ನಿದ್ದೆ ಬರಲಿಲ್ಲ ಅಂದ್ರೆ ಚೆರ್ರಿ ಜ್ಯೂಸ್ ಕುಡೀರಿ..

Wellness

oi-Sumalatha

By Sumalatha

Published: Thursday, November 3, 2011, 12:13 [IST]

ನೀವು ನಿದ್ದೆಗೆ ಸಂಬಂಧಿಸಿದ ಸಮಸ್ಯೆಯಿಂದ ಬಳಲುತ್ತಿದ್ದರೆ ಇಲ್ಲೊಂದು ಸುಲಭೋಪಾಯವಿದೆ. ನಿದ್ದೆ ಇಲ್ಲದೆ ಬೇಸರವಾಗಿರುವವರು ಚೆರ್ರಿ ಜ್ಯೂಸ್ ಕುಡಿಯುವುದರಿಂದ ಈ ಸಮಸ್ಯೆಯನ್ನು ನೀಗಿಸಬಹುದು ಎಂದಿದೆ ನೂತನ ಸಂಶೋಧನೆ.

ಸ್ಕೂಲ್ ಆಫ್ ಲೈಫ್ ಸೈನ್ಸ್ ನಾರ್ಥಂಬಿಯಾ ವಿಶ್ವವಿದ್ಯಾಲಯದಲ್ಲಿ ನಡೆಸಿದ ಸಂಶೋಧನೆಯಿಂದ ಇದು ಕಂಡುಬಂದಿದೆ. ಚೆರ್ರಿ ಜ್ಯೂಸ್ ಸೇವನೆ 25 ನಿಮಿಷ ಹೆಚ್ಚು ನಿದ್ದೆ ನೀಡುವುದಷ್ಟೇ ಅಲ್ಲ, ನಿಮ್ಮ ನಿದ್ದೆಯ ಗುಣಮಟ್ಟವನ್ನೂ ಹೆಚ್ಚಿಸುತ್ತದೆ ಎಂದು ಸಂಶೋಧಕರು ತಿಳಿಸಿದ್ದಾರೆ.

ಚೆರ್ರಿ ಜ್ಯೂಸ್ ಸೇವನೆಯಿಂದ ದೇಹದಲ್ಲಿ ನಿದ್ದೆಯನ್ನು ಸರಿದೂಗಿಸಿಕೊಂಡು ಹೋಗುವ ಮೆಲಟೋನಿನ್ ಹಾರ್ಮೋನನ್ನು ಹೆಚ್ಚಿಸಿ ಒಳ್ಳೆಯ ನಿದ್ದೆ ಪಡೆಯಬಹುದು.

ನಿದ್ರಾಹೀನತೆಯಿಂದ ಬಳಲುತ್ತಿದ್ದವರಿಗೆ ಮತ್ತು ಶಿಫ್ಟ್ ಕೆಲಸ ಮಾಡುವವರಿಗೆ ಇದು ಹೆಚ್ಚು ಸೂಕ್ತ ಎಂದು ತಿಳಿಸಿದ್ದಾರೆ.

ಸಂಶೋಧನೆಯ ಪ್ರಯೋಗದಲ್ಲಿ, 20 ಆರೋಗ್ಯವಂತ ಜನರನ್ನು 7 ದಿನಗಳ ಕಾಲ ದಿನಕ್ಕೆ ಎರಡು ಬಾರಿ ಚೆರ್ರಿ ಜ್ಯೂಸ್ ಸೇವನೆ ಮಾಡುವಂತೆ ಹೇಳಲಾಗಿತ್ತು. ಒಂದು ವಾರದ ನಂತರ ಇವರುಗಳಲ್ಲಿ ಮೆಲಟೋನಿನ್ ಗಣನೀಯ ಮಟ್ಟದಲ್ಲಿ ಹೆಚ್ಚಾಗಿದ್ದು ಕಂಡುಬಂದಿದೆ. ಅಲ್ಲದೆ ಇವರು 25 ನಿಮಿಷ ಹೆಚ್ಚಿಗೆ ನಿದ್ದೆ ಮಾಡುತ್ತಿದ್ದರು ಮತ್ತು ನಿದ್ದೆಯ ಗುಣಮಟ್ಟ 5-6 % ಹೆಚ್ಚಾಗಿದ್ದು ತಿಳಿದುಬಂದಿದೆ.

ಇದೇ ಸಂದರ್ಭ, ಬೇರೆಯವರಿಗೆ ಹೋಲಿಸಿದರೆ ಚೆರ್ರಿ ಜ್ಯೂಸ್ ಸೇವನೆಮಾಡುವವರು ಹಗಲು ಹೊತ್ತು ತೂಕಡಿಸುವುದನ್ನೂ ಕಡಿಮೆಮಾಡುತ್ತಾರೆ ಎಂದು ತಿಳಿದುಬಂದಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.