ಅತಿ ಬೇಗನೆ ತೆಳ್ಳಗಾಗಿಸುವ ಡಯಟ್ ಅಪಾಯ!

Wellness

oi-Reena

By Hema S

Published: Thursday, March 22, 2012, 11:25 [IST]

ತೆಳ್ಳಗಾಗಬೇಕು, ಅದರಲ್ಲೂ ಒಂದೇ ವಾರದಲ್ಲಿ 2-3 ಕೆಜಿ ತೆಳ್ಳಗಾಗ ಅಂತ ಬಯಸುವವರು ಕಂಡು ಕೊಳ್ಳುವ ಮಾರ್ಗ ಅನಾರೋಗ್ಯಕರ ಡಯಟ್ ಅಥವಾ ಕ್ರಾಷ್ ಡಯಟ್. ಈ ಡಯಟಿನಲ್ಲಿ ಊಟವನ್ನು ಬಿಡುವುದು ಇದರಿಂದಾಗಿ ದೇಹದ ತೂಕ ಬೇಗನೆ ಕಡಿಮೆಯಾಗುತ್ತದೆ. ಈ ರೀತಿ ಡಯಟ್ ಮಾಡಿದರೆ ದೇಹದ ತೂಕ ಬೇಗನೆ ಕಡಿಮೆಯಾಗುತ್ತದೆ. ಆದರೆ ದೇಹಕ್ಕೆ ಸರಿಯಾದ ರೀತಿಯಲ್ಲಿ ಪೋಷಕಾಂಶಗಳು ದೊರೆಯದೆ ಅನಾರೋಗ್ಯ ಬೀಳುವಂತೆ ಆಗುತ್ತದೆ.

ಈ ರೀತಿಯ ಆಹಾರಕ್ರಮದಿಂದ ದೇಹದ ತೂಕ ಕಡಿಮೆಯಾದರೆ ಅದು ತಾತ್ಕಾಲಿಕವಷ್ಟೆ. ಈ ರೀತಿಯ ಡಯಟ್ ದೇಹದ ಮೇಲೆ ಬೀರುವ ಅಡ್ಡ ಪರಿಣಾಮದ ಬಗ್ಗೆ ತಿಳಿದುಕೊಳ್ಳಲು ಮುಂದೆ ಓದಿ:

1.ದೇಹದ ತೂಕ ತಾತ್ಕಾಲಿಕವಾಗಿ ಇಳಿಯುವುದು: ಊಟ ಬಿಟ್ಟು ದೇಹದ ತೂಕ ಇಳಿಸಿದರೆ, ಅಷ್ಟೇ ಬೇಗನೆ ದೇಹದ ಮೊದಲಿಗಿಂತ ಹೆಚ್ಚು ದಪ್ಪಗಾಗುವುದು. ಏಕೆಂದರೆ ಈ ರೀತಿ ಡಯಟ್ ಮಾಡಿದಾಗ ದೇಹಕ್ಕೆ ಅವಶ್ಯಕವಾದ ಪೋಷಕಾಂಶಗಳು ದೊರೆಯುವುದಿಲ್ಲ. ಆದ್ದರಿಂದ ದೇಹದಲ್ಲಿ ಸಂಗ್ರಹವಾಗಿದ್ದ ಕ್ಯಾಲೋರಿಯನ್ನು ಕರಗಿಸುತ್ತದೆ. ಆದರೆ ಈ ರೀತಿಯ ಡಯಟ್ ತುಂಬಾ ಸಮಯ ಪಾಲಿಸಲಾಗುವುದಿಲ್ಲ. ಆದ್ದರಿಂದ ಪುನಃ ತಿನ್ನಲು ಪ್ರಾರಂಭಿಸಿದಾಗ ದೇಹದ ತೂಕ ಮತ್ತೆ ಹೆಚ್ಚಾಗುವುದು.

2. ತ್ವಚೆ ಕಾಂತಿ ಕುಂದುವುದು: ಹೊಳಪಿನ ತ್ವಚೆ ಬೇಕೆಂದರೆ ಪೋಷಕಾಂಸವಿರುವ ಆಹಾರ ತಿನ್ನಬೇಕು. ಆದರೆ ಈ ರೀತಿ ಡಯಟ್ ಮಾಡಿದರೆ ಮುಖದ ಕಳೆ ಮಾಯವಾಗುತ್ತದೆ. ಇದರಿಂದಾಗಿ ಅಕಾಲಿಕ ನೆರಿಗೆ ಉಂಟಾಗುವುದು.

3. ಸ್ನಾಯುಗಳು ದುರ್ಬಲವಾಗುತ್ತದೆ: ದಿನನಿತ್ಯದ ಚಟುವಟಿಕೆ ಮಾಡಲು ಶಕ್ತಿ ಇಲ್ಲದಂತೆ ಆಗುತ್ತದೆ. ಮೂಳೆಗಳ ಸಾಮರ್ಥ್ಯ ಕಡಿಮೆಯಾಗುವುದು. ಇದರಿಂದಾಗಿ ಬೇಗನೆ ಮುಪ್ಪಾಗುವುದು. ದೇಹದ ಸಾಮರ್ಥ್ಯ ಕಡಿಮೆಯಾಗುವುದು.

4. ಪೋಷಕಾಂಶಗಳ ಕೊರತೆ: ದೇಹ ದುರ್ಬಲವಾಗುವುದರಿಂದ ರೋಗ ನಿರೋಧಕ ಸಾಮರ್ಥ್ಯ ಕಡಿಮೆಯಾಗಲಾರಂಭಿಸುತ್ತದೆ. ತ್ವಚೆ ಮತ್ತು ದೇಹ ಸೊರಗುವುದು, ಕೂದಲು ಉದುರಲಾರಂಭಿಸುತ್ತದೆ.

5.ಆಹಾರಸೇವನೆಯಲ್ಲಿ ಅಸಮತೋಲನ: ಅನಾರೋಗ್ಯಕರ ಆಹಾರಕ್ರಮದಿಂದ ತುಂಬಾ ಹೊಟ್ಟೆ ಹಸಿವು, ಅನೇಕ ಆಹಾರ ಸೇವನೆ, ತಿಂದ ತಕ್ಷಣ ವಾಂತಿ ಮಾಡುವುದು ಮುಂತಾದ ಕಾಯಿಲೆಗಳು ಕಾಣಿಸಿಕೊಳ್ಳುವುದು.

ಆದ್ದರಿಂದ ಬೇಗನೆ ತೂಕ ಕಡಿಮೆ ಮಾಡುವ ಯೋಚನೆ ಬಿಟ್ಟು ಸರಿಯಾದ ಆಹಾರಕ್ರಮ ಮತ್ತು ವ್ಯಾಯಾಮ ಮಾಡಿದರೆ ಸ್ವಲ್ಪ ನಿಧಾನವಾದರೂ ದೇಹದ ತೂಕ ಕಡಿಮೆಯಾಗುವುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.