H3N2 ವೈರಸ್‌ಗೆ ಕರ್ನಾಟಕದಲ್ಲಿ ಮೊದಲ ಬಲಿ; ಈ ಅಪಾಯಕಾರಿ ಕಾಯಿಲೆಯ ಲಕ್ಷಣಗಳೇನು, ತಡೆಗಟ್ಟುವುದು ಹೇಗೆ

ಭಾರತದಲ್ಲಿ H3N2 ಜೊತೆಗೆ H1N1 ಆತಂಕ

ಭಾರತದಲ್ಲಿ ಇದುವರೆಗೆ H3N2 ಇನ್‌ಫ್ಲುಯೆಂಜಾ 90 ಜನರಿಗೆ ಬಾಧಿಸಿದೆ, ಅಲ್ಲದೆ 8 ಜನರಲ್ಲಿ H1N1 ಇನ್‌ಫ್ಲುಯೆಂಜಾ ಲಕ್ಷಣಗಳು ಕಂಡು ಬಂದಿದೆ.

H3N2 ಇನ್‌ಫ್ಲುಯೆಂಜಾ ಕಳೆದ ಎರಡು ಮೂರು ತಿಂಗಳಿನಿಂದ ಕಂಡು ಬರುತ್ತಿದ್ದು ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನವರಲ್ಲಿ ಕಂಡು ಬರುತ್ತಿದೆ. H3N2 ಇನ್‌ಫ್ಲುಯೆಂಜಾ ತುಂಬಾನೇ ಅಪಾಯಕಾರಿಯಾಗಿದ್ದು ಈ ವೈರಸ್‌ ತಗುಲಿದವರು ಆಸ್ಪತ್ರೆಗೆ ದಾಖಲಾಗಬೇಕಾಗುತ್ತದೆ, ಏಕೆಂದರೆ ಈ ವೈರಸ್‌ನಲ್ಲಿ ರೋಗ ಲಕ್ಷಣಗಳು ಗಂಭೀರವಾಗಿರುತ್ತದೆ.

H3N2 ಇನ್‌ಫ್ಲುಯೆಂಜಾ ವೈರಸ್‌ ತಗುಲಿದರೆ ರೋಗ ಲಕ್ಷಣಗಳು ಗಂಭೀರವಾಗಿರುತ್ತದೆ

ಜ್ವರ ಎಂದು ಬರುತ್ತಿರುವ ಶೇ. 92ರಷ್ಟು ಜನರಲ್ಲಿ H3N2 ಫ್ಲೂ ಕಂಡು ಬರುತ್ತಿದೆ. ಈ ವೈರಸ್‌ ತಗುಲಿದರೆ ವಿಪರೀತ ಕೆಮ್ಮು ಜೊತೆಗೆ ಉಸಿರಾಟದಲ್ಲಿ ತೊಂದರೆ ಉಂಟಾಗುತ್ತಿದೆ. ಕೆಲವರಿಗೆ ನ್ಯೂಮೋನಿಯಾ, ಪಿಡ್ಸ್‌ ಕೂಡ ಬರುತ್ತಿದೆ. ಆಕ್ಸಿಜನ್‌ ಕೊರತೆಯಿಂದಾಗಿ ಐಸಿಯು ಚಿಕಿತ್ಸೆ ಅವಶ್ಯಕವಾಗಿದೆ. ಈ ಕಾರಣಗಳಿಂದ H3N2 ಇನ್‌ಫ್ಲುಯೆಂಜಾ ವೈರಸ್‌ ತಗುಲಿದರೆ ರೋಗಿಗಳು ಆಸ್ಪತ್ರೆಯಲ್ಲಿಯೇ ಇದ್ದು ಚಿಕಿತ್ಸೆ ಪಡೆಯಬೇಕಾಗಿದೆ.

ಕೆಮ್ಮು, ಶೀತ, ಜ್ವರಕ್ಕೆ ಆ್ಯಂಟಿಬಯೊಟಿಕ್ಸ್ ಕೊಡದಂತೆ IMA ಸೂಚನೆ

ಸಾಮಾನ್ಯವಾಗಿ ಜ್ವರ, ಕೆಮ್ಮು , ಶೀತ ಅಂತ ಬಂದವರಿಗೆ ವೈದ್ಯರು ಆ್ಯಂಟಿಬಯೋಟಿಕ್ಸ್ ನೀಡುತ್ತಾರೆ. ಆದರೆ ಆ ರಿತಿ ನೀಡದಂತೆ ಇಂಡಿಯನ್‌ ಮೆಡಿಕಲ್‌ ಅಸೋಷಿಯೇಷನ್ ಸೂಚಿಸಿದೆ. ಬ್ಯಾಕ್ಟಿರಿಯಾ ಸೋಂಕು ಎಂದು ಖಾರಿಯಾಗದೆ ಆ್ಯಂಟಿಬಯೋಟಿಕ್ಸ್ ನೀಡುವಂತಿಲ್ಲ, ಇನ್‌ಫ್ಲುಯೆಂಜಾ ಆದರೆ ಆ್ಯಂಟಿಬಯೋಟಿಕ್ಸ್ ನೀಡಬೇಡಿ ಎಂಬುವುದಾಗಿ ಕಟ್ಟು ನಿಟ್ಟಿನ ಸೂಚನೆ ನೀಡಲಾಗಿದೆ.

H3N2 ವೈರಸ್‌ ವೈರಸ್‌ ಲಕ್ಷಣಗಳು

* ಚಳಿ-ಜ್ವರ'

* ವಿಪರೀತ ಕೆಮ್ಮು

* ತಲೆಸುತ್ತು

* ವಾಂತಿ

* ಗಂಟಲು ಕೆರೆತ

* ಮೈಕೈ ನೋವು

* ಬೇಧಿ

* ಶೀತ

H3N2 ತಡೆಗಟ್ಟುವುದು ಹೇಗೆ?

ಕೋವಿಡ್ 19 ಸಮಯದಲ್ಲಿ ಪಾಲಿಸಿದ ಮುನ್ನೆಚ್ಚರಿಕೆಕ್ರಮಗಳನ್ನು ಪಾಲಿಸುವುದು ಒಳ್ಳೆಯದು.

* ಹೊರಗಡೆ ಹೋಗುವಾಗ ಮಾಸ್ಕ್ ಧರಿಸಿ

* ಜನರು ತುಂಬಾ ಗುಂಪು ಇರುವ ಕಡೆ ಹೋಗಬೇಡಿ.

* ಕೈಯಿಂದ ಮೂಗು, ಬಾಯಿ ಆಗಾಗ ಮುಟ್ಟಬೇಡಿ

* ಸಾಕಷ್ಟು ನೀರು ಕುಡಿಯಿರಿ

* ಜ್ವರ, ಮೈಕೈ ನೋವು ಇದ್ದರೆ ಪ್ಯಾರಾಸಿಟಮೋಲ್‌ ತೆಗೆದುಕೊಳ್ಳಿ.

* ನೀವು ಯಾರಿಗೂ ಕೈ ಕುಲುಕಿ ವಿಶ್ ಮಾಡಬೇಡಿ

* ಸಾರ್ವಜನಿಕ ಸ್ಥಳಗಳಲ್ಲಿ ಉಗುಳಬಾರದು, ಹೋಟೆಲ್‌ಗೆ ಹೋಗಿ ಊಟ ಮಾಡುವಾಗ ಅಂತರ ಕಾಯ್ದುಕೊಳ್ಳಿ.