ಈ ಡಯೆಟ್ ಹೆಚ್ಚಿಸುತ್ತೆ ಕಣ್ಣಿನ ಆರೋಗ್ಯ

Wellness

oi-Reena

By Hema S

Published: Thursday, January 5, 2012, 11:58 [IST]

ಕಣ್ಣಿನ ಬೆಲೆ ದೃಷ್ಟಿಯಿಲ್ಲವರಿಗಷ್ಟೆ ಗೊತ್ತು. ಆದ್ದರಿಂದ ಕಣ್ಣಿನ ಆರೋಗ್ಯದ ಬಗ್ಗೆ ಹೆಚ್ಚಿನ ಗಮನವನ್ನು ಹರಿಸುವುದು ಅವಶ್ಯಕ. ಆರೋಗ್ಯಕರ ಆಹಾರಕ್ರಮ, ಒಳ್ಳೆಯ ನಿದ್ದೆ ಮತ್ತು ನೈಸರ್ಗಿಕವಾದ ಚಿಕಿತ್ಸೆಯಿಂದ ಕಣ್ಣಿನ ಸಮಸ್ಯೆಗಳಾದ ಕಣ್ಣಿನ ತುರಿಕೆ, ಅಲರ್ಜಿ ಮುಂತಾದ ಸಮಸ್ಯೆಗಳನ್ನು ನಿವಾರಿಸಬಹುದು.

ಕಣ್ಣಿನ ಆರೋಗ್ಯವನ್ನು ಹೆಚ್ಚಿಸಲು ಈ ಕೆಳಗಿನ ಆಹಾರಕ್ರಮವನ್ನು ಪಾಲಿಸಿ:

1. ವಿಟಮಿನ್ ಎ, ಇ ಮತ್ತು ಸಿ ಇರುವ ಆಹಾರವನ್ನು ಪ್ರತಿ ದಿನವೂ ಸೇವಿಸಬೇಕು.ಕ್ಯಾರೇಟ್, ಕಿತ್ತಳೆ, ಸೇಬು, ನಿಂಬೆಹಣ್ಣು, ನೆಲ್ಲಿ ಕಾಯಿ ಸೇವಿಸುವುದು ಒಳ್ಳೆಯದು.

2. ಸೌತೆ ಕಾಯಿ, ಬೂದಿ ಕುಂಬಳಕಾಯಿ, ಒಂದು ಚಮಚ ಹರಳೆಣ್ಣೆ, ತಣ್ಣನೆಯ ನೀರು ಕಣ್ಣಿಗೆ ತಂಪು ನೀಡುವುದು.

3. ಬದಾಮಿ, ಸೋಯಾ, ದವಸ ಧಾನ್ಯಗಳಲ್ಲಿ ವಿಟಮಿನ್ 'ಎ' ಹೆಚ್ಚು ಇರುವುದರಿಂದ ಕಣ್ಣಿನ ಆರೋಗ್ಯ ಹೆಚ್ಚುತ್ತದೆ.

4. ಹಸಿರು ಸೊಪ್ಪು ತರಕಾರಿಗಳ ಸೇವನೆಯಿಂದ ರಕ್ತ ಸಂಚಲನ ಸರಿಯಾದ ರೀತಿಯಲ್ಲಿ ಆಗುವುದರಿಂದ ಕಣ್ಣಿನ ದೃಷ್ಟಿ ಹೆಚ್ಚುತ್ತದೆ.

5. ಹಾಲಿನ ಉತ್ಪನ್ನಗಳಾದ ಬೆಣ್ಣೆ, ಮೊಸರು, ಮಜ್ಜಿಗೆಯನ್ನು ಸೇವಿಸಬೇಕು. ಕಣ್ಣಿಗೆ ತುಂಬಾ ದಣಿವು ಆದಾಗ ವಿಶ್ರಾಂತಿಯನ್ನು ನೀಡಬೇಕು. ಕಣ್ಣಿಗೆ ಸಂಬಂಧಿಸಿದ ವ್ಯಾಯಾಮಗಳನ್ನು ಮಾಡುತ್ತಿದ್ದರೆ ಕಣ್ಣು ಆರೋಗ್ಯವಾಗಿರುತ್ತದೆ.

6. ತುಳಸಿ, ಟ್ರಿಫಲಾದಂತಹ ಚೂರ್ಣಗಳನ್ನು ಸೇವಿಸುವುದುದು ಕೂಡ ಒಳ್ಳೆಯದು. ಇವುಗಳನ್ನು ಜೇನು ಅಥವಾ ನೀರಿನ ಜೊತೆ ಮಿಶ್ರ ಮಾಡಿ ಕುಡಿದರೆ ಮತ್ತಷ್ಟು ಒಳ್ಳೆಯದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.