ತಂಪು ಪಾನೀಯದಿಂದ ನಿಮ್ಮ ಕಿಡ್ನಿ ಹಾಳಾಗಬಹುದಾ?

Wellness

oi-Staff

By Super

Updated: Thursday, March 14, 2013, 12:12 [IST]

ತಂಪು ಪಾನೀಯ ಅಥವಾ ಸೋಡಾ ಸೇವನೆ ಕಿಡ್ನಿ ಆರೋಗ್ಯ ಹದಗೆಡಿಸುತ್ತಾ? ತಂಪು ಪಾನೀಯ, ಜೀರ್ಣಕ್ರಿಯೆ ಮತ್ತು ಅಸಿಡಿಟಿ ಸಮಸ್ಯೆಯನ್ನು ಸರಿಪಡಿಸುತ್ತದೆ ಎಂಬ ಮಾತಿದೆ. ಆದರೆ ಇವುಗಳ ಅತಿಯಾದ ಸೇವನೆ ಕಿಡ್ನಿ ಮೇಲೆ ಗಂಭೀರ ಪರಿಣಾಮ ಉಂಟುಮಾಡುತ್ತದೆ. ಅದೇನೆಂದು ಇಲ್ಲಿ ತಿಳಿಯೋಣ.

* ಕಿಡ್ನಿಯಲ್ಲಿ ಕಲ್ಲನ್ನುಂಟುಮಾಡುತ್ತದೆ: ಸೋಡಾ ಮತ್ತು ತಂಪು ಪಾನೀಯದ ಅತಿಯಾದ ಸೇವನೆ ಕಿಡ್ನಿಗೆ ಮಾರಕ. ಗಾಢವಾದ ಸೋಡಾದಲ್ಲಿನ ಆಸಿಡ್ ಮತ್ತು ಮಿನರಲ್ ಗಳು ಕಿಡ್ನಿಗೆ ತೊಂದರೆ ನೀಡುತ್ತದೆ. ಪಾನೀಯದಲ್ಲಿರುವ ಫಾಸ್ಫಾರಿಕ್ ಆಸಿಡ್, ಮೂಳೆಗಳಲ್ಲಿರುವ ಕ್ಯಾಲ್ಸಿಯಂ ಹೀರಿಕೊಂಡು, ಕಿಡ್ನಿಯಲ್ಲಿ ಕಲ್ಲುಗಳಾಗಿ ಮಾರ್ಪಾಡಾಗುತ್ತದೆ ಎನ್ನಲಾಗಿದೆ.

* ನೀರಿನಂಶ ಕುಗ್ಗುತ್ತದೆ: ಕೆಲವು ತಂಪು ಪಾನೀಯ ಮತ್ತು ಸೋಡಾ ಸೇವನೆಯಿಂದ, ದೇಹದಲ್ಲಿ ನೀರಿನಂಶ ಕಡಿಮೆಯಾಗಿ ನಿರ್ಜಲೀಕರಣ (ಡಿಹೈಡ್ರೇಶನ್) ಉಂಟಾಗುತ್ತದೆ. ಸೋಡಾ ಅಥವಾ ಪಾನೀಯದಲ್ಲಿರುವ ಸಕ್ಕರೆ ಮತ್ತು ಕೆಫೆನ್ ಅಂಶದ ನಿರ್ಜಲೀಕರಣದಿಂದ ಕಿಡ್ನಿ ಸಮಸ್ಯೆಗೀಡಾಗುತ್ತದೆ.

* ರಕ್ತದೊತ್ತಡಕ್ಕೆ ದಾರಿ: ತಂಪು ಪಾನೀಯ ದೇಹದ ತೂಕ ಹೆಚ್ಚಿಸುತ್ತದೆ. ಬೊಜ್ಜೂ ತುಂಬಿಕೊಳ್ಳುವಂತೆ ಮಾಡುತ್ತದೆ. ಇದರಲ್ಲಿರುವ ಫ್ರುಕ್ಟೋಸ್ ಅಂಶ ರಕ್ತದೊತ್ತಡ ಹೆಚ್ಚಿಸಿ ಹೃದಯದ ತೊಂದರೆಗೆ ದಾರಿ ಮಾಡಿಕೊಡುತ್ತದೆ. ಸೋಡಾ ಅಥವಾ ಪಾನೀಯದಲ್ಲಿರುವ ಸಕ್ಕರೆ ಮತ್ತು ಆಸಿಡ್ ಅಂಶ ಹಲ್ಲುಗಳಿಗೂ ಒಳ್ಳೆಯದಲ್ಲ.

* ಎಲುಬು ಸವೆತ: ಪಾನೀಯದಲ್ಲಿರುವ ಫಾಸ್ಫಾರಿಕ್ ಆಸಿಡ್ ಎಲುಬುಗಳಲ್ಲಿರುವ ಕ್ಯಾಲ್ಸಿಯಂ ಹೀರಿಕೊಳ್ಳುವುದರಿಂದ ಮೂಳೆಗಳೂ ಕೂಡ ಬಲಹೀನವಾಗಲು ಆರಂಭವಾಗುತ್ತದೆ.

ಸಂಶೋಧನೆಗಳ ಪ್ರಕಾರ, ತಂಪುಪಾನೀಯದಲ್ಲಿರುವ ಸಕ್ಕರೆ ಅಂಶ, ಕಿಡ್ನಿಗೆ ಹಿತಕರವಲ್ಲ, ಇದು ಕಿಡ್ನಿಯ ಗಂಭೀರ ಸಮಸ್ಯೆಗೆ ಕಾರಣವಾಗಬಹುದು.

ಆದ್ದರಿಂದ ತಂಪು ಪಾನೀಯ ಮತ್ತು ಸೋಡಾ ತೆಗೆದುಕೊಳ್ಳುವ ಮುನ್ನ ಅದರಲ್ಲಿ ಫಾಸ್ಪರಸ್ ಅಂಶವನ್ನು ಪರೀಕ್ಷಿಸಬೇಕು. ಇವುಗಳ ನಿರಂತರ ಸೇವನೆ ಬಿಡಬೇಕು. ಕಿಡ್ನಿ ಆರೋಗ್ಯಕ್ಕೆ ಅಗತ್ಯವಾದ ಆಹಾರ, ಹಣ್ಣಿನ ಜ್ಯೂಸ್ ಸೇವನೆ ಇರಲಿ. ನೀರು ಸೇವನೆ ಕೂಡ ನೈಸರ್ಗಿಕವಾಗಿ ಕಿಡ್ನಿ ಕಾರ್ಯವೈಖರಿಗೆ ತುಂಬಾ ಸಹಕಾರಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.