R.1 ಕೋವಿಡ್‌ ರೂಪಾಂತರ: ಇದು ಅಪಾಯಕಾರಿಯೇ? ಇದರಿಂದ ರಕ್ಷಣೆಗೆ ಏನು ಮಾಡಬೇಕು?

R.1 ರೂಪಾಂತರ ಎಂದರೇನು? ಇದು ಅಪಾಯಕಾರಿಯೇ?

R.1 ರೂಪಾಂತರ ಎಂಬುವುದು ಕೊರೊನಾವೈರಸ್‌ನ ಒಂದು ರೂಪಾಂತರವಾಗಿದೆ. ಈ ಹೊಸ ತಳಿ ಈ ಹಿಂದೆ ಕಂಡು ಬಂದ ಕೊರೊನಾವೈರಸ್‌ಗಿಂತ ವಿಭಿನ್ನವಾಗಿ ಜಗತ್ತನ್ನು ಕಾಡಲಿದೆ ಎಂದು ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ. ಆದರೆ ಈ ವೈರಸ್‌ ಕುರಿತು ತುಂಬಾ ಆತಂಕ ಪಡುವ ಅಗ್ಯತವಿಲ್ಲ, ಆದರೆ ಮುನ್ನೆಚ್ಚರಿಕೆವಹಿಸಬೇಕು. ಏಕೆಂದರೆ ಇದು ಡೆಲ್ಟಾ ರೂಪಾಂತರಕ್ಕಿಂತ ಅಪಾಯಕಾರಿಯಾಗಿ ಪರಿಣಾಮ ಬೀರಬಹುದು. ಇನ್ನೂ ಡೆಲ್ಟಾ ರೂಪಾಂತರ ಇರುವ ಕಡೆಗಳಲ್ಲಿ ಈ ವೈರಸ್‌ ಕಂಡು ಬರುವ ಸಾಧ್ಯತೆ ಕಡಿಮೆ ಎಂದು ತಜ್ಞರು ತಿಳಿಸಿದ್ದಾರೆ.

R.1 ರೂಪಾಂತರ ಲಕ್ಷಣಗಳು ಭಿನ್ನವಾಗಿದೆಯೇ?

R.1 ರೂಪಾಂತರ ವೈರಸ್‌ ಸೋಂಕಿದಾಗ ಕಂಡು ಬರುವ ರೋಗ ಲಕ್ಷಣಗಳಿಗೂ ಈ ಹಿಂದೆ ಕಂಡು ಬಂದ ಕೊರೊನಾವೈರಸ್‌ ಸಾಂಕ್ರಾಮಿಕ ರೋಗದ ಲಕ್ಷಣಗಳಿಗೆ ತುಂಬಾ ವ್ಯತ್ಯಾಸವೇನು ಇಲ್ಲ. ಈ ರೂಪಾಂತರ ಸೋಂಕಿನ ಪ್ರಮಾಣ ಹೆಚ್ಚು. ಅಮೆರಿಕದಲ್ಲಿ ಈ ರೂಪಾಂತರ ಪ್ರಮಾಣ ಶೇ.5ರಷ್ಟು ಇದೆ, ವಿಶ್ವದಲ್ಲಿ ಶೇ.1ರಷ್ಟಿದೆ.

ಲಸಿಕೆ ಪಡೆದವರು ಸುರಕ್ಷಿತವೇ?

ಇಲ್ಲ, ಈ ರೂಪಾಂತರ ಲಸಿಕೆ ಪಡೆದವರಲ್ಲಿಯೂ ಕಂಡು ಬಂದಿದೆ. ಅಲ್ಲದೆ ಈ ವೈರಸ್‌ ತಗುಲಿದರೆ ಲಸಿಕೆ ಪಡೆದವರಲ್ಲೂ ರೋಗ ಲಕ್ಷಣಗಳು ಕಂಡು ಬಂದಿವೆ. ಆದರೆ ಈ ಹೊಸ ವೈರಸ್‌ ಲಸಿಕೆ ಪಡೆದವರಲ್ಲಿ, ಪಡೆಯದೇ ಇರವವರಲ್ಲಿಯೂ ಕಂಡು ಬಂದಿದೆ.

R.1 ರೂಪಾಂತರ ತಡೆಗಟ್ಟುವುದು ಹೇಗೆ?

* ಜನರು ಸಾರ್ವಜನಿಕ ಸ್ಥಳಗಳಲ್ಲಿ ಸಾಮಾಜಿಕ ಅಂತರ ಕಾಪಾಡಿಕೊಳ್ಳಬೇಕು

* ಮಾಸ್ಕ್ ಧರಿಸಿ

* ಕೈಗಳಿಗೆ ಸ್ಯಾನಿಟೈಸರ್‌ ಬಳಸಿ

* ಎರಡು ಡೋಸ್‌ ಲಸಿಕೆ ಪಡೆದುಕೊಳ್ಳಿ

* ವೈರಸ್‌ ಜನರಿಂದ ಜನರಿಗೆ ಹರಡಿದಾಗ ಅದು ರೂಪಾಂತರವಾಗುವುದು. ಮೊದಲಿಗೆ ಆ ರೀತಿ ಹರಡುವುದನ್ನು ತಡೆಗಟ್ಟಬೇಕು, ಅದಕ್ಕೆ ಕೊರೊನಾ ನಿಯಮಗಳನ್ನು ಕಡ್ಡಾಯವಾಗಿ ಪಾಲಿಸಿ.