ಹೃದ್ರೋಗಿಗಳಿಗೆ ಪ್ರತ್ಯೇಕ ವ್ಯಾಯಾಮ ಹೇಗೆ?

Heart

oi-Sumalatha

By Sumalatha

Published: Friday, September 30, 2011, 16:45 [IST]

ವ್ಯಾಯಾಮ ಎಲ್ಲರಿಗೂ ಅಗತ್ಯ. ಆದರೆ ಹೃದ್ರೋಗಿಗಳ ಆರೋಗ್ಯ ತುಂಬಾ ಸೂಕ್ಷ್ಮವಾಗಿರುವುದರಿಂದ ಅವರ ಹೃದಯವನ್ನು ಜೋಪಾನವಾಗಿಟ್ಟುಕೊಳ್ಳಲು ವಿಶೇಷ ವ್ಯಾಯಾಮದ ಅವಶ್ಯಕತೆಯಿದೆ. ಆದ್ದರಿಂದ ಹೃದ್ರೋಗಿಗಳು ಯಾವ ರೀತಿ ವ್ಯಾಯಾಮ ಮಾಡಿದರೆ ಅವರ ಆರೋಗ್ಯ ಸುಧಾರಿಸಬಹುದು ಎಂದು ಇಲ್ಲಿ ತಿಳಿದುಕೊಳ್ಳಬಹುದು.

ಹೃದ್ರೋಗಿಗಳ ವ್ಯಾಯಾಮ ಹೀಗಿರಲಿ:

1. ಏರೋಬಿಕ್: ಏರೋಬಿಕ್ ವ್ಯಾಯಾಮ ಹೃದಯ ರೋಗಿಗಳಿಗೆ ಸೂಕ್ತ. ಹೆಚ್ಚು ಒತ್ತಡ ಹಾಕಿ ವ್ಯಾಯಾಮ ಮಾಡಿದರೆ ಅವರ ಉಸಿರಾಟಕ್ಕೆ ತೊಂದರೆ ಉಂಟಾಗಬಹುದಾದ್ದರಿಂದ ಏರೋಬಿಕ್ ಅವರಿಗೆ ಸೂಕ್ತ ವ್ಯಾಯಾಮ.

2. 30 ನಿಮಿಷದ ವ್ಯಾಯಾಮ: ದಿನಕ್ಕೆ 30 ನಿಮಿಷವಾದರೂ ವ್ಯಾಯಾಮ ಮಾಡಬೇಕು. ಇಲ್ಲವೆಂದರೆ ವಾರಕ್ಕೆ ಮೂರು ಬಾರಿಯಾದರೂ ವ್ಯಾಯಾಮ ಮಾಡಬೇಕು. ಮೊದಲು 5-10 ನಿಮಿಷದಿಂದ ವ್ಯಾಯಾಮ ಪ್ರಾರಂಭಿಸಿ ನಂತರ 30 ನಿಮಿಷ ತಲುಪುವಂತೆ ನೋಡಿಕೊಳ್ಳಬೇಕು.

3. ಬೆಳಗ್ಗೆ, ಸಂಜೆ ವ್ಯಾಯಾಮ: ದಿನಕ್ಕೆ 30 ನಿಮಿಷ ವ್ಯಾಯಾಮ ಮಾಡಲು ಸಾಧ್ಯವಾಗದಿದ್ದರೆ ಬೆಳಗ್ಗೆ 15 ನಿಮಿಷ ಸಂಜೆ 15 ನಿಮಿಷ ವ್ಯಾಯಾಮ ಮಾಡಿದರೆ ಆರೋಗ್ಯವನ್ನು ಬೇಗನೆ ಸುಧಾರಿಸಿಕೊಳ್ಳಬಹುದು.

4. ವಿರಾಮವಿರಲಿ: ವ್ಯಾಯಾಮವನ್ನು ಮಾಡುವ ಮುನ್ನ ಸ್ವಲ್ಪ ನಡಿಗೆ ಮತ್ತು ದೇಹವನ್ನು ಬಾಗಿಸಬೇಕು ಮತ್ತು ವ್ಯಾಯಾಮದ ಮಧ್ಯೆ ವಿರಾಮವನ್ನೂ ತೆಗೆದುಕೊಳ್ಳಬೇಕು.

5. ನಡಿಗೆ: ಹೃದ್ರೋಗಿಗಳಿಗೆ ನಡಿಗೆ ಹೆಚ್ಚು ಅಗತ್ಯವಿರುವ ಏರೋಬಿಕ್. ಬೆಳಗ್ಗೆ ಮತ್ತು ಸಂಜೆ ಎರಡು ಬಾರಿ ನಡೆದರೂ ಒಳ್ಳೆಯದು.

6. ಕಠಿಣ ವ್ಯಾಯಾಮ ಬೇಡ: ತುಂಬಾ ಕಠಿಣ ವ್ಯಾಯಾಮವನ್ನು ಹೃದ್ರೋಗಿಗಳು ಮಾಡದಿರುವುದು ಉತ್ತಮ. ಏಕೆಂದರೆ ಅವರಲ್ಲಿ ಇದರಿಂದ ಎದೆ ನೋವು ಕಾಣಿಸಿಕೊಳ್ಳಬಹುದು.

7. ವಾತಾವರಣ: ಹೊರಗೆ ತುಂಬಾ ಚಳಿ ಅಥವಾ ತುಂಬಾ ಬಿಸಿಲಿದ್ದರೆ ಮನೆಯ ಒಳಗೇ ವ್ಯಾಯಾಮ ಮಾಡಬಹುದು. ವಾತಾವರಣದ ಬದಲಾವಣೆ ಉಸಿರಾಟದ ಮೇಲೆ ಪರಿಣಾಮ ಬೀರಬಹುದು.

8. ಧ್ಯಾನ: ರೋಗಿಗಳು ಧ್ಯಾನ ಮಾಡುವ ಅಭ್ಯಾಸ ಬೆಳೆಸಿಕೊಂಡರೆ ದೇಹದೊಂದಿಗೆ ಮಾನಸಿಕ ಸ್ವಸ್ಥತೆಯನ್ನೂ ಕಾಯ್ದುಕೊಳ್ಳಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.