ಹೃದಯ ಗಟ್ಟಿಯಾಗಿರಲು ಸೇಬು ತಿನ್ನಿ

Heart

oi-Sumalatha

By Sumalatha

Published: Monday, November 21, 2011, 12:27 [IST]

ನಿಮ್ಮ ಹೃದಯವನ್ನು ರೋಗಗಳಿಂದ ದೂರವಿರಿಸಿ ಜೋಪಾನವಾಗಿಟ್ಟುಕೊಳ್ಳಬೇಕೆಂದರೆ ದಿನಕ್ಕೊಂದು ಸೇಬು ತಿನ್ನಬೇಕು ಎಂದಿದೆ ನೂತನ ಅಧ್ಯಯನ.

ಆಸ್ಟ್ರೇಲಿಯಾ ಯೂನಿವರ್ಸಿಟಿಯ ಔಷಧ ವಿಜ್ಞಾನದ ವೈದ್ಯಕೀಯ ವಿದ್ಯಾರ್ಥಿ ಕ್ಯಾಥರೀನ್ ಬಾಂಡನೊ ನಡೆಸಿದ ಅಧ್ಯಯನದಿಂದ, ಸೇಬಿನ ಸೇವನೆ ಹೃದಯ ಸ್ವಾಸ್ಥ್ಯದ ಅಂಶವಾಗಿರುವ ನೈಟ್ರಿಕ್ ಆಕ್ಸೈಡ್ ಉತ್ಪಾದನೆ ಮತ್ತು ಎಂಡೋಥೆಲಿಯಾಲ್ ಕಾರ್ಯವೈಖರಿ ಮೇಲೆ ಪರಿಣಾಮ ಬೀರುತ್ತದೆ ಎಂದು ತಿಳಿದುಬಂದಿದೆ.

ಸೇಬಿನ ಹೊರಪದರದಲ್ಲಿರುವ ಫ್ಲಾವೊನಾಯ್ಡ್ ವಿಟಮಿನ್ ಪಿ ಮತ್ತು ಸಿರ್ ಟ್ರಿನ್ ಅಂಶ ಹೃದಯದ ಸ್ವಾಸ್ಥ್ಯಕ್ಕೆ ತುಂಬಾ ಸಹಕಾರಿ ಎಂಬ ಅಂಶವನ್ನು ಅಧ್ಯಯನ ತಿಳಿಸಿದೆ.

ಈ ಅಧ್ಯಯನದ ಪರವಾಗಿ ಕೆಲವರನ್ನು ಸಂಶೋಧನೆಗೆ ಒಳಪಡಿಸಿದಾಗ, ಸೇಬಿನ ಸೇವನೆಯಿಂದ ಹೃದಯದ ಸ್ವಾಸ್ಥ್ಯ ವೃದ್ಧಿಯಾಗಿರುವುದು ಕಂಡುಬಂದಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.