ಬೊಜ್ಜುರಹಿತ ಹೊಟ್ಟೆಗಾಗಿ ಈ ಆಹಾರಗಳು

Wellness

oi-Reena

By Hema S

Published: Tuesday, February 28, 2012, 10:11 [IST]

ಹೊಟ್ಟೆ ಸರಿಯಾಗಿ ತನ್ನ ಕರ್ತವ್ಯ ಮಾಡದಿದ್ದರೆ ದೇಹದ ಆರೋಗ್ಯದಲ್ಲಿ ಏರುಪೇರಾಗುತ್ತದೆ. ತ್ವಚೆ ಕಾಂತಿ ಕೂಡ ಕಡಿಮೆಯಾಗುವುದು. ದೇಹ ಮತ್ತು ತ್ವಚೆ ಸೌಂದರ್ಯ ಆರೋಗ್ಯಕರವಾಗಿ ಇರಲು ಜೀರ್ಣಕ್ರಿಯೆ ಸರಾಗವಾಗಿ ನಡೆಯಬೇಕು. ಹೊಟ್ಟೆಯಲ್ಲಿ ಬೊಜ್ಜು ಶೇಖರವಾಗಿದ್ದರೆ ದೇಹ ಮತ್ತಷ್ಟು ದಪ್ಪವಾಗಿ ಕಾಣುವುದು. ಚಪ್ಪಟೆಯಾದ ಹೊಟ್ಟೆ ಮತ್ತು ಉತ್ತಮ ರೀತಿಯ ಜೀರ್ಣಕ್ರಿಯೆಗೆ ಈ ಕೆಳಗಿನ ಆಹಾರಗಳು ಸಹಕಾರಿಯಾಗಿದೆ.

ತರಕಾರಿಗಳು: ತರಕಾರಿಗಳಲ್ಲಿ ಪಾಲಾಕ್, ಸೆಲರಿ, ಬ್ರೊಕೋಲಿ, ಬೀನ್ಸ್, ಕ್ಯಾರೆಟ್, ಆಲೂಗೆಡ್ಡೆ ಸೇವಿಸಿದರೆ ಹೊಟ್ಟೆ ಶುಚಿಯಾಗಿ ಇರುವುದು.

ಹಣ್ಣುಗಳು: ನಿಂಬೆಹಣ್ಣು, ಕಿತ್ತಳೆ, ದ್ರಾಕ್ಷಿ, ಸ್ಟ್ರಾಬರಿ, ಬಾಳೆಹಣ್ಣು ಇವುಗಳನ್ನು ಸೇವಿಸಿದರೆ ಮಲಬದ್ಧತೆಯ ಸಮಸ್ಯೆ ಉಂಟಾಗುವುದಿಲ್ಲ. ಆದ್ದರಿಂದ ಹೊಟ್ಟೆ ಶುದ್ಧವಾಗುತ್ತದೆ. ದಿನಕ್ಕೆ ಎರಡು ಬಾಳೆಹಣ್ಣಿಗಿಂತ ಅಧಿಕ ಸೇವಿಸಿದರೆ ದೇಹದ ತೂಕ ಹೆಚ್ಚಾಗುವುದು.

ದವಸ ಧಾನ್ಯಗಳು: ಗೋಧಿ ಬ್ರೆಡ್ ಮತ್ತು ಪ್ರೊಟೀನ್ ಅಧಿಕವಿರುವ ದವಸ ಧಾನ್ಯಗಳನ್ನು ಸೇವನೆ ಒಳ್ಳೆಯದು.

ನೀರಿನಂಶ: ನೀರು, ಜ್ಯೂಸ್, ಹಾಲು ಇವುಗಳನ್ನು ಕುಡಿಯಬೇಕು. ದಿನಕ್ಕೆ 10-12 ಗ್ಲಾಸ್ ನೀರು ತಪ್ಪದೆ ಕುಡಿಯಬೇಕು.

ವ್ಯಾಯಾಮದ ಜೊತೆ ಈ ಮೇಲಿನ ಆಹಾರವನ್ನು ತಿನ್ನುವುದರಿಂದ ಬೇಗನೆ ಚಪ್ಪಟೆಯಾದ ಹೊಟ್ಟೆಯನ್ನು ಪಡೆಯಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.