುತ್ತದೆ. ದೇಹದ ಎಲ್ಲಾ ಸ್ನಾಯುಗಳು ಬಲವಾಗುತ್ತವೆ. ಯೋಗ ಮಾಡುವುದರಿಂದ ಏಕಾಗ್ರತೆ ಹೆಚ್ಚುತ್ತದೆ.

5. 'ಬೊಜ್ಜು' ನಗರ ಪ್ರದೇಶದಲ್ಲಿರುವ ಹೆಚ್ಚಿನ ಜನರ ಸಮಸ್ಯೆಯಾಗಿದೆ. ಯೋಗಾಭ್ಯಾಸದಿಂದ ಆಕರ್ಷಕ ಮೈಮಾಟವನ್ನು ಪಡೆಯಬಹುದು.

ಯೋಗ ಚಿಕಿತ್ಸಿಕ ಡಾ. ವಿವೇಕ್ ಉಡುಪ ಸಂದರ್ಶನ ಓದಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.