ತುಂಬಾ ಟೆನ್ಶನ್ ಆದ್ರೆ ಚಾಕಲೇಟ್ ತಿನ್ನಬೇಕಂತೆ!

ಹೌದು. ಚಾಕಲೇಟ್ ಸೇವನೆಯಿಂದ ಮನಃಸ್ಥಿತಿ ಧನಾತ್ಮಕವಾಗಿ ಬದಲಾವಣೆಯಾಗುತ್ತೆ ಎಂದಿದೆ ನೂತನ ಅಧ್ಯಯನ.

ಚಾಕಲೇಟ್ ತಿನ್ನುವುದರಿಂದ ಮನಸ್ಸಿನಲ್ಲಿನ ಒತ್ತಡದ ಮಟ್ಟ ಕಡಿಮೆಯಾಗುತ್ತದೆ ಎಂದು 'ಪ್ರೊಟಿಯೋಮ್ ರಿಸರ್ಚ್' ಎಂಬ ಜರ್ನಲ್ ನಲ್ಲಿ ಪ್ರಕಟಣೆಗೊಂಡ ಅಧ್ಯಯನ ತಿಳಿಸಿಕೊಟ್ಟಿದೆ.

ಚಾಕಲೇಟ್ ಸೇವನೆಯಿಂದ ನೋವುನಿವಾರಕ ಎಂಡಾರ್ಫಿನ್ ಅಂಶ ದೇಹದಲ್ಲಿ ಉತ್ಪಾದನೆಯಾಗಿ ಒತ್ತಡ ಕಡಿಮೆ ಮಾಡುತ್ತದೆ ಎನ್ನಲಾಗಿದೆ. ಕಾರ್ಟಿಸೋಲ್ ಮತ್ತು ಕ್ಯಾಟೆಕೊಲಮೈನ್ ಎಂಬ ಒತ್ತಡ ತರುವ ಹಾರ್ಮೋನುಗಳ ಮಟ್ಟವನ್ನು ಈ ಎಂಡಾರ್ಫಿನ್ ತಗ್ಗಿಸುತ್ತದೆ ಎಂದು ಅಧ್ಯಯನ ತಿಳಿಸಿದೆ.

ಚಾಕಲೇಟ್ ನಲ್ಲಿರುವ ಸಕ್ಕರೆ ಅಂಶ ಎಂಡಾರ್ಫಿನ್ ಉತ್ಪಾದನೆಗೆ ಸಹಕರಿಸುವ ಸೆರೊಟೊನಿನ್, ಫೆನಿಲೆಥಿನಮೈನ್ ಬಿಡುಗಡೆಗೊಳಿಸುತ್ತದೆ. ಈ ಮೂಲಕ ಮನಸ್ಸಿನ ಒತ್ತಡ ಕಡಿಮೆ ಮಾಡುತ್ತದೆ ಎಂದಿದೆ. 1.4 ಔನ್ಸ್ ಚಾಕಲೇಟ್ ತಿಂದರೆ ಆರೋಗ್ಯಕ್ಕೆ ಒಳ್ಳೆಯದು ಎಂದೂ ಅಧ್ಯಯನ ಹೇಳಿದೆ. ಇನ್ನೇಕೆ ಚಿಂತೆ, ಬೇಜಾರಾದಾಗೆಲ್ಲ ಚಾಕಲೇಟ್ ತಿಂದು ಒತ್ತಡ ಕಡಿಮೆ ಮಾಡಿಕೊಳ್ಳಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.