Weight Loss: ಕ್ರಿಸ್ಮಸ್‌ ಬಳಿಕ ಬಾಡಿ ಡಿಟಾಕ್ಸ್ ಮಾಡಿಕೊಳ್ಳುವುದು ಹೇಗೆ?

ಕ್ರಿಸ್‌ಮಸ್ ಸೀಸನ್‌ ಬಂತೆಂದರೆ ಸಾಕು ಕೇಕ್‌, ಮಫಿನ್‌, ಕುಕೀಸ್‌ ಮುಂತಾದ ಸಿಹಿ ತಿನಿಸುಗಳೊಂದಿಗೆ ವೈನ್‌, ಕಾಕ್ಟೇಲ್‌, ಮಾಕ್ಟೇಲ್‌ ಕೂಡಾ ನಮ್ಮ ಹೊಟ್ಟೆ ಸೇರುತ್ತೆ. ಎಷ್ಟೇ ಡಯಟ್‌ ಮಾಡುವವರಾದರೂ ಇಂಥವೆಲ್ಲಾ ತಿನ್ನಲು ಕೊಟ್ಟಾಗ ಬೇಡವೆನ್ನಲಾಗದು. ಆದರೆ ಅಷ್ಟೂ ದಿನ ಡಯಟ್‌ ಮಾಡುತ್ತಿದ್ದ ದೇಹಕ್ಕೆ ಆಹಾರದಲ್ಲಿ ಆಗುವಂತ ಬದಲಾವಣೆಯಿಂದ ಸ್ವಲ್ಪ ತಿಂದರೂ ಹೊಟ್ಟೆ ತುಂಬಿದಂತ ಭಾವನೆ, ಬೇಗನೆ ಆಯಾಸವಾಗೋದು ಈ ರೀತಿಯ ಬದಲಾವಣೆಗಳು ಶುರುವಾಗಿಬಿಡುತ್ತದೆ.

ಈ ಲೇಖನದಲ್ಲಿ ನಿಮಗೆ ಉಪಯೋಗವಾಗುವಂತ ಟಿಪ್ಸ್‌ ಇದೆ ನೋಡಿ. ಕ್ರಿಸ್‌ಮಸ್‌ ಸಮಯದಲ್ಲಿ ಎಷ್ಟು ತಿಂದರೂ ಮತ್ತೆ ಡಿಟಾಕ್ಸ್‌ ಮಾಡಬಹುದಾದ ಟಿಪ್ಸ್‌ ಇಲ್ಲಿದೆ ನೋಡಿ.

೧.ಹೆಚ್ಚಿ ನಾರಿನಂಶವಿರುವ ಆಹಾರ ಸೇವಿಸಿ
ಸಾವಯವ ಹಣ್ಣುಗಳು ಮತ್ತು ತರಕಾರಿಗಳು ಹೆಚ್ಚಿನ ಪ್ರಮಾಣದ ನಾರಿನಂಶವನ್ನು ಹೊಂದಿರುತ್ತೆ. ಹೂಕೋಸು, ಕೇಲ್, ಎಲೆಕೋಸು, ಕ್ಯಾರೆಟ್‌ ಮತ್ತು ಫನ್ನೆಲ್‌ ನಾರಿನಂಶವಿರುವ ತರಕಾರಿಗಳು. ಇದು ದೇಹದಲ್ಲಿನ ಫೈಬರ್‌ ಅಂಶದ ಕೊರತೆಯನ್ನು ಇದು ನೀಗಿಸುತ್ತದೆ. ಇದು ಹೊಟ್ಟೆತುಂಬಿದ ಭಾವನೆಯನ್ನು ಉಂಟು ಮಾಡುವುದಲ್ಲದೇ, ಇತರ ಅನಾರೋಗ್ಯಕರ ಆಹಾರ ಸೇವಿಸುವುದನ್ನು ಸ್ವಲ್ಪ ಮಟ್ಟಿಗೆ ನಿಯಂತ್ರಿಸುತ್ತದೆ. ಇಷ್ಟು ಮಾತ್ರವಲ್ಲ ಇದು ಜೀರ್ಣಾಂಗವ್ಯೂಹವನ್ನು ರಕ್ಷಿಸುತ್ತದೆ. ಉತ್ತಮ ಜೀರ್ಣಕ್ರಿಯೆಗೂ ಸಹಕಾರಿ.

