ಸೋಮವಾರದ ಸೋಮಾರಿತನಕ್ಕೆ ಇಲ್ಲಿದೆ ಪರಿಹಾರ

Wellness

oi-Reena

By Hema S

Published: Monday, January 23, 2012, 10:31 [IST]

ಸೋಮವಾರ ಸೋಮಾರಿಗಳ ದಿನ ಎಂದು ತಮಾಷೆ ಮಾಡುತ್ತೇವೆ. ಭಾನುವಾರ ರಜೆಯನ್ನು ಆರಾಮವಾಗಿ ಕಳೆದು ಸೋಮವಾರ ಆಫೀಸ್ ಗೆ ಬರುವಾಗ ಆಲಸ್ಯ, ನಿದ್ದೆ ಬರುವುದು ಎಲ್ಲಾ ಸಾಮಾನ್ಯ. ಈ ರೀತಿಯ ಸೋಮಾರಿತನ ಮಾನಸಿಕ ಸ್ಥಿತಿಯಿಂದ ಉಂಟಾಗುತ್ತದೆ. ಇದರಿಂದ ಹೊರಬಂದು ವಾರದ ಮೊದಲನೇ ದಿನವೆ ಚಟುವಟಿಕೆಯಿಂದ ಕಾರ್ಯನಿರ್ವಹಿಸುವುದು ಹೇಗೆ ಎಂದು ತಿಳಿಯಲು ಮುಂದೆ ಓದಿ.

ಸೋಮಾರಿತಕ್ಕೆ ಕಾರಣ:

1. ವಾರವಿಡೀ ಬೆಳಗ್ಗೆ 6ಕ್ಕೆ ಏಳುವುದು ರಾತ್ರಿ 10-11ಕ್ಕೆ ಮಲಗುವುದು ದಿನಚರಿಯಾಗಿದ್ದು ರಜಾ ದಿನದಂದು ಬೆಳಗ್ಗೆ 10 ಗಂಟೆವರೆಗೆ ಮಲಗಿ ರಾತ್ರಿ ತಡೆವಾಗಿ ಮಲಗುವುದರಿಂದ ಜೀವನ ಶೈಲಿಯಲ್ಲಿ ವ್ಯತ್ಯಾಸವಾಗಿ ಸೋಮವಾರ ಆಕಳಿಕೆ, ನಿದ್ದೆ ಬರುವುದು ಎಲ್ಲಾ ಉಂಟಾಗುತ್ತದೆ.

2. ಸೋಮವಾರ ಏಳುವಾಗ ತಲೆ ನೋವು ಕಾಣಿಸಿಕೊಂಡರೆ, ಆ ರೀತಿಯ ತಲೆನೋವು ವೀಕೆಂಡ್ ನಲ್ಲಿ ಅತಿ ಹೆಚ್ಚು ನಿದ್ದೆ ಮಾಡಿದರ ಪ್ರಭಾವ.

ಹೋಗಲಾಡಿಸುವ ವಿಧಾನ:

1. ಸೋಮವಾರ ಆಲಸ್ಯ ಬರದಂತೆ ತಡೆಯಲು ವೀಕೆಂಡ್ ನಲ್ಲಿ ಯಾವತ್ತಿಗಿಂತ ಒಂದು ಗಂಟೆ ತಡವಾಗಿಯೆ ಏಳಿ. ಆದರೆ ಎದ್ದ ನಂತರ ಸ್ವಲ್ಪ ಹೊತ್ತು ವ್ಯಾಯಾಮ ಮಾಡಿ. ಮದ್ಯಾಹ್ನದ ಹೊತ್ತು ಸ್ವಲ್ಪ ವಿಶ್ರಾಂತಿ ತೆಗೆದುಕೊಳ್ಳಬೇಕು. ರಾತ್ರಿ ಗರಿಷ್ಠ 8 ಗಂಟೆ ನಿದ್ದೆ ಮಾಡಿದರೆ ಸೋಮವಾರ ಸೋಮಾರಿತನ ಬರುವುದಿಲ್ಲ.

2. ವೀಕೆಂಡ್ ನಲ್ಲಿ ಹೆಚ್ಚು ಪ್ರಯಾಣ ಮಾಡಿದರೆ ಸೋಮವಾರ ಅದರ ಸುಸ್ತು ಕೆಲಸದ ಮೆಲೆ ಪರಿಣಾಮ ಬೀಳುತ್ತದೆ. ಆದ್ದರಿಂದ ವಾರಂತ್ಯದಲ್ಲಿ ಹೆಚ್ಚು ಪ್ರಯಾಣ ಮಾಡುವುದಿದ್ದರೆ ಶುಕ್ರವಾರ ರಾತ್ರಿ ಹೊರಟು ಶನಿವಾರ ಸುತ್ತಾಡಿ ಭಾನುವಾರ ವಿಶ್ರಾಂತಿ ತೆಗೆದುಕೊಳ್ಳಬೇಕು. ಹೀಗೆ ಮಾಡಿದರೆ ಸೋಮವಾರ ಚಟುವಟಿಕೆಯಿಂದ ಇರಬಹುದು.

3. ಕೆಲವೊಮ್ಮೆ ಮಾನಸಿಕ ಒತ್ತಡದಿಂದ ಸರಿಯಾಗಿ ಕೆಲಸ ಮಾಡಲು ಸಾಧ್ಯವಾಗುವುದಿಲ್ಲ. ಸೋಮವಾರ ಯಾವುದಾದರೂ ಕೆಲಸವನ್ನು ಪೂರ್ಣ ಮಾಡಿ ಒಪ್ಪಿಸಬೇಕೆಂಬ ಡೆಡ್ ಲೈನ್, ಮೀಟಿಂಗ್ ಇವೆಲ್ಲವೂ ಒತ್ತಡವನ್ನು ತರುವುದರಿಂದ ತಲೆನೋವು ಮತ್ತು ಕೆಲಸವನ್ನು ನಿರ್ಗಳವಾಗಿ ಮಾಡಲು ಸಾಧ್ಯವಾಗುವುದಿಲ್ಲ.

4. ಸಾಧ್ಯವಾದರೆ ಶುಕ್ರವಾರ ರಜೆ ಹಾಕಿ ಶನಿವಾರ ಮತ್ತು ಭಾನುವಾರ ಮಧ್ಯಾಹ್ನದ ಮೇಲೆ ಬಂದು ಕೆಲಸ ಮಾಡಿದರೆ ಸೋಮವಾರ ಯಾವುದೇ ಸೋಮರಿತನವಿಲ್ಲದೆ ಚಟುವಟಿಕೆಯಿಂದ ಕೆಲಸ ಮಾಡಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.