ಕೊರೊನಾವೈರಸ್‌ ದೇಹ ಹೊಕ್ಕಾಗ ಏನಾಗುತ್ತದೆ ನೋಡಿ

ದೇಹದ ಇತರ ಭಾಗಗಳಿಗೆ ಹಾನಿಯುಂಟಾಗುವುದೇ?

ಕೊರೊನಾವೈರಸ್ ಪ್ರಮುಖವಾಗಿ ಶ್ವಾಸಕೋಶಕ್ಕೆ ಹಾನಿಯುಂಟು ಮಾಡುತ್ತದೆ, ಆದರೆ ವ್ಯಕ್ತಿ ಸ್ಥಿತಿ ತುಂಬಾ ಗಂಭೀರವಾದಾಗ ಇತರ ಅಂಗಗಳ ಮೇಲೂ ಪರಿಣಾಮ ಬೀರುತ್ತದೆ. ಸೋಂಕು ನೇರವಾಗಿ ಇತರ ಅಂಗಗಳಿಗೆ ಹಾನಿ ಮಾಡುವುದಿಲ್ಲ, ಆದರೆ ಆ ಸೋಂಕಿಗೆ ದೇಹ ಪ್ರತಿಕ್ರಿಯಿಸುತ್ತದೆ ಎಂಬುವುದರ ಮೇಲೆ ದೇಹದ ಇತರ ಅಂಗಗಳು ಹಾನಿಗೊಳಗಾಗುತ್ತವೆ.

ಹೊಟ್ಟೆ ಮತ್ತು ಜೀರ್ಣಾಂಗ ವ್ಯೂಹ

ಕೋವಿಡ್ 19 ಸೋಂಕಿತರಲ್ಲಿ ಕೆಲವರಿಗೆ ಹೊಟ್ಟೆ ಸಂಬಂಧಿಸಿದ ಸಮಸ್ಯೆಗಳು ಕಂಡು ಬರುತ್ತದೆ. ವಾಂತಿ, ಬೇಧಿ ಈ ರೀತಿಯ ಸಮಸ್ಯೆಗಳು ಕಂಡು ಬರಬಹುದು.

ಹೃದಯ ಹಾಗೂ ರಕ್ತನಾಳಗಳಿಗೆ ಹಾನಿ

ಹೃದಯ ಬಡಿತದಲ್ಲಿ ವ್ಯತ್ಯಾಸ ಉಂಟಾಗುವುದು, ರಕ್ತನಾಳಗಳಿಗೆ ಸಾಕಷ್ಟು ರಕ್ತ ಸಿಗದೇ ಹೋಗುವುದು, ಅತ್ಯಧಿಕ ರಕ್ತದೊತ್ತಡ ಮುಂತಾದ ಸಮಸ್ಯೆ ಕಂಡು ಬರುವುದು. ವೈರಸ್‌ ನೇರವಾಗಿ ಹೃದಯಕ್ಕೆ ಹಾನಿ ಉಂಟು ಮಾಡುತ್ತದೆಯೇ ಎಂಬುವುದರ ಬಗ್ಗೆ ಇದುವರೆಗೆ ಸ್ಪಷ್ಟ ಚಿತ್ರಣ ಸಿಕ್ಕಿಲ್ಲ. ಕೋವಿಡ್ 19 ಸೋಂಕಿತರಲ್ಲಿ ಕೆಲವರಿಗಷ್ಟೇ ಹೃದಯಕ್ಕೆ ಸಂಬಂಧಿಸಿದ ಸಮಸ್ಯೆಗಳು ಕಂಡು ಬರುವುದು.

ಲಿವರ್ ಮತ್ತು ಕಿಡ್ನಿ

ಲಿವರ್‌ಗೆ ಹಾನಿಯುಂಟಾಧರೆ ಸಹಜಕ್ಕಿಂತ ಅಧಿಕ ಎಂಜೈಮ್ಸ್ ರಕ್ತನಾಳಗಳಿಗೆ ಬಿಡುಗಡೆ ಮಾಡುತ್ತದೆ. ಒಂದು ಅಧ್ಯಯನದ ಪ್ರಕಾರ ವುಹಾನ್‌ನಲ್ಲಿ ಕೋವಿಡ್‌ ಸೋಂಕಿತರಲ್ಲಿ ಶೇ. 27ರಷ್ಟು ರೋಗಿಗಳಿಗೆ ಲಿವರ್ ಸಮಸ್ಯೆ ಉಂಟಾಗಿತ್ತು. ಕೆಲವು ಸೋಂಕಿತರ ಕಿಡ್ನಿಯೂ ಹಾಳಾಗಿತ್ತು. ಈ ರೀತಿಯ ಸಮಸ್ಯೆ ಗಂಭೀರ ಸೋಂಕಿತರಲ್ಲಿ ಮಾತ್ರ ಕಂಡು ಬರುತ್ತದೆ.

ನ್ಯೋಮೋನಿಯಾ ಆದಾಗ ಧೇಹಕ್ಕೆ ಕಡಿಮೆ ಪ್ರಮಾಣದ ಆಮ್ಲಜನಕ ಪೂರೈಕೆ ಆಗುತ್ತದೆ. ಇದರಿಂದಾಗಿ ಕಿಡ್ನಿಗೆ ಹಾನಿಯುಂಟಾಗುವುದು.

ರೋಗನಿರೋಧಕ ವ್ಯವಸ್ಥೆ

ಮನುಷ್ಯ ದೇಹಕ್ಕೆ ಯಾವುದಾದರೂ ವೈರಸ್‌ ಹೊರಗಿನಿಂದ ದಾಳಿ ಮಾಡಿದರೆ ಅದನ್ನು ನಾಶ ಮಾಡುವ ಕಾರ್ಯವನ್ನು ರೋಗನಿರೋಧಕ ವ್ಯವಸ್ಥೆ ಮಾಡುತ್ತದೆ. ರೋಗ ನಿರೋಧಕ ಶಕ್ತಿ ಕಡಿಮೆ ಇರುವವರಿಗೆ ಮಾತ್ರ ಕೊರೊನಾವೈರಸ್ ಅಪಾಯಕಾರಿ, ರೋಗ ನಿರೋಧಕ ಶಕ್ತಿ ಹೆಚ್ಚಿರುವವರಿಗೆ ಕೊರೊನಾವೈರಸ್ ಏನೂ ಮಾಡುವುದಿಲ್ಲ ಎಂಬುವುದು ಈಗಾಗಲೇ ಸಾಬೀತಾಗಿದೆ.

ಮಕ್ಕಳಲ್ಲಿ ಹಾಗೂ ವಯಸ್ಸಾದವರಲ್ಲಿ ರೋಗ ನಿರೋಧಕ ಶಕ್ತಿ ಕಡಿಮೆ ಇರುತ್ತದೆ. ಆದ್ದರಿಂದ ಈ ವಯಸ್ಸಿನವರು ಮನೆಯಲ್ಲಿಯೇ ಇದ್ದು ಆರೋಗ್ಯ ಕಾಪಾಡಿಕೊಳ್ಳಿ.