೨. ದೇಹವನ್ನು ಹೈಡ್ರೇಟ್‌ ಆಗಿಟ್ಟುಕೊಳ್ಳಿ
ಹೆಚ್ಚು ನೀರು ಕುಡಿಯುವುದು ದೇಹದಲ್ಲಿನ ಟಾಕ್ಸಿಕ್‌ ಅಂಶಗಳು ಹೊರಹೋಗಲು ಸಹಾಯ ಮಾಡುತ್ತದೆ ಮಾತ್ರವಲ್ಲ ದೇಹಕ್ಕೆ ಶಕ್ತಿಯನ್ನೂ ನೀಡುತ್ತದೆ. ಹಾಗಾಗಿ ದಿನಪೂರ್ತಿ ದೇಹಕ್ಕೆ ಬೇಕಾಗುಷ್ಟು ನೀರು ಕುಡಿಯುವುದನ್ನು ಈ ಕ್ರಿಸ್‌ಮಸ್‌ ಸಂಭ್ರಮದಲ್ಲಿ ಮರೆಯುವುದಕ್ಕಂತೂ ಹೋಗಬೇಡಿ. ದಿನವನ್ನು ಆರೋಗ್ಯಕರವಾಗಿಡಲು ಮತ್ತು ದೇಹವನ್ನು ಶುದ್ಧೀಕರಿಸಲು , ಒಂದು ಲೋಟ ಬೆಚ್ಚಗಿನ ನೀರಿಗೆ ನಿಂಬೆರಸವನ್ನು ಬೆರೆಸಿ ಕುಡಿಯುವುದು ಉತ್ತಮ ಆಯ್ಕೆಯಾಗಿದೆ. ಇದು ವಿಟಮಿನ್ ಸಿ ಜೊತೆಗೆ ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಬಲಪಡಿಸುತ್ತದೆ ಮತ್ತು ಇದು ನಿರ್ವಿಶೀಕರಣದಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತದೆ. ಧನಾತ್ಮಕ ಅಡ್ಡ ಪರಿಣಾಮವೆಂದರೆ ರುಚಿಕರವಾದ ನಿಂಬೆ ನೀರು ಜೀರ್ಣಕ್ರಿಯೆಯನ್ನು ನಿಯಂತ್ರಿಸುತ್ತದೆ ಮತ್ತು ವಿವಿಧ ಕ್ರಿಸ್ಮಸ್ ಹಬ್ಬದ ನಂತರ ತೂಕವನ್ನು ಕಳೆದುಕೊಳ್ಳಲು ಕೂಡಾ ಸಹಾಯ ಮಾಡುತ್ತದೆ.

ನಿಮ್ಮ ಆಹಾರದಲ್ಲಿ ಸೇರಿಸಬೇಕಾದ ಮತ್ತೊಂದು ಪ್ರಯೋಜನಕಾರಿ ಪಾನೀಯವೆಂದರೆ ಗ್ರೀನ್‌ ಟೀ. ಇದು ನಿಮ್ಮ ಚಯಾಪಚಯ ಕ್ರಿಯೆಯನ್ನು ಪ್ರಾರಂಭಿಸಲು ಸಹಾಯ ಮಾಡುತ್ತದೆ ಮತ್ತು ದೇಹವು ವಿಷವನ್ನು ತೊಡೆದುಹಾಕಲು ಸಹಾಯ ಮಾಡುತ್ತದೆ.

೩. ಸಾಕಷ್ಟು ನಿದ್ರೆ ಮಾಡಿ
ನಮ್ಮ ದೇಹವು ಸಂಪೂರ್ಣವಾಗಿ ಕಾರ್ಯನಿರ್ವಹಿಸಲು ಸಾಕಷ್ಟು ನಿದ್ರೆಯ ಅಗತ್ಯವಿದೆ. ಈ ಸಮಯದಲ್ಲಿ, ದೇಹವು ತನ್ನನ್ನು ತಾನೇ ನಿರ್ವಿಷಗೊಳಿಸುತ್ತದೆ ಮತ್ತು ರಿಪೇರಿ ಮಾಡುತ್ತದೆ. ಅದರ ವಿಶ್ರಾಂತಿ ಹಂತದಲ್ಲಿ, ಇದು ಯಾವುದೇ ಪರಿಸರ ಮಾಲಿನ್ಯಕಾರಕಗಳಿಗೆ ಒಡ್ಡಿಕೊಳ್ಳುವುದಿಲ್ಲ. ಈ ಸಮಯದಲ್ಲಿ ಆಹಾರವನ್ನು ಸೇವಿಸದಿರುವ ಮೂಲಕ, ದೇಹವು ಅತ್ಯುತ್ತಮವಾಗಿ ಜೀರ್ಣಿಸಿಕೊಳ್ಳಲು ಮತ್ತು ಪುನರುತ್ಪಾದನೆಗಾಗಿ ಈ ಸಮಯವನ್ನು ಬಳಸಿಕೊಳ್ಳುತ್ತದೆ. ಕ್ರಿಸ್‌ಮಸ್‌ ಪಾರ್ಟಿಗಳಲ್ಲಿ ಹೆಚ್ಚು ಹೊತ್ತು ಕಳೆಯಬೇಡಿ, ನಿದ್ದೆಗೆಡಲು ಹೋಗಬೇಡಿ.

