ಸೋಮವಾರದ ತಳಮಳ ಕಳೆದುಕೊಳ್ಳುವುದು ಹೇಗೆ?

Wellness

oi-Staff

By Super

Published: Monday, March 26, 2012, 11:12 [IST]

ಶನಿವಾರ, ಭಾನುವಾರ ಸಖತ್ ಮೋಜು ಮಾಡಿ ಖುಷಿಯಿಂದ ಹಾರಾಡುವ ಹಕ್ಕಿಯಂತೆ ಇದ್ದವರಿಗೆ ಸೋಮವಾರವೆಂದರೆ ಅಲರ್ಜಿ. ವೀಕೆಂಡ್ ಜಾಲಿ ಮೂಡ್ ನಿಂದ ಇನ್ನೂ ಹೊರಗೇ ಬಂದಿಲ್ಲ, ಆಗ್ಲೇ ಸೋಮವಾರ ಬಂದೇ ಬಿಟ್ಟಿರುತ್ತೆ. ಮನಸ್ಸಿಲ್ಲದ ಮನಸ್ಸಿನಿಂದ ವಾರದ ಮೊದಲ ದಿನವನ್ನು ಸ್ವಾಗತಿಸಲೇಬೇಕು. ಇಲ್ಲವೆಂದರೆ ಬದುಕು ಮುಂದೆ ಸಾಗುವುದಾದರೂ ಹೇಗೆ?

ಕೆಲಸ ಮಾಡುವವರಿಗಂತೂ ಸೋಮವಾರ ಒಂದು ತರಹ ಹತಾಶೆಯ ದಿನ ಎಂದರೆ ತಪ್ಪಾಗೋದಿಲ್ಲ. ಅದಕ್ಕೆ ಬೇಕಾದಷ್ಟು ಕಾರಣಗಳೂ ಇರಬಹುದು. ಆದರೆ ಇಂತಹ ಮಂಡೇ ಬ್ಲೂಸ್ (ಸೋಮವಾರದ ಹತಾಶೆ)ಯಿಂದ ಹೊರಬರಲು ಇಲ್ಲೊಂದಿಷ್ಟು ಸಲಹೆಗಳಿವೆ. ಇದನ್ನು ಪಾಲಿಸುವುದರಿಂದ ಸೋಮವಾರದ ಸೋಂಬೇರಿತನವನ್ನು ಹೋಗಲಾಡಿಸಬಹುದು.

ಬೇಗ ನಿದ್ದೆಗೆ ಜಾರಿ: ಭಾನುವಾರ ಒಂದು ಗಂಟೆ ಮುಂಚಿತವಾಗಿ ಮಲಗಿಬಿಟ್ಟರೆ ಸೋಮವಾರ ಆರಾಮಾಗಿ ಎದ್ದೆಳಬಹುದು. ಭಾನುವಾರ ರಾತ್ರಿ ಎಂದಿಗಿಂತ ಒಂದು ಗಂಟೆ ಬೇಗ ಹಾಸಿಗೆಗೆ ಹೋದರೆ ಬೆಳಗ್ಗೆ ಬೇಗ ಏಳಲೂ ಬಹುದು, ಮತ್ತು ನಿದ್ದೆ ಇಲ್ಲದೆ ತೂಕಡಿಸಿಕೊಂಡು ನಿರುತ್ಸಾಹದಿಂದ ಕೆಲಸದ ಕಡೆಗೆ ಹೆಜ್ಜೆ ಹಾಕುವುದನ್ನೂ ತಪ್ಪಿಸಬಹುದು. ಸೋಮವಾರ ಉತ್ಸಾಹ ತುಂಬಿದ ಹೃದಯದಿಂದ ಕೆಲಸದೆಡೆಗೆ ಗಮನಕೊಡಲು ನಿದ್ದೆ ತುಂಬಾ ಅವಶ್ಯಕ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.