ಮನಸ್ಸು ಮತ್ತು ದೇಹದ ಆರೋಗ್ಯಕ್ಕೆ 3 ಆಟಗಳು

Wellness

oi-Reena

By Hema S

Published: Tuesday, March 27, 2012, 14:30 [IST]

ದಿನಾ ನಡೆಯುವುದು, ಓಡುವುದು, ಜಿಮ್ ಇವುಗಳನ್ನು ಮಾಡುತ್ತಾ ಇದ್ದರೆ ಸ್ವಲ್ಪ ಬೋರಾಗುವುದು ನಿಜ. ಯಾರಪ್ಪ ಇದೆಲ್ಲಾ ಮಾಡುತ್ತಾರೆ ಎಂದು ಅನಿಸಿದರೂ ದೇಹದ ತೂಕವನ್ನು ಹತೋಟೊಯಲ್ಲಿಡಲು ಇವೆಲ್ಲಾ ಮಾಡುವುದು ಅನಿವಾರ್ಯವಾಗುತ್ತದೆ. ಇವುಗಳಿಗೆ ಪರ್ಯಾಯವಾಗಿ ಕೆಲವೊಂದು ಅಟಗಳನ್ನು ಆಡುವುದರಿಂದ ಕೂಡ ದೇಹಕ್ಕೆ ಉತ್ತಮ ವ್ಯಾಯಾಮ ಸಿಗುವುದರ ಜೊತೆ ಮನಸ್ಸಿಗೂ ಖುಷಿ ಸಿಗುತ್ತದೆ. ಈ ಕೆಳಗಿನ ಆಟಗಳನ್ನು ಆಡುತ್ತಿದ್ದರೆ ದೇಹದ ತೂಕ ಸುಲಭದಲ್ಲಿಯೆ ಇಳಿಸಿಕೊಳ್ಳಬಹುದು.

1. ಈಜುವುದು: ಈಜುವಾಗ ಅಧಿಕ ಶಕ್ತಿ ಬೇಕಾಗಿರುವುದರಿಂದ ದೇಹದಲ್ಲಿರುವ ಅಧಿಕ ಕೊಬ್ಬು ಕರಗಲಾರಂಭಿಸುತ್ತದೆ. ಅಲ್ಲದೆ ಈಜುವುದರಿಂದ ದೇಹಕ್ಕೆ ಉತ್ತಮವಾದ ಆಕಾರ ಬರುತ್ತದೆ. ಸ್ನೇಹಿತರ ಜೊತೆ ಸೇರಿ ಈಜುವುದರಿಂದ ತುಂಬಾ ಮಜಾ ಅನಿಸುವುದು. ಆದರೆ ಈಜುವಾಗ ಕಡಿಮೆ ಆಳದ ಕೊಳದಲ್ಲಿ ಈಜುವುದು ಒಳ್ಳೆಯದು.

2. ಫುಟ್ ಬಾಲ್: 90 ನಿಮಿಷ ಕಾಲ ಆಟ ಆಡುತ್ತಾ ಇದ್ದರೆ ದೇಹದ ತೂಕ ತನ್ನಿಂದ ತಾನೆ ಕಡಿಮೆಯಾಗುತ್ತದೆ. ಕ್ರಿಕೆಟ್ ನಲ್ಲಿ ವಿಶ್ರಾಂತಿ ತೆಗೆದುಕೊಳ್ಳಲು ಸ್ವಲ್ಪ ಸಮಯವಿರುತ್ತದೆ. ಆದರೆ ಫುಟ್ ಬಾಲ್ ಆಡಲು ಪ್ರಾರಂಭಿಸಿದರೆ ಆಟ ಮುಗಿಯುವವರೆಗೆ ಗ್ರೌಂಡ್ ನಲ್ಲಿ ಓಡುತ್ತಲೆ ಇರುವುದರಿಂದ ಅಧಿಕ ಕೊಬ್ಬು ಕೆಲವೆ ದಿನಗಳಲ್ಲಿ ಕರಗಲಾರಂಭಿಸುತ್ತದೆ.

3. ಟೆನ್ನೀಸ್: ಟನ್ನೀಸ್ ದೇಹದ ತೂಕವನ್ನು ಹತೋಟಿಯಲ್ಲಿಡಲು ಆಡಬಹುದಾದ ಉತ್ತಮವಾದ ಆಟವಾಗಿದೆ. ಈ ಆಟ ಆಡುತ್ತಾ ಇದ್ದರೆ ಶರೀರವನ್ನು ಬಾಗಿಸಬೇಕು, ಓಡಬೇಕು, ಜಿಗಿಯಬೇಕು. ಈ ಆಟ ಆಡುವುದರಿಂದ ಮನಸ್ಸಿಗೆ ಖುಷಿ, ದೇಹಕ್ಕೆ ಒಳ್ಳೆಯ ವ್ಯಾಯಾಮ ಆಗಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.