೪.ಕ್ರೀಡೆ, ಯೋಗ ಮತ್ತು ಸ್ಟ್ರೆಚಿಂಗ್

ಕ್ರಿಸ್‌ಮಸ್‌ ಮತ್ತು ಹೊಸ ವರ್ಷದ ಸಂಭ್ರಮದಲ್ಲಿ ದಿನವಿಡೀ ಹೆಚ್ಚು ಕುಳಿತುಕೊಂಡೇ ಕಾಲಕಳೆಯುತ್ತೇವೆ. ಹೆಚ್ಚಿನ ನಮ್ಮ ಚಟುವಟಿಕೆಗಳನ್ನು ಬದಿಗಿಟ್ಟು ರಜಾ ಅವಧಿಯಲ್ಲ ಎಂದು ಕುಳಿತುಕೊಂಡೇ ಇರುತ್ತೇವೆ. ಇದೂ ಕೂಡಾ ನಿಮ್ಮ ಆರೋಗ್ಯಕ್ಕೆ ಒಳ್ಳೆಯದಲ್ಲ.

ಯೋಗ ಅಥವಾ ಸ್ಟ್ರೆಚಿಂಗ್ ವ್ಯಾಯಾಮಗಳಂತಹ ನಿಯಮಿತ ವ್ಯಾಯಾಮಗಳು ಇಡೀ ದೇಹದ ಮೇಲೆ ಅನುಕೂಲಕರವಾಗಿ ಪರಿಣಾಮ ಬೀರುತ್ತವೆ ಮತ್ತು ಹೀಗಾಗಿ ರಕ್ತ ಪರಿಚಲನೆಯನ್ನು ಉತ್ತೇಜಿಸುತ್ತದೆ. ವ್ಯಾಯಾಮದ ನಂತರ, ನೀವು ಫಿಟ್‌ ಆಗುತ್ತೀರಿ ಮತ್ತು ಜೀರ್ಣಕ್ರಿಯೆಯು ಸುಧಾರಿಸುತ್ತದೆ. ಹೆಚ್ಚಿದ ರಕ್ತದ ಹರಿವು ಆಯಾಸ ಮತ್ತು ಆಲಸ್ಯವನ್ನು ಸಹ ಕಡಿಮೆ ಮಾಡುತ್ತದೆ.

೫. ಸ್ವಲ್ಪ ತಾಜಾ ಗಾಳಿಯನ್ನು ಪಡೆಯಿರಿ
ಶೀತ ಋತುವಿನ ಹೊರತಾಗಿಯೂ, ತಾಜಾ ಗಾಳಿಯು ಶ್ವಾಸಕೋಶ ಮತ್ತು ದೇಹಕ್ಕೆ ಮಾತ್ರವಲ್ಲದೆ ಮನಸ್ಸು ಮತ್ತು ಆತ್ಮಕ್ಕೂ ಒಳ್ಳೆಯದು. ಬೆಳಗ್ಗಿನ ಹೊತ್ತು ಸೂರ್ಯನ ಬಿಸಿಲಿನಲ್ಲಿ ಸ್ವಲ್ಪ ಹೊರಗೆ ಓಡಾಡಿ. ಈ ಚಟುವಟಿಕೆಯಿಂದ ವಿಟಮಿನ್ ಡಿಯನ್ನು ದೇಹ ಹೀರಲ್ಪಡುತ್ತದೆ. ಈ ವಿಟಮಿನ್ ದೇಹಕ್ಕೆ ಅತ್ಯಗತ್ಯ. ಬಿಸಿಲು ತೀವ್ರವಾಗಿದ್ದರೆ ಹೆಚ್ಚು ಓಡಾಡಬೇಡಿ. ದಿನಕ್ಕೆ 20 ನಿಮಿಷಗಳು ಸಾಕು.

ವಾಕಿಂಕ್‌ ಇಷ್ಟವಿಲ್ಲದಿದ್ದರೆ ಊಟದ ಸಮಯದಲ್ಲಿ ನಿಮ್ಮ ಟೆರೇಸ್ ಅಥವಾ ಬಾಲ್ಕನಿಯಲ್ಲಿ ಕುಳಿತುಕೊಳ್ಳಿ. ಆರೋಗ್ಯಕರ ಸಮತೋಲಿತ ಆಹಾರದ ಜೊತೆಗೆ ಸಾಕಷ್ಟು ತಾಜಾ ಗಾಳಿಯು ಪರಿಪೂರ್ಣ ನಿರ್ವಿಶೀಕರಣ ಕಾರ್ಯಕ್ರಮಕ್ಕೆ ಕಾರಣವಾಗುತ್ತದೆ.

೬. ಸೋನಾ ಬಾತ್‌
ಈ ರಜಾ ದಿನದಲ್ಲಿ ಡಿಟಾಕ್ಸ್‌ ಮಾಡಿಕೊಳ್ಳಲು ಸೋನಾ ಬಾತ್‌ ಕೂಡಾ ಸಹಕಾರಿ. ಅಲ್ಲದೇ ಚಳಿಗಾಲದ ಸಮಯದಲ್ಲಂತೂ ಇದು ಹೆಚ್ಚು ಉಪಯುಕ್ತ. ದೇಹವು ಬೆವರಿನ ಮೂಲಕ ವಿಷವನ್ನು ಹೊರಹಾಕುತ್ತದೆ. ಚರ್ಮದ ಮೂಲಕ, ದೇಹವು ಒಳಗಿನಿಂದ ಸ್ವತಃ ಸ್ವಚ್ಛಗೊಳಿಸುತ್ತದೆ. ಇದು ವಿಶ್ರಾಂತಿ ಮತ್ತು ರಕ್ತ ಪರಿಚಲನೆಯನ್ನು ಉತ್ತೇಜಿಸುತ್ತದೆ.

ಯಾವುದೇ ಆಗಲಿ ನಾವು ಯೋಚನೆ ಮಾಡಿಯೇ ತಿನ್ನುತ್ತೇವೆ. ತಿನ್ನುವ ವಿಚಾರದಲ್ಲಿ ಅದೂ ಕ್ರಿಸ್‌ಮಸ್‌ ಸಮಯದಲ್ಲಿ ಯಾವ ಆಹಾರವನ್ನು ತಿನ್ನಬೇಕು ಎನ್ನುದನ್ನು ಯೋಚನೆ ಮಾಡಿ ತಿನ್ನಿ. ಸಿಕ್ಕಿದ್ದೆಲ್ಲವನ್ನೂ ತಿಂದುಬಿಡುವ ಪ್ರವೃತ್ತಿ ಬಿಡಿ. ಯಾವುದೇ ಪಾರ್ಟಿಗಳಿಗೆ ಹೋಗಲಿ ನಿಮ್ಮ ಆಹಾರ ಲಘುವಾಗಿರಲಿ. ಬೇಯಿಸಿದ, ಪ್ಯಾಕ್ ಮಾಡಿದ, ಸಂಸ್ಕರಿಸಿದ ಆಹಾರಗಳನ್ನು ಆದಷ್ಟು ತಪ್ಪಿಸಿ. ಹೆಚ್ಚು ಕಾಲ ಹಸಿವಾಗದಂತೆ ನೋಡಿಕೊಳ್ಳಲು ಪ್ರೋಟಿನ್‌ ಮತ್ತು ಫೈಬರ್‌ ಹೆಚ್ಚಿರುವ ಆಹಾರ ಸೇವಿಸಿ. ಇದು ಚಳಿಗಾಲವೂ ಕೂಡಾ ಹಾಗಾಗಿ ಶುಂಠಿ, ದಾಲ್ಚಿನ್ನಿ, ನಿಂಬೆ, ಸೋಂಪು, ಏಲಕ್ಕಿ ಮುಂತಾದುವುಗಳೂ ನಿಮ್ಮ ಆಹಾರದಲ್ಲಿರಲಿ. ಇದು ಜೀರ್ಣಕ್ರಿಯೆಯನ್ನು ಸುಲಭಗೊಳಿಸುